سید رافع
محفلین
آپ ایم کیو ایم کو بھول گئے کیا؟
قاضی تیرے فیصلے پہ خاک
- صاحب لڑی محب علوی
- تاریخ ابتداء
علی وقار
محفلین
جی ہاں، میں بھی اسے حقیقی مزاحمت نہیں سمجھتا ہوں گو کہ پیپلز پارٹی کے کارکنوں کے متعلق میں سمجھتا ہوں کہ وہ اپنی پارٹی کے ساتھ مخلص تھے اور تا دیر یہی معاملہ رہا۔ آپ کے استدلال سے متفق ہوں کہ زرداری صاحب نے اسٹیبلشمنٹ کے لیے کام آسان کر دیا۔
کیا اب بھی صحیح معنوں میں مزاحمت ہو رہی ہے، اس کے بارے میں کچھ کہنا قبل از وقت ہے۔
علی وقار
محفلین
ایم کیو ایم بھی، کئی اور جماعتیں بھی۔ بس انصافینز ہی ہیں، جن کے لیے یہ معاملات نسبتاًنئے ہیں۔
سید رافع
محفلین
تحریک انصاف کے ووٹرز زیادہ تر لڑکے لڑکیاں ہیں، انکی مدد سے بولڈ پاکستان بنایا جائے گا۔ سدھرنا انکی قسمت میں نہیں ہے۔
تحریک انصاف اور فوج میں نورا کشتی ہے۔ ظاہر ہے نہ ہی فوج اور نہ ہی تحریک انصاف یک دم بولڈ پاکستان بنا سکتی ہے اس لیے اس میں جدوجہد کا اسلامک ٹچ برقرار رکھا جائے گا۔ اس سےسب کے لیے "واردات" کرنےمیں آسانی ہو گی۔
یہ لڑکے لڑکیاں سن 2000 یا اس سے پانچ دس سال قبل پیدا ہوئے ہیں۔ ان کو عدل جیسے نعروں سے بہکانا آسان ہے۔
محب علوی
مدیر
آپ شاید بھول گئے ہیں کہ تحریک انصاف نے مشرف دور میں بھی مزاحمت کی تھی اور عدلیہ بحالی تحریک میں مسلم لیگ ن کے بعد تحریک انصاف نے حصہ ڈالا تھا ۔ عدلیہ بحالی تحریک میں گوجرانوالہ تک تحریک انصاف کے کارکنوں نے پولیس کا سخت جبر سہا تھا مگر اس وقت وہ مسلم لیگ ن کے مقابلے میں کافی چھوٹی جماعت تھی اس لیے زیادہ ذکر نہیں ہوا۔
عمران خان کو مشرف دور میں ہی پہلی دفعہ جیل ہوئی تھی اور مشرف کے خلاف جدو جہد میں وکلا کے ساتھ تھی تحریک انصاف ۔
مسلم لیگ ، پیپلز پارٹی ، ایم کیو ایم کے مقابلے میں تحریک انصاف کی سیاسی عمر خاصی کم ہے مگر ظلم اور جبر برداشت کرنے کا حوصلہ کئی گنا زیادہ ہے ۔
علی وقار
محفلین
یہ کہنا قبل از وقت ہے۔ میرے خیال میں، مذکورہ بالا جماعتوں کے بیشتر رہنما اور کارکن تحریک انصاف کے موجودہ رہنماؤں اور کارکنوں سے زیادہ مزاحمت کرتے رہے ہیں۔ تحریک انصاف کے رہنماؤں کی اکثریت تو پہلے ہلے میں ہی تتر بتر ہو گئی اور سوشل میڈیا کے علاوہ کوئی بڑا اجتماع دیکھنے کو نہیں ملتا ہے۔
یہ نہیں کہا جا سکتا کہ موجودہ دور میں ظلم زیادہ ہو رہا ہے، پہلے بھی بہت کچھ ایسا ہوتا تھا جس کو کور کرنے کے لیے میڈیا بھی موجود نہ ہوتا تھا۔ مثلاً، دیکھیے جو کچھ جہانگیر بدر مرحوم کے ساتھ ہوا، جاوید ہاشمی کے ساتھ ہوا، بظاہر تحریک انصاف کے رہنماؤں کے ساتھ اس کا عشر عشیر بھی نہ ہوا۔
تاہم، یہ ضرور کہا جا سکتا ہے کہ عمران خان بذات خود زیادہ جرات مند رہنما ثابت ہوئے ہیں۔ وہ فرنٹ سے لیڈ کر رہے ہیں، دیکھنا ہو گا کہ وہ کب تک اپنے اصولوں پر قائم رہتے ہیں۔ فی الوقت اُن کو گرانے کی اسٹیبلشمنٹ کی ہر تدبیر ناکارہ ثابت ہوئی ہے اور وہ کافی پُرعزم دکھائی دیتے ہیں۔
زیک
مسافر
ایم آر ڈی کا کوئی ذکر نہیں
علی وقار
محفلین
شاید محب نے ابھی دیگر سیاسی جماعتوں پر آنے والے برے وقتوں سے متعلق زیادہ مطالعہ نہیں کیا ہے۔ ظاہری بات ہے کہ تب سوشل میڈیا کا وجود تک نہ تھا، گو کہ میڈیا کی آزادی کی کم و بیش یہی حالت تھی یا شاید قدرے ابتر۔ باچا خان نے ہی شاید چالیس سال کے قریب جیل کاٹی۔ عبدالصمد اچکزئی نے پینتیس برس کے قریب وقت عقوبت خانوں میں گزارا۔ پیپلز پارٹی کا ذکر تو میں کر دیا کہ ان کے لیڈر کو پھانسی ہو گئی، کئی دیگر جلا وطن ہو گئے یا انہیں عبرت کا نشان بنایا گیا۔ جاوید ہاشمی کے ساتھ بھی جو سلوک ہوا، اسے بھولنا بھی آسان نہیں۔ اس طرح اور بھی کئی مثالیں ہیں مگر ہماری بد قسمتی یہ ہے کہ سوشل میڈیا کی چکا چوند میں ہمیں قربانی وہی نظر آتی ہے جس کا آئے روز تذکرہ کیا جائے۔ تاہم، اس کے باوصف میں یہ سمجھتا ہوں کہ عمران خان نے پھر بھی کافی حد تک جرات رندانہ دکھائی ہے مگر دیکھیے کب تک۔ تحریک انصاف میں سب سے بڑی قربانی اب تک خود خان صاحب نے ہی دی ہے۔
آخری تدوین: