لیکھاں دیاں دُھپاں کدی چھاواں لُٹ لیا اے

[عبدالقیوم چوہدری]

لیکھاں دیاں دُھپاں کدی چھاواں لُٹ لیا اے
تلیاں نوں سُولاں والے راہواں لُٹ لیا اے

بُوٹیاں تے خالی خالی آہلنڑے اُڈیکدے
خورے اَج کوئلاں نوں کاواں لُٹ لیا اے

تارواں توں ڈوہنگے تارو پانڑیاں نیں ڈُوبیا
مینوں میری بیڑی دے ملاحواں لُٹ لیا اے

غیراں اُتے کاہدا گلہ غیر فِر غیر نیں
ایتھے تے پراوں نوں پراواں لُٹ لیا اے

عرضاں سُناواں سُنڑی عرشاں دے مالکا
سانوں تے زمیناں دے خداواں لُٹ لیا اے

اوہنوں میرے ٹھنڈے ٹھنڈے ہوکیاں نیں ٹھگیا
مینوں اوہدے اوہدے کوسے کوسے ساہواں لُٹ لیا اے

جنیاں نیں گلاں یارو اُونے ای اج مُوں نیں
میرے گھر بار نوں صلاحواں لُٹ لیا اے

پیار دی اخیر دساں پیار کِنوں کہندے نیں
پیار والا سِیک سارا ماواں لُٹ لیا اے

پا کے ظہور لہو آساں دے بنیرے تے
جدوں دیوا بالیا ہواواں لُٹ لیا اے​

۔۔۔۔۔۔۔
ساجد منصور

 

[یوسف سلطان]

بہت ودھیا ۔

 

[یاز]

بوہت اعلیٰ جناب۔

 

[حمیرا عدنان]

اوہنوں میرے ٹھنڈے ٹھنڈے ہوکیاں نیں ٹھگیا
مینوں اوہدے اوہدے کوسے کوسے ساہواں لُٹ لیا اے

واہہہ کمال دا شعر اے... بہت ودھیا

 

[لاریب مرزا]

پنجابی پڑھنا بہت مشکل ہے، بہت سے الفاظ کی سمجھ نہیں آئی۔

 

[عبدالقیوم چوہدری]

پنجابی پڑھنا بہت مشکل ہے، بہت سے الفاظ کی سمجھ نہیں آئی۔

نشان زدہ کیجیے۔ کوشش کروں گا کہ متبادل اردو لفظ بتا سکوں

 

[لاریب مرزا]

تلیاں نوں سُولاں والے راہواں لُٹ لیا اے


بُوٹیاں تے خالی خالی آہلنڑے اُڈیکدے

​

​

(سولاں والے
آہلنڑے )

 

[عبدالقیوم چوہدری]

(سولاں والے
آہلنڑے )

سولاں = دشوار گزار, کانٹوں بهرے
آہلنڑے = گهونسلے

 

[لاریب مرزا]

سولاں = دشوار گزار, کانٹوں بهرے
آہلنڑے = گهونسلے

شکریہ!!