قدیم اور انمول مصنوعات

[محسن وقار علی]

ایپل کی پرانی مصنوعات الماری کے کسی کونے میں پڑی رہتی ہیں کیونکہ ان کا کوئی خریدار نہیں ہوتا لیکن اس کمپیوٹر کا شمار ان مصنوعات میں نہیں ہوتا۔ یہ ایپل 1 ہے جس کو سٹیو ووزنیک نے سٹیو جابز کے والدین کے گیراج میں 37 سال قبل تیار کیا تھا۔ اس کمپیوٹر کو پچیس مئی کو جرمنی میں نیلامی کے لیے پیش کیا جا رہا ہے۔

بہ شکریہ بی بی سی اردو

 

[محسن وقار علی]

ایپل 1 ان دیگر مصنوعات میں سے ایک ہے جو نیلامی میں پیش کیے جائیں گے۔ ان مصنوعات میں سے کچھ ایک سو سال پرانی ہیں۔ ان میں سے کچھ مصنوعات ایسی بھی ہیں جنہیں بڑے پیمانے پر تیار نہیں کیا گیا تھا جیسے سیلبی 8 ایچ صرف 200 کی تعداد میں بنے تھے۔

 

[محسن وقار علی]

سیلبی 8 ایچ پاسکلائن کے مقابلے میں زیادہ بہتر لگتا ہے۔ پاسکلائن کو 1642 میں فرانسیسی ریاضی دان پاسکل نے ڈیزائن کیا اور یہ دنیا کا پہلا مکینیکل کیلکولیٹر تھا۔

 

[محسن وقار علی]

لیکن پاسکل کی بدقسمتی کہ اس وقت لوگوں نے اس کو بہت مہنگا اور ناقابل اعتبار قرار دے دیا۔

 

[محسن وقار علی]

تھری ڈی پرنٹنگ کا جنون 2013 میں ہوگا لیکن 1780 میں یہ پہلی ایک جگہ سے دوسری جگہ لے جانے والی کاپی پریس ہے۔ اس کو جیمز واٹ نے ڈیزائن کیا۔ جیمز کو سٹیم انجنز کے حوالے سے یاد رکھا جاتا ہے۔ اس کاپی پریس کو امریکی صدر تھامس جیفرسن نے بھی استعمال کیا تھا۔

 

[محسن وقار علی]

آج کل کی مصنوعات کے مقابلے میں پرانے زمانے میں پائیدار مصنوعات تیار کی جاتی تھیں۔ فورڈ کا تیار کردہ یہ ٹائپ رائٹر 1895 کا ہے اور اس وقت اس کی قیمت بیس ہزار ڈالر ہے۔

 

[محسن وقار علی]

اس نیلامی میں مکینیکل کھلونے بھی نیلامی کے لیے پیش کیے جائیں گے۔ اس کھلونے کو 1915 میں تیار کیا گیا۔ یہ کھلونا ٹانگ پر ٹانگ رکھ کر بیٹھتا ہے اور مکینیکل بازو سے یہ چائے کا کپ پکڑتا ہے اور تمباکو نوشی بھی کرتا ہے۔

 

[محسن وقار علی]

ایپل کی دیگر مصنوعات سمیت 1980 میں لیزا 1 کمپیوٹر بھی ہے۔ اس کا شمار ان پہلے کمپیوٹرز میں ہوتا ہے جس میں ماؤس کا استعمال کیا گیا۔

 

[محسن وقار علی]

سٹیو جابز اور سٹیو ووزنک ایم آئی ٹی ایس الٹیئر 8800 سے بہت متاثر تھے۔ اس سے پرسنل کمپیوٹرز کے دور کا آغاز ہوا۔

 

[محسن وقار علی]

لیکن اس ماڈل نے تاریخ بدل دی۔ امید کی جا رہی ہے کہ اس انیگما مشین کو تیس سے تینتیس ہزار ڈالر میں بیچا جا سکے گا۔

 

[محسن وقار علی]

ٹیگ نامہ

 

[زبیر مرزا]

زبردست مجھے قدیم اشیاء بہت پسند ہیں اورجمع کرنے کا شوق ہے
مٹی کے برتن اورپُرانی وضع کا گھریلوسامان
میرے ایک سوشل ورکردوست کا آفس ان اشیاء سے سجا ہے اوراُسے قدیم اشیاء بہت پسند ہیں
ان کی بیگم بھی ان سے چالیس سال قدیم ہیں

 

[محسن وقار علی]

ان کی بیگم بھی ان سے چالیس سال قدیم ہیں

 

[محسن وقار علی]

 

[غدیر زھرا]

زبردست شیئرنگ بھیا

 

[محسن وقار علی]

زبردست شیئرنگ بھیا

شکریہ بچے

 

[عمراعظم]

زبردست محسن وقار علی ۔نادر اشیا ء کی زیارت اچھی لگی۔

 

[محسن وقار علی]

زبردست محسن وقار علی ۔نادر اشیا ء کی زیارت اچھی لگی۔

شکریہ انکل جی

 

[سید ذیشان]

یہ سب چیزیں تو بہت پرانی ہیں لیکن بچپن میں ایک چیز میرے پاس ہوتی تھی جس کا نام ہے speak and spell

اس پر کوئی بھی لفظ ٹائپ کرتے تو یہ اس کو بولتا تھا۔ مجھے تو اسوقت a b c بھی نہیں آتی تھی لیکن ایک لفظ سن کر میں بہت خوش ہوتا تھا اور وہ تھا much۔ اس لفظ میں بظاہر تو کوئی خاص بات نہیں لیکن پشتو بولنے والے جانتے ہیں کہ مچ پشتو میں مکھی کو کہتے ہیں۔

 

[محسن وقار علی]

یہ سب چیزیں تو بہت پرانی ہیں لیکن بچپن میں ایک چیز میرے پاس ہوتی تھی جس کا نام ہے speak and spell

اس پر کوئی بھی لفظ ٹائپ کرتے تو یہ اس کو بولتا تھا۔ مجھے تو اسوقت a b c بھی نہیں آتی تھی لیکن ایک لفظ سن کر میں بہت خوش ہوتا تھا اور وہ تھا much۔ اس لفظ میں بظاہر تو کوئی خاص بات نہیں لیکن پشتو بولنے والے جانتے ہیں کہ مچ پشتو میں مکھی کو کہتے ہیں۔

گویا آپ کو "مکھیاں" پسند تھیں