شو کمار بٹالوی لچھی کڑی

[سید شہزاد ناصر]

کالی داتری چنن دا دستا
تے لچھی کڑی واڈھیاں کرے
اوہدے نیناں وچ لپّ لپّ کجلا
تے کناں وچ کوکلے ہرے ۔

مکھ تے پسینہ اوہدے کھاوے انج میل نی
جویں ہندی کمیاں 'تے کتے دی تریل نی
اوہدی ہتھ جیڈی لمی دھون ویکھ کے
پیلاں پاؤنوں مور وی ڈرے
کالی داتری…۔

رنگ دی پیاری تے شرابی اوہدی ٹور نی
باغاں وچوں لنگھدی نوں لڑ جاندے بھور نی
اوہدے والاں وچ مسیا نوں ویکھ کے
کنے چن ڈبّ کے مرے
کالی داتری…۔

گورے ہتھیں داتری نوں پایا اے ہنیر نی
وڈھّ وڈھّ لائی جاوے کنکاں دے ڈھیر نی
اوہنوں دھپّ وچ بھکھدی نوں ویکھ کے
بدلاں دے نین نے بھرے
کالی داتری چنن دا دستا
تے لچھی کڑی واڈھیاں کرے​

 

[تلمیذ]

واہ واہ ، شاہ جی، شِو دے کلام دی کنی سوہنی وَنگی لبھی جے۔ پڑھ کے وارث شاہ ہوراں دی ہیر دا سراپا یاد آگیا اے۔
اک سوال اے۔
مکھ تے پسینہ اوہدے کھاوے انج میل نی
جویں ہندی کمیاں 'تے کتے دی تریل نی

ایہدے وچ کمیاں دا کیہہ مطلب ہوندا اے؟

محمد یعقوب آسی,
فلک شیر,
اوشو,
نیرنگ خیال,

 

[محمد یعقوب آسی]

واہ واہ ، شاہ جی، شِو دے کلام دی کنی سوہنی وَنگی لبھی جے۔ پڑھ کے وارث شاہ ہوراں دی ہیر دا سراپا یاد آگیا اے۔
اک سوال اے۔
مکھ تے پسینہ اوہدے کھاوے انج میل نی
جویں ہندی کمیاں 'تے کتے دی تریل نی

ایہدے وچ کمیاں دا کیہہ مطلب ہوندا اے؟

محمد یعقوب آسی,
فلک شیر,
اوشو,
نیرنگ خیال,

میں شِو کمار نوں پڑھیا نہیں۔ میرا اندازہ اے شاہ ہوراں نے کھُمبیاں نوں کمیاں بنا چھڈیا اے۔ اوہ تے کتے دی کاف تے پیش نہیں پا چھڈی، مہربانی اے اونہاں دی۔
کَتّے ۔۔ (کاتک) ستمبر اکتوبر ۔۔ سردیاں توں پہلوں دے مہینے جدوں تریل (شبنم) بہت پیندی اے۔ بھادوں (بھدرا) دے مہینے وچ جدوں وٹ (حبس) ہوندا اے اس توں بعد کھُمبیاں اُگدیاں نیں تے ستمبر اکتوبر وچ بہت عام ہو جاندیاں نیں۔ چِٹیاں چِٹیاں پولیاں پولیاں کھُمبیاں تے تریل پئی ہووے تے اوہ کیہ منظر ہووے گا، ایہ محسوس کرن والی گل اے۔

پنجابی شاعری (خاص کر دھرتی نال جڑی ہوئی شاعری) نوں سمجھن لئی دھرتی نوں سمجھنا بہت ضروری اے۔

 

[تلمیذ]

بڑی نوازش ، جناب آسی صاب۔

 

[عبدالقیوم چوہدری]

میرا اندازہ اے شاہ ہوراں نے کھُمبیاں نوں کمیاں بنا چھڈیا اے

سر جی، میں ایہہ گیت سنیا اے، سُنن وچ لفظ کمیاں ای سمجھ آوندا اے، پر اے کھمبیاں (poles) وی ہو سکدا اے

 

[تلمیذ]

سر جی، میں ایہہ گیت سنیا اے، سُنن وچ لفظ کمیاں ای سمجھ آوندا اے، پر اے کھمبیاں (poles) بھی ہو سکدا اے

چوہدری صاب، کتے دی تریل دے حوالے نال آسی صاب دی وضاحت ای صحیح اے۔
ایس گیت دا ربط لکھ دیو تے مہربانی ہووے گی۔

 

[عبدالقیوم چوہدری]

چوہدری صاب، کتے دی تریل دے حوالے نال آسی صاب دی وضاحت ای صحیح اے۔
ایس گیت دا ربط لکھ دیو تے مہربانی ہووے گی۔

