ماؤنٹ ایورسٹ کو سر کرنے کے 60 برس بعد

[محسن وقار علی]

خراب موسم اور برفانی طوفان کے باعث ڈرامائی حالات میں مہم کو ملتوی کیا جاتا رہا۔ لیکن یکم جون 1953ء کو ملکہ برطانیہ کی تاج پوشی کے وقت یہ خبر لندن پہنچی کہ انتیس مئی کو ایڈمنڈ ہلیری اور تینزنگ نارگے نے دنیا کی بلند ترین چوٹی سر کر لی ہے۔ برطانیہ بھر میں خوشی کی لہر دوڑ گئی۔
مصنف: شٹیفن نیسٹلر / امتیاز احمد | ایڈیٹر: کالے کوپس / عاطف بلوچ

بہ شکریہ ڈی ڈبلیو اردو

 

[محسن وقار علی]

ایک طویل عرصے تک یہ مسئلہ سیاسی رہا کہ ماؤنٹ ایورسٹ کی چوٹی تک پہلے کون پہنچا ؟ آسٹریلوی ایڈمنڈ ہلیری یا بھارتی نژاد نیپالی تینزنگ نارگے ؟ کئی سال بعد ہلیری نے یہ راز افشاں کیا کہ وہ نارگے سے تھوڑی دیر پہلے چوٹی تک پہنچ گئے تھے۔

 

[محسن وقار علی]

رائن ہولڈ میسنر (دائیں طرف) وہ پہلے کوہ پیما ہیں، جنہوں نے 1978ء میں آسٹریا سے تعلق رکھنے والے اپنے ایک ساتھی (بائیں طرف) پیٹر ہابلر کے ہمراہ پہلی مرتبہ سانس کے ماسک کے بغیر ایورسٹ کو فتح کیا تھا۔

 

[محسن وقار علی]

سن 1990 کے بعد ماؤنٹ ایورسٹ کو سر کرنے کے لیے سیاحت کا آغاز کر دیا گیا۔ اس دوران اس چوٹی کو چھ ہزار سے بھی زائد مرتبہ سر کیا جا چکا ہے۔ چوٹی تک پہنچنے کے دو راستے ہیں اور دونوں پر ہی کوہ پیماؤں کو لائنیں لگی ہوتی ہیں۔

 

[محسن وقار علی]

اچھے موسم میں دنیا کی بلند ترین چوٹی تک پہنچنے اور نیچے اترنے کے لیے کم از کم چار دن درکار ہوتے ہیں۔ سبھی کوہ پیما موسم کی صورتحال کو دیکھتے ہوئے سفر کا آغاز کرتے ہیں، یہی وجہ ہے کہ ایک ہی وقت میں چوٹی پر درجنوں لوگوں کو دیکھا جا سکتا ہے۔

 

[محسن وقار علی]

بڑی بڑی سیڑھیوں کی مدد کے بغیر بیس کمپ سے چوٹی تک نہیں پہنچا جا سکتا۔ خطرناک راستے انہی سٹرھیوں اور رسیوں کی مدد سے عبور کیے جاتے ہیں۔ بیس کیمپ سے ماؤنٹ ایورسٹ کی چوٹی تک درجنوں عارضی پل بھی بنائے گئے ہیں۔

 

[محسن وقار علی]

چند روز پہلے ہی ایک 80 سالہ جاپانی نے یہ چوٹی سر کی ہے۔ اس طرح یوشیرو میورا یہ چوٹی سر کرنے والے بزرگ ترین شخص بن گئے ہیں۔ اس چوٹی کو سر کرنے والے سب سے کم عمر کوہ پیما تیرہ سالہ جارڈن رومرو ہیں۔ اس امریکی لڑکے نے سن 2010ء میں یہ چوٹی سر کی تھی۔

 

[محسن وقار علی]

کسی بھی ہنگامی صورتحال سے نمٹنے کے لیے بیس کیمپ میں ہیلی کاپٹر موجود رہتے ہیں۔ سن 2003ء میں ایک ہیلی کاپٹر بیس کیمپ میں گر کر تباہ ہو گیا تھا۔ اس حادثے میں دو افراد ہلاک بھی ہوئے تھے۔

 

[محسن وقار علی]

کوہ پیما اپا شیرپا یہ چوٹی سب سے زیادہ یعنی 21 مرتبہ سر کر چکے ہیں۔ لیکن ان کا یہ ریکارڈ اب خطرے میں ہے۔ اسی سال نیپالی کوہ پیما پوربا تاشی نے بھی اکیسویں مرتبہ یہ چوٹی سر کر لی ہے۔ اپا شیرپا سن 2010ء میں اپنے کیرئیر کے اختتام کا اعلان کر چکے ہیں۔

 

[محسن وقار علی]

ایڈمنڈ ہلیری کا موقف ہے کہ ایورسٹ کو فتح کرنے کے خواہش مندوں کی تعداد کو محدود کیا جائے۔ لیکن حقیقت اس کے برخلاف ہے اور ایورسٹ ٹورازم نیپالی حکومت کی آمدنی کا سب سے بڑا ذریعہ بن چکا ہے۔

 

[محسن وقار علی]

ٹیگ نامہ

 

[محمد بلال اعظم]

ایسی چوٹیاں سر کرنے والوں کی ہمت کو سلام

 

[غدیر زھرا]

زبردست شئیرنگ بھیا

 

[ماہا عطا]

بہت خوب۔۔بہت زبردست شئیرنگ کی ہے۔۔۔۔