فن کو سدھارتے ہوئے ماہر ڈسے گئے۔ منصور آفاق

[لالہ رخ]

فن کو سدھارتے ہوئے ماہر ڈسے گئے​

سانپوں کو ساتھ رکھتے تھے آخر ڈسے گئے​

​

دنیا زمانہ ساز چلن سے تھی آشنا​

بھولے تھے اس لیے ترے شاعر ڈسے گئے​

​

تجھ کو بھی کچھ خبر ہے سپیروں کے تاج ور​

تیری گلی میں کتنے مسافر ڈسے گئے​

​

زلفِ سیہ کی ایک لپک سے بہار میں​

اڑتے ہوئے خیال کے طائر ڈسے گئے​

​

اک ساحرہ سروپ کے رخسارِ سرخ سے​

منصور شہر لمس کے ساحر ڈسے گئے​

 

[محمد وارث]

شکریہ آپ کا منصور صاحب کی خوبصورت غزل ارسال فرمانے کیلیے۔

 

[باباجی]

خوبصورت کلام
بہت شکریہ شیئرنگ کا

زلفِ سیہ کی ایک لپک سے بہار میں​

اڑتے ہوئے خیال کے طائر ڈسے گئے​

 

[سید زبیر]

واہ ، کیا بات ہے
تجھ کو بھی کچھ خبر ہے سپیروں کے تاج ور
تیری گلی میں کتنے مسافر ڈسے گئے
بہت عمدہ کلام

 

[نایاب]

اک اچھا انتخاب

 

[سید شہزاد ناصر]

بہت خوب انتخاب
شاد و آباد رہیں