ایتھے سن لوو۔

 

[bilal260]

زبر دست شیئرنگ ہے مزا آ گیا بادشاہو۔

 

[عبدالقیوم چوہدری]

چوہدری صاب، کتے دی تریل دے حوالے نال آسی صاب دی وضاحت ای صحیح اے۔
ایس گیت دا ربط لکھ دیو تے مہربانی ہووے گی۔

ایتھے سن لوو۔

'چمےیاں' وی ہو سکدا اے تے 'بنےیاں' وی
دو، ترے واری سنیا اے، پر صحیح لفظ سمجھ نہیں پئیا۔

 

[محمد یعقوب آسی]

سر جی، میں ایہہ گیت سنیا اے، سُنن وچ لفظ کمیاں ای سمجھ آوندا اے، پر اے کھمبیاں (poles) وی ہو سکدا اے

اللہ جانے چوہدری جی۔ میں دسیا نا، میں شِو نوں نہیں پڑھیا۔ میں تے اپنا اندازہ دَسیا سی۔

 

[عبدالقیوم چوہدری]

اللہ جانے چوہدری جی۔ میں دسیا نا، میں شِو نوں نہیں پڑھیا۔ میں تے اپنا اندازہ دَسیا سی۔

شکریہ سر جی۔ گیت دے بول تے بڑے ہی من موہنے تے سوہنے نیں، پر اک تے گاون آلی نے کج رفتار تیز رکھی اے، واجے وی کوئی چج دا نئی پئے وجدے تے تیجا ریکارڈنگ وی بس ایویں ای اے۔۔
تُسی جیہڑا انداز لایا اے او بلکل ٹھیک ہو سکدا اے۔

 

[محمد یعقوب آسی]

شکریہ سر جی۔ گیت دے بول تے بڑے ہی من موہنے تے سوہنے نیں، پر اک تے گاون آلی نے کج رفتار تیز رکھی اے، واجے وی کوئی چج دا نئی پئے وجدے تے تیجا ریکارڈنگ وی بس ایویں ای اے۔۔
تُسی جیہڑا انداز لایا اے او بلکل ٹھیک ہو سکدا اے۔

جیوندے رہو۔ اللہ خوش رکھے۔

 

[bilal260]

شِو ہندوئوں کے ایک دیوتا یا خدا کو کہتے ہیں۔ ہندو مزہب کے مطابق۔

 

[اوشو]

شِو ہندوئوں کے ایک دیوتا یا خدا کو کہتے ہیں۔ ہندو مزہب کے مطابق۔

ایہہ "شِو دیوتا" دا ذکر نہیں، شِو کمار بٹالوی نامی مشہور پنجابی شاعر دی گل ہو رہی اے۔
اک واری کجھ دوستاں نال سیر سپاٹا کردے "راج کٹاس" ول نکل گئے۔ اوتھے ہندوؤاں دا اک پرانا مندر سی جس نوں "شِو دا مندر" کہیا جاندا اے۔ تے اک دوست میرے کولوں پچھدا "یار ایہہ شِو کمار بٹالوی " ایتھے آ کے پوجا پاٹ کردا سی جس پاروں اس نوں "شِو دا مندر" کہیا جانا اے؟

 

[bilal260]

میں اس لئی لکھیا اے کے جس طرح کسے بندے نوں رحمن نہیں کہندے ،قادر نہیں کہندے رافع نہیں کہندے جدوں وی کہندے نے عبدالقادر کہندے نے عبدالرحمن کہندے نے عبدالرافع کہندے نے ایسے طرح شو دی جگر تھوڑا جیا ناں ودا لیتا جائے شیو کمہار لکھیا جائے۔ علم چے اضافے لئی لکھیا اے۔
میں نے کبھی پنجابی نہیں لکھی کوئی غلطی ہو گئی ہو پنجابی لکھنے میں تو معزرت۔
اساں سیالکوٹی آں ۔آہو جی۔تہ ہور۔

 

[اوشو]

شیو کمہار

ھاھاھاھاھاھا
وادھا کرو ، ایسا وادھا نہ کرو

 

[bilal260]

اپن تہ بندے ہاں تہ گلتیاں بندیاں کولوں ہی ہوندیاں نے۔(ہاہاہا)کمار لکھنا سی۔

 

[محمد یعقوب آسی]

سر جی، میں ایہہ گیت سنیا اے، سُنن وچ لفظ کمیاں ای سمجھ آوندا اے، پر اے کھمبیاں (poles) وی ہو سکدا اے

تہاڈی موج اے چوہدری جی۔ کھُمبیاں نو کھَمبیاں تے چڑھا چھڈو۔