"فسکل ریسپانسیبلیٹی اینڈ ڈیٹ لیمیٹیشن ایکٹ"

[الف نظامی]

معلوم نہیں یہ
"فسکل ریسپانسیبلیٹی اینڈ ڈیٹ لمیٹیشن ایکٹ"
اردو میں ترجمہ شدہ ہے یا نہیں؟

 

[عبیداللہ عبید]

شاید نہیں ۔

 

[الف نظامی]

مالی سال 2013ء ؛ پاکستان کا سرکاری قرضہ ابھی تک جی ڈی پی کا 63.3 فیصد ہے جو مالیاتی ذمہ داری اور تحدیدِ قرضہ ایکٹ2005 ء (فسکل ریسپانسیبلیٹی اینڈ ڈیٹ لمیٹیشن ایکٹ) کے تحت 60 فیصد کی بالائی حد سے زیادہ ہے۔

 

[الف نظامی]

سینیٹ قائمہ کمیٹی برائے خزانہ نے حکومت کوسفارش کی ہے کہ مزید غیرملکی قرضے نہ لیے جائیں اورکہاکہ حکومت جتنے غیرملکی قرضے لے گی عالمی مالیاتی اداروں کاہمارے اندرونی معاملات میں مداخلت اتنی ہی زیادہ بڑھے گی۔

 

[الف نظامی]

13 جون 2013
ملک کا مجموعی قرضہ 31 مارچ 2008ءکو 5602 ارب روپے تھا جس کی متوقع مقدار 30 جون 2013ءکو 14284 ارب روپے ہو گی۔ اس کا مطلب ہے کہ اس دوران مجموعی قرضے میں اڑھائی گنا اضافہ (255 فیصد) ہوا اور اگر ہم مجموعی قرضے کو مجموعی قومی آمدنی کے تناسب سے بھی دیکھیں تو آغاز کار میں یہ تناسب 52.6 فیصد تھا جو رواں مالی سال کے آخر تک بڑھ کر 63.5 فیصد متوقع ہے یعنی اس تناسب میں بھی قریباً 10 فیصد کا خطیر اضافہ ہوا ہے اور فی الوقت یہ اس حد کو بھی عبور کر چکا ہے جو مالیاتی ذمہ داری اور قرضہ کی حد 2005 کے ایکٹ میں طے کی گئی ہے۔ ملک کا مجموعی قرضہ 1947 سے 30 جون 1999 کو تقریباً 3000 ارب روپے تھا۔

 

[الف نظامی]

ملک کے مجموعی قرضے کی موجود ہ صورتِ حال:-
59.19 بلین ڈالر
یا
5.804 ٹریلین روپے یا 5804 ارب روپے

 

[الف نظامی]

ٹیگ نامہ:

 

[الف نظامی]

معروف ماہر معاشیات ڈاکٹر شاہد حسن صدیقی نے کہا ہے کہ پاکستان کو بیرونی قرضوں میں جکڑنے کی کوششیں ہو رہی ہیں اور قرضے پہ قرضہ لے کر ہم اپنی آئندہ نسلوں کو رہن رکھ رہے ہیں جبکہ قرضے لے کر ریزرو بڑھانے اور مصنوعی طریقے سے روپے کی قدر میں اضافہ کرنے سے ملکی معیشت کو استحکام اور ترقی کی راہ پر گامزن نہیں کیا جا سکتا۔

 

[الف نظامی]

وفاقی حکومت پر مجموعی قرضوں کی مالیت جی ڈی پی کے 63.3فیصد کے برابر ہے، اس طرح موجودہ حکومت بھی فسکل رسپانسبلیٹی اینڈ ڈیٹ لمیٹیشن ایکٹ 2005کی خلاف ورزی کی مرتکب ہورہی ہے۔
اس ایکٹ کے مطابق حکومت کو مجموعی عوامی قرضوں کو جون 2013تک جی ڈی پی کے 60فیصد کے برابر لانے کا پابند بنایا گیا تھا جبکہ 2013کے بعد مجموعی عوامی قرضوں میں ہر سال جی ڈی پی کے 2.5فیصد کے برابر کمی لانے کی پابندی عائد کی گئی تھی تاہم اسٹیٹ بینک کے اعدادوشمار کے مطابق دسمبر 2013تک مجموعی قرضے ایکٹ کی مقرر کردہ حد سے بڑھ کر جی ڈی پی کے 63.3فیصد رہے۔

 

[الف نظامی]

ڈاکٹر شاہد حسن صدیقی ، ڈاکٹر شاہدکار دار اور محمد یعقوب (سابق گورنر سٹیٹ بینک) برسوں سے فریادکر رہے ہیں کہ ہم قرض لیں نہ نوٹ چھاپیں تاکہ افراط زرکے موذی مرض کے شکار نہ ہوں۔
گزشتہ مہینے سٹیٹ بینک نے اپنی رپورٹ میں انکشاف کیا کہ موجودہ حکومت نے ایک ماہ میں بیسیوں ارب روپے قرض لیا جبکہ اس کا ہدف صرف دس ارب روپے قرض لینے کا تھا۔ برطانوی اخباروں نے تو صرف سٹیٹ بینک کی رپورٹ کا حوالہ دینے پر اکتفا کیا، یہ کام ان کا نہیں کہ وہ پاکستانیوں کو یہ بھی یاد کرائیں کہ حکو مت جو قرض لیتی ہے اُس پرسُود ( اسلامی شریعت میں حرام ) بھی ادا کرنا ہوتاہے ۔ کتنا سُود؟ اس کی کب اورکیسے ادائیگی ہوگی ؟ غالباً مزید قرض لے کر!
یہ بھی نہیں بتایا گیا کہ قرض لی گئی رقم کن منصوبوں پر خرچ ہوگی۔

