غزل قاضی
محفلین
لانیحل
زباں پہ مُہر گدائی ہے ، کِس سے بات کروں
حُروف کاسہؑ بےمایہ ہیں ، قلم کشکول
ضمیر بےحِس و حرکت ہے زیست بےپہلُو
شِکَن ہے دامَن ِ ہستی میں ، آستِین پہ جھول
مَیں خود طِلسم کی پریوں سے بےکِنار ہؤا
کِسے کہوں کہ مِری رُوح کے دریچے کھول
میں اِک سراب کی خواہش پہ بیچ آیا ہُوں
تمام بادہ و ساغر ، تمام تشنہ لبی
حریم ِ عقل میں جس کا کوئی جواز نہ تھا
نِشاط ِ دل تھی وُہی زندگی کی بےسبَبی
اُجڑ گئے مِرے گُلگَشت ، میرے رُکنا باد
مری دُعائے سَحر ، میری آہ ِ نِیم شبی
کہاں وُہ دِن تھے کہ پروائے ننگ و نام نہ تھی
کہاں یہ وقت کہ سایہ سنبھل کے چلتا ہے
مجھے کِسی بھی تعیُّن پہ اِختیار نہیں
یہ کوئی اَور مِرے راستے بدلتا ہے
جنُوں سے رسم نہ رکُّھوں تو جاں سُلگتِی ہے
طلب کا قرض اُتاروں تو جِسم جلتا ہے
مصطفیٰ زیدی
( قبائے سَاز )
زباں پہ مُہر گدائی ہے ، کِس سے بات کروں
حُروف کاسہؑ بےمایہ ہیں ، قلم کشکول
ضمیر بےحِس و حرکت ہے زیست بےپہلُو
شِکَن ہے دامَن ِ ہستی میں ، آستِین پہ جھول
مَیں خود طِلسم کی پریوں سے بےکِنار ہؤا
کِسے کہوں کہ مِری رُوح کے دریچے کھول
میں اِک سراب کی خواہش پہ بیچ آیا ہُوں
تمام بادہ و ساغر ، تمام تشنہ لبی
حریم ِ عقل میں جس کا کوئی جواز نہ تھا
نِشاط ِ دل تھی وُہی زندگی کی بےسبَبی
اُجڑ گئے مِرے گُلگَشت ، میرے رُکنا باد
مری دُعائے سَحر ، میری آہ ِ نِیم شبی
کہاں وُہ دِن تھے کہ پروائے ننگ و نام نہ تھی
کہاں یہ وقت کہ سایہ سنبھل کے چلتا ہے
مجھے کِسی بھی تعیُّن پہ اِختیار نہیں
یہ کوئی اَور مِرے راستے بدلتا ہے
جنُوں سے رسم نہ رکُّھوں تو جاں سُلگتِی ہے
طلب کا قرض اُتاروں تو جِسم جلتا ہے
مصطفیٰ زیدی
( قبائے سَاز )
