لوکاں نیں اکھ پہلی واری ورتی اے

[عبدالقیوم چوہدری]

پینڈے بیٹھے پال ہوا دے گھٹے نوں
میں نئیں کیتا نال ہوا دے گھٹے نوں

پچھے آندی دھوڑ اں دا میں واقف نئیں
راہ کیتا بے حال ہوا دے گھٹے نوں

ساڈے سر دا صدقہ دیوے ساون نوں
نئیں تے کہڑی ڈھال ہوا تے گھٹے نوں؟

میں وی چیتر وہڑے جا کے بیجاں گا
کوئی ڈکے سال ہوا دے گھٹے نوں

میں ٹاہلی دے گاہلڑ ویکھن آیا واں
ہن ناں دینا جال ہوا دے گھٹے نوں

لوکاں نیں اکھ پہلی واری ورتی اے
ربا رکھیں ٹال ہوا دے گھٹے نوں

اسماں توں روٹی سٹی جاوے گی
تھورا پھکو لال ہوا دے گھٹے نوں

انی پے گئی ہن تے جگ تے چانن دی
کس نے دسی چال ہوا تے گھٹے نوں ؟

​

۔۔۔
محمد صابر​

​