لاس ویگاس میں الیکٹرانکس شو

[محسن وقار علی]

امریکہ کا سب سے بڑا ٹیکنالوجی تجارتی میلہ لاس ویگاس میں منعقد ہوا۔ جہاں پر جدید آلات نمائش کے لیے رکھے گئے۔ ایک اندازے کے مطابق ڈیڑھ لاکھ افراد نے یہ نمائش دیکھی۔ صحافیوں کو نمائش کے آغاز سے قبل ہی چوراسی انچ کے اس کمپیوٹر ٹیبلٹ سمیت دیگر آلات کے جائزے کا موقع ملا

بہ شکریہ بی بی سی اردو

 

[محسن وقار علی]

اس مرتبہ تجارتی نمائش میں سب سے زیادہ زور الٹرا ایچ ڈی ایل ای ڈی ٹی وی پر رہا۔ ایل جی کے اس چوراسی انچ کے ٹی وی کی قیمت بیس ہزار ڈالر ہے

 

[محسن وقار علی]

موبائل فون اور اس سے متعلقہ سامان اس نمائش کا اہم حصہ تھے۔ اس مرتبہ جہاں پانی میں بھی کام کرنے والا موبائل فون متعارف کروایا گیا وہیں ننانوے ڈالر قیمت والا ایسا موبائل بھی متعارف کرایا گیا جو ڈبل اے بیٹری سیل پر چلتا ہے

 

[محسن وقار علی]

میٹرکس آڈیو نے یہ جیبی سپیکر نمائش میں پیش کیے۔ پچاس ڈالر فی کس قیمت والے یہ سپیکر آن لائن دستیاب ہیں۔ کمپنی کا دعویٰ ہے کہ یہ دنیا کے سب سے مختصر تین واٹ کے سپیکر ہیں۔ یہ حجم میں گالف کی گیند سے کچھ چھوٹے ہیں

 

[محسن وقار علی]

اس عینک میں کیمرہ اور وائی فائی دونوں موجود ہیں۔ اس کی قیمت چار سو ڈالر ہے اور اس میں نہ صرف جی پی ایس کی سہولت ہے بلکہ اسے سمارٹ فون ایپلیکیشن کی مدد سے کنٹرول کیا جا سکتا ہے۔ یہ عینکیں سنو بورڈنگ جیسے کھیلوں میں استعمال ہوں گی

 

[محسن وقار علی]

ریگے موسیقار باب مارلے کے بیٹے روہن مارلے نے تجارتی میلے میں ہاؤس آف مارلے کے آٹھ سو ڈالر مالیت کے سپیکر سسٹم کی رونمائی کی

 

[محسن وقار علی]

اس نمائش میں ایورسینس برقی تھرموسٹیٹ بھی پیش کیا گیا۔ اس تھرموسٹیٹ کو سمارٹ فون کی مدد سے کنٹرول کیا جا سکتا ہے

 

[محسن وقار علی]

یہ برقی کانٹا آپ کے کھانا کھانے کی رفتار پر نظر رکھتا ہے اور آئندہ موسمِ گرما میں سو ڈالر کے عوض دستیاب ہوگا۔ اس کانٹے میں موجود نظام نہ صرف کھانے کی مقدار اور کھانے والے کی رفتار پر نظر رکھتا ہے بلکہ تیزی سے کھانا کھانے والوں کو تھرتھراہٹ اور روشنیوں کی مدد سے متنبہ بھی کرتا ہے

 

[محسن وقار علی]

یہ بارہ بٹنوں والا جیلا جی ایکس گیمنگ ماؤس ہے۔ جینیئس کمپنی کی جانب سے تیار کردہ یہ ماؤس ایک سیکنڈ میں 72 میکرو کیز فی بٹن ریکارڈ کر سکتا ہے اور اس کی قیمت ننانوے ڈالر ہے

 

[محسن وقار علی]

ویمو لائٹ سوئچ نامی یہ سوئچ بیلکن کمپنی کی پیشکش ہے اور اسے سمارٹ فون یا ٹیبلٹ کی مدد سے کنٹرول کیا جا سکتا ہے۔ انچاس ڈالر مالیت کا یہ سوئچ بھی رواں سال موسمِ گرما میں دستیاب ہوگا

 

[محسن وقار علی]

ایگو کا یہ ویڈیو کیمرہ ایک ایسا فل ایچ ڈی کیمرہ ہے جس میں وائی فائی کی سہولت بھی دستیاب ہے۔ اس کی تصاویر کو کسی سمارٹ فون یا ٹیبلٹ پر دیکھا جا سکتا ہے۔ اس کی قیمت 179 ڈالر ہے

 

[محسن وقار علی]

نمائش میں باتیں کرنے اور گانے والے دانت صاف کرنے کے برش بھی رکھے گئے تھے۔ جنہیں مشہور بینڈز اور کارٹون کرداروں سے منسوب کیا گیا ہے۔

 

[محسن وقار علی]

شیورلیٹ کار کا مائی لنک نظام بھی اس نمائش میں پیش کیا گیا۔۔ یہ نظام نہ صرف ایپل اور اینڈرائڈ آلات کی متعدد ایپلیکیشنز چلاتا ہے بلکہ سری کمانڈ سافٹ ویئر سے بھی مطابقت رکھتا ہے

 

[عائشہ عزیز]

اتنے مزے کی چیزیں کہاں سے ڈھونڈ لاتے ہیں محسن بھیا

 

[محسن وقار علی]

ٹیگ نامہ

 

[محسن وقار علی]

اتنے مزے کی چیزیں کہاں سے ڈھونڈ لاتے ہیں محسن بھیا

لوجی
تم نے خود ہی تو مجھے "جاسوس بھیا" کا خطاب دیا تھا
اب ایک "جاسوس" کے لیے تو ایسی چیزیں ڈھونڈنا ناممکن نہیں ہے نا

 

[عائشہ عزیز]

لوجی
تم نے خود ہی تو مجھے "جاسوس بھیا" کا خطاب دیا تھا
اب ایک "جاسوس" کے لیے تو ایسی چیزیں ڈھونڈنا ناممکن نہیں ہے نا

ارے ہاں یہ تو میں بھول ہی گئی جاسوس بھیا