فرخ منظور
لائبریرین
مانا کہ جائیں ