فوج کو سیاسی اور جمہوری معاملات میں مداخلت کا حق نہیں: جماعت اسلامی

[حسینی]

'فوج کو سیاسی اور جمہوری معاملات میں مداخلت کا حق نہیں'

لاہور: (دنیا نیوز) جماعت اسلامی کے رہنما لیاقت بلوچ کا کہنا ہے کہ فوج کی قربانیوں کو ہمیشہ تسلیم کیا ہے لیکن اسے سیاسی و جمہوری معاملات میں مداخلت کا براہ راست حق نہیں، فوج کا سیاست میں مداخلت کا حق تسلیم نہیں کیا جا سکتا۔
امیر جماعت اسلامی کے امیر منور حسن کے بیان کے بعد ایک طرف سیاسی جماعتوں کے رہنما برہم تھے تو دوسری جانب آئی ایس پی آر بیان سے متعلق وضاحت طلب کر رہی تھی۔ اس صورت حال کے پیش نظر جماعت اسلامی کا ایک اعلی سطح اجلاس منصورہ میں ہوا جس کی صدارت امیر جماعت اسلامی منور حسن نے کی۔ اجلاس کے بعد لیاقت بلوچ نے میڈیا سے مختصر بات کرتے ہوئے کہا فوج کی قربانیوں کو ہمیشہ تسلیم کیا ہے تاہم ان حقائق کے باوجود فوج کا سیاست میں مداخلت کا حق تسلیم نہیں کیا جا سکتا۔ لیاقت بلوچ کا کہنا تھا اس وقت جب ملک میں ڈرون حملوں کے روکنے کی بات ہو رہی ہے ایک خاص گروہ ضمنی بحث کو چھیڑ کر قوم کو اس میں الجھا رہا ہے۔ لیاقت بلوچ کا کہنا تھا کہ فوجی آمر کی پالیسی کو اب ختم کر دینا چاہیے۔
۔
http://dunya.com.pk/index.php/dunya-headline/200354_1

 

[arifkarim]

'فوج کو سیاسی اور جمہوری معاملات میں مداخلت کا حق نہیں'
لاہور: (دنیا نیوز) جماعت اسلامی کے رہنما لیاقت بلوچ کا کہنا ہے کہ فوج کی قربانیوں کو ہمیشہ تسلیم کیا ہے لیکن اسے سیاسی و جمہوری معاملات میں مداخلت کا براہ راست حق نہیں، فوج کا سیاست میں مداخلت کا حق تسلیم نہیں کیا جا سکتا۔

تو کیا مولوی، مُلا اور مولانا کو ہے؟ کاپی تو مغربی جمہوریتی نظام پارلیمان کی کرتے ہیں لیکن جہاں پاکستانی جمہوریت کا نام آئے وہاں یہ مُلا حضرات حکومت کرنے پہنچ جاتے ہیں۔ کیا انکو اتنا نہیں پتا کہ جس جمہوریتی پارلیمانی نظام کا وہ حصہ ہیں وہ مغرب سے آیا ہے اور یہاں مذہبی رہنماؤں کی قومی سیاست میں کوئی عمل دخل نہیں ہوتی۔ یا تو آپ اس نظام کو نہ اپنائیں اور اگر اپنانا ہے تو پوری طرح اپنائیں۔ یہ کیا کہ ملک کو جمہوریت کا لالی پاپ دیکر مذہب کو قومی سیاست کا حصہ بنایا ہوا ہے۔ ہمارا تو وہ حال ہے کہ نہ تین میں ہیں نہ تیرہ میں۔