قطبِ شمالی کے برفانی ریچھ مشکل میں

[محسن وقار علی]

قطبِ شمالی میں رہنے والے ریچھ مشکل میں ہیں۔ عالمی حدت کی وجہ سے ہر سال برف کا رقبہ کم ہوتا چلا جا رہا ہے اور اس نازک ماحولیاتی نظام کو خطرے کا سامنا ہے۔

بہ شکریہ بی بی سی اردو

 

[محسن وقار علی]

امریکی فوٹوگرافر اور ماحولیاتی کارکن جینی ای راس اور کینیڈا کی یونیورسٹی آف البرٹا کے اینڈریو ڈیروچر یہ معلوم کرنے کی کوشش کر رہے ہیں کہ ماحول میں تبدیلی برفانی ریچھوں کی زندگیوں پر کس طرح اثرانداز ہو رہی ہے

 

[سید شہزاد ناصر]

موضوع کے حساب سے کچھ معلومات بھی دیا کریں
تشنگی رہ جاتی ہے

 

[محسن وقار علی]

برفانی ریچھ اور سیل قطبیِ شمالی کے نمایاں باسی ہیں۔ برفانی ریچھ برف کے اوپر رہتے ہیں جب کہ سیل برف کے نیچے

 

[محسن وقار علی]

موضوع کے حساب سے کچھ معلومات بھی دیا کریں
تشنگی رہ جاتی ہے

کیپشن دے تو رہا ہوں

 

[سید شہزاد ناصر]

ایک دو پیگ سے بلا نوشوں کا کیا بنتا ہے

 

[محسن وقار علی]

برفانی ریچھوں کی سونگھنے کی حس نہایت تیز ہوتی ہے۔ وہ اس حس کو استعمال کر کے اس یخ بستہ برفانی صحرا میں چربیلے سیل اور والرس کی تلاش میں اکیلے گھومتے رہتے ہیں

 

[محسن وقار علی]

ایک دو پیگ سے بلا نوشوں کا کیا بنتا ہے

 

[محسن وقار علی]

پروفیسر ڈیروچر کہتے ہیں ’اگر برف ختم ہو جائے تو تمام ماحولیاتی نظام بھی بیٹھ جائے گا۔ اس کے شواہد مل رہے ہیں اور اب ریچھ پرندے، سمندری گھاس اور جو ملتا ہے، کھا رہے ہیں۔‘

 

[محسن وقار علی]

راس کہتی ہیں، ’میں نے دیکھا کہ یہ نوجوان ریچھ ایک عمودی چٹان پر چڑھ رہا تھا۔ وہ بھوکا تھا، اور اسے انڈوں کی تلاش میں اس سے کہیں زیادہ توانائی صرف کرنا پڑی جتنی توانائی انڈے کھانے سے مل پاتی۔‘

 

[محسن وقار علی]

راس نے دیکھا کہ ایک اور موقعے پر ایک بالغ ریچھ نے ریچھ کے بچے کو مار ڈالا۔ وہ کہتی ہیں، ’ریچھوں کے بچے بالغوں کے لیے خوراک کا نسبتاً آسان ذریعہ ثابت ہو رہے ہیں۔‘

 

[محسن وقار علی]

اب ریچھ انسانی آبادیوں کے قریب بھی زیادہ دیکھے جانے لگے ہیں۔ پروفیسر ڈیروچر کہتے ہیں، ’شکار نہ ملنے کی وجہ سے وہ خوراک کے متبادل ذرائع ڈھونڈنے پر مجبور ہو جاتے ہیں۔‘

 

[محسن وقار علی]

جو ریچھ انسانی آبادیوں کے بہت زیادہ قریب پہنچ جاتے ہیں انھیں گاڑیوں میں ڈال کر دوبارہ شمال بھیج دیا جاتا ہے

 

[محسن وقار علی]

جوں جوں برف پگھلتی جا رہی ہے، برفانی ریچھوں کی تعداد میں تیزی سے کمی آتی چلی جا رہی ہے۔ اس سے ان کی قدر و قیمت میں بھی اضافہ ہو رہا ہے اور ممکن ہے کہ ان کی ایک جھلک دیکھنے کے لیے زیادہ سے زیادہ سیاح قطب شمالی کا رخ کریں

 

[محسن وقار علی]

ٹیگ نامہ