 

[الف نظامی]

حکمران ملک و قوم کو سودی قرضوں کے چنگل سے نجات کا بیڑہ اٹھائیں تاجر برادری بھرپور ساتھ دے گی

 

[الف نظامی]

ڈاکٹر حفیظ اے پاشا (ماہرِ اقتصادیات، سابق مشیر خزانہ)
حکومت کی توجہ اسٹرکچرل اصلاحات کے بجائے قرضوں کے حصول پر ہے۔ حکومت نے آئندہ پانچ سے دس سال کے دوران باون ارب ڈالر قرض لینے کے معاہدے کر کے آنے والی نسلوں کو گروی رکھ دیا ہے۔

ڈاکٹر اشفاق حسن (ماہر معیشت)
وزیر خزانہ کہتے ہیں کہ وہاں سے اتنی رقم آئے گی، وہاں سے اتنی رقم آئے گی، تو یہ سب تو قرض ہی ہے نا، یہ قرض تو اور بڑھے گا، بے شک فارن ریزرو بہتر ہوجائیں گے، لیکن یہ ہے تو قرض ہی نا۔

 

[الف نظامی]

پاکستانی حکومتوں کی طرف سے قرضوں کے یہ پہاڑ قانونی اعتبار سے بھی قابل اعتراض ہیں، کیوں کہ 2006 ء کے فسکل ریسپانسیبلٹی اینڈ ڈیبٹ لیمیٹیشن ایکٹ (FRDL) میں یہ طے کردیا گیا تھا کہ داخلی یا خارجی قرضوں کا حجم جی ڈی پی کے 60 فیصد سے تجاوز نہیں کرے گا، لیکن روزِ اول ہی سے پاکستان کی حکومتیں اس قانون کی خلاف ورزی کرتی چلی آرہی ہیں۔

 

[الف نظامی]

حکومت نے قومی اقتصادی سروے برائے 14-2013 جاری کردیا جس کے مطابق ملک میں مہنگائی اور بیرونی قرضوں میں اضافہ ہوا

 

[الف نظامی]

پاکستان عوامی تحریک کے قائد ڈاکٹر محمد طاہرالقادری نے کہا ہے کہ
حکومت نے 9 ماہ میں 52 ارب ڈالر کے قرضے منظور کرا کے اگلی نسلوں کا مستقبل بھی گروی رکھ دیا ہے۔
نا اہل حکومت 12ہزار ارب روپے مقامی بینکوں سے ڈومیسٹک لونز بھی لے چکی ہے۔
1985سے 2013 تک تمام حکومتوں نے59 ارب ڈالر بیرونی قرضہ لیا۔ جبکہ موجودہ حکمرانوں نے اسے ڈبل کر کے ہر پاکستانی کو دو لاکھ روپے کا مقروض بنا دیاہے۔

 

[الف نظامی]

40 فیصد بجلی فرنس آئل سے پیدا ہوتی ہے لیکن وزارت خزانہ کی جانب سے آئی ایم ایف کو لکھے گئے تازہ خط میں بجلی کے نرخ بڑھانے کا عندیہ دیا گیا ہے۔
ان یقین دہانیوں کے بعد ہی آئی ایم ایف نے قرض کی نئی قسط جاری کی ہے جس کا زیادہ تر حصہ پرانے قرضوں پر سود کی ادائیگی کی نذر ہوکر سامراجی بینکوں کی تجوریوں میں واپس چلا جائے گا

 

[الف نظامی]

02 فروری ، 2020
وزارت خزانہ کے ڈیٹ پالیسی اسٹیٹمنٹ میں اعتراف کیا گیا ہے کہ 15ماہ کے عرصے میں پاکستان کے سرکاری قرض و واجبات میں 40فیصد اضافہ ہو گیا ہے جو بڑے پیمانے پر قرضوں کے حصول کی حد سے تجاوز اور فسکل ریسپانسبلٹی اینڈ ڈیٹ لمیٹیشن ایکٹ (ایف آر ڈی ایل ایکٹ) کی خلاف ورزی ہے۔

 

[الف نظامی]

August 29, 2020
Pakistan's public debt-to-GDP ratio increases to 87.2%

 

[الف نظامی]

17 جنوری2020
سینیٹ میں قائد ایوان سینیٹر شبلی فراز نے کہا ہے کہ ڈیٹ لمیٹیشن ایکٹ کے تحت قرضوں کے مقررہ حد سے زیادہ حصول کو روکنے کے لئے نظام کو مزید سخت کرنا چاہئے۔
جمعہ کو ایوان بالا میں وقفہ سوالات کے دوران انہوں نے کہا کہ اس حوالے سے قانون موجود ہے لیکن اس پر عمل درآمد کو مزید بہتر بنانے کی ضرورت ہے اور ایسا طریقہ کار اختیار کرنا چاہئے کہ یہ معاملہ شتر بے مہار نہ بنے اور قرضوں کی مقررہ حد سے زیادہ تجاوز نہ ہو۔