نیلم
محفلین
مائے نی مائے !!
۔۔۔۔۔۔۔۔۔۔۔۔۔۔
میں خاکِ خام تھا
تو کوزہ گر تھی
تمہی نے مجھ کو گِل سے گُل بنایا
سکھایا مجھ کو پاؤں پاؤں چلنا
مری آنکھوں نے تجھ کو دیکھ کر ہی
دیکھنا سیکھا
زیارت گاہ تھا تیرا سراپا
تیری ہی لوریوں نے ،میری مائے
مرے گریاں دہن کو لفظ بخشے
۔۔۔۔۔۔۔۔۔۔۔۔
اگر جینا کوئی فن ہے ۔۔
مہا فنکار تھی تو
ترا فیضان ہوں میں
مری پہچان تھی تو
مرا ہونا تجھی سے
مرا عرفان تھی تو
تر ا ہی لمس ،لمس ِ مطمئنہ
ترا احساس میری قبلہ گاہ ہے
مری ہستی تری صنعت گری ہے
سکھایا تو نے ہی مجھ کو
کہ آنسو کیسے پیتے ہیں
بتایا تو نے ہی جینا پڑے تو
کیسے جیتے ہیں!!!
۔۔۔۔۔۔۔۔۔۔۔۔۔۔
میں خاکِ خام تھا
تو کوزہ گر تھی
تمہی نے مجھ کو گِل سے گُل بنایا
سکھایا مجھ کو پاؤں پاؤں چلنا
مری آنکھوں نے تجھ کو دیکھ کر ہی
دیکھنا سیکھا
زیارت گاہ تھا تیرا سراپا
تیری ہی لوریوں نے ،میری مائے
مرے گریاں دہن کو لفظ بخشے
۔۔۔۔۔۔۔۔۔۔۔۔
اگر جینا کوئی فن ہے ۔۔
مہا فنکار تھی تو
ترا فیضان ہوں میں
مری پہچان تھی تو
مرا ہونا تجھی سے
مرا عرفان تھی تو
تر ا ہی لمس ،لمس ِ مطمئنہ
ترا احساس میری قبلہ گاہ ہے
مری ہستی تری صنعت گری ہے
سکھایا تو نے ہی مجھ کو
کہ آنسو کیسے پیتے ہیں
بتایا تو نے ہی جینا پڑے تو
کیسے جیتے ہیں!!!
