فِش قورمہ --

[حجاب]

اجزاء ۔

فِش ۔ آدھا کلو ۔ ٹیونا یا کوئی بھی جس میں کانٹے نہ ہوں ۔
پیاز ۔ 2 عدد ۔ باریک کٹی ہوئی ۔
ٹماٹر ۔ 2 عدد ۔ باریک کاٹ لیں ۔
دہی ۔ ایک کپ ۔
ادرک لہسن مکس پیسٹ 1 کھانے کا چمچہ ۔
پسی ہوئی سرخ مرچ ۔ حسبِ ضرورت ۔
ہلدی ۔ چوتھائی چائے کا چمچہ ۔
نمک ۔ حسبِ ضرورت ۔
مکس گرم مصالحہ پاؤڈر آدھا چائے کا چمچہ ۔
ہری مرچ ۔ 4 عدد ، لمبائی میں کٹی ہوئی ۔
میتھی کے خشک پتّے تھوڑے سے ۔
آئل ۔ حسبِ ضرورت ۔

ترکیب ۔
مچھلی کے حسبِ پسند ٹکڑے کر لیں اور تھوڑا سا پسا ہوا لہسن مچھلی پر اچھی طرح لگا کر کچھ دیر کے لیئے رکھ دیں پھر اچھی طرح دھو لیں ، پیاز کو ہلکا سنہری مائل فرائی کریں اب پیاز میں مچھلی اور میتھی کے پتّوں کے علاوہ سارے مصالحے ڈال کر دہی اور ٹماٹر کے پانی کے خشک ہونے تک اچھی طرح بھونیں ، اب مچھلی ڈال کر آنچ ہلکی کر دیں اور آہستہ آہستہ چمچہ چلاتے ہوئے مچھلی بھونیں یہاں تک کہ مچھلی کا پانی خشک ہو کر آئل نظر آنے لگے اب میتھی کے پتّے ڈال کر 3 یا 4 منٹ کے لیئے دم پر رکھ دیں ، فِش قورمہ تیار ہے بوائل رائس یا روٹی دونوں کے ساتھ کھائیں اور مزے کریں ۔

 

[ابن سعید]

بہت عمدہ اپیا۔

 

[ماوراء]

زبردست۔ آسان اور مزے کی ترکیب لگ رہی ہے۔ میرا دل ابھی کر آیا ہے۔ لیکن میں ان شاءاللہ جلدی بناتی ہوں۔

 

[ماوراء]

لیجیے میرا قورمہ بھی تیار ہے۔

 

[سیدہ شگفتہ]

بہت شاندار !

 

[تیشہ]

لیجیے میرا قورمہ بھی تیار ہے۔

واؤؤؤ، ماورہ بہت مزے کا لگ رہا ہے ۔ مجھے تو بھوک لگ گئی ہے اسے دیکھکر ،

ایک پلیٹ ایسے ہی میرے لئے بناکر بھیج دو ناں

 

[ماوراء]

باجو۔۔کل بنایا تھا۔ اور جو تھوڑا بچا تھا وہ صبح اٹھ کر میں نے کھا دیا۔ بہت مزے کا بنا تھا۔
اب اگلی بار بناؤں گی تو تب ہی آپ کو بھیجوں گی۔ چاہیں تو یہی کھا لیں۔

 

[تیشہ]

اسکو کیسے کھاؤں ۔؟

 

[تیشہ]

ماورہ بی ایس بی پے '' آنسو آئی ہوئی ہے ، کسی زمانے میں ، میری اس سے گپشپ رہی ہے ۔ مگر بہت عرصہ ہوا چلی گئیں تھیں کہیں اللہ جانے کہیں ، مگر ابھی میری نظر پڑی ہے تو وہ بی ایس بی پے واپس آئی ہوئی ہیں ، اور مجھے یاد کر رہی ہیں http://www.urdulife.com/forum/index.php?showtopic=3348&st=3015

میرا بی ایس بی والا پاسورڈ لاست ہوچکا ہے ، میں کبھی گئی ہی نہیں وہاں بہت عرصہ ہوا ، اب تو پاسورڈ سب کچھ بھول بھی گیا ہے ،
تم اگر وہاں گئی تو اسے میرا میسج دے آؤ ، اسے کہنا یہاں ہی آجاؤ ، کہ اب ہم وہاں کا راستہ بھول چکے ہیں ، سب یہی پر ہیں پرانے دوست ،

 

[ماوراء]

باجو۔۔ اتفاق سے میرا پاسورڈ بھی کام نہیں کرتا اب۔بلکہ سارہ کا بھی نہیں کرتا
نہ جائیں تو شاید سب کچھ ختم ہو جاتا ہے۔

امجد بھائی سے اگر کہیں رابطہ ہو تو پوچھنا تو۔۔ یا پھر لیو سے۔۔؟

 

[تیشہ]

اوکے ، لیوِ ِاٹ ،

کسی سے رابطے کرنے کی ضرورت نہیں ہے ۔ رہنے دو ،
اگر گھومتی گھامتی خود ہی اِدھر کو آن نکلے تو ٹھیک ہے ۔ ورنہ رہنے دو اسے وہی پر ،،

 

[تعبیر]

حجاب اور ماوراء آپ دونوں کے قورموں کی شکل مختلف کیوں ہے؟؟؟

ماوراء آپ نے کیا اس میں چکن ڈالا ہے؟؟؟

حجاب لگ تو سچ میں بہت مزے کا رہا ہے کیا اسے فش کے بجائے چکن قورمہ کر سکتے ہیں؟؟؟

 

[حجاب]

میں نے ٹیونا فِش سے بنایا ہے تعبیر ، ٹیونا ڈارک کلر کی ہوتی ہے براؤن سی ، تو اس لیئے کلر ڈارک ہے ، اور ماوراء نے کہا تھا مجھے کہ کوئی اورنج کلر کی فِش تھی جس کا قورمہ بنایا ماوراء نے اس لیئے اُس کا کلر اچھا آیا ہے ہاں تعبیر چکن میں بنا لیں ، یہی مصالحے ہوں کوئی فرق نہیں پڑتا ۔

 

[ماوراء]

میں نے Salmon استعمال کی تھی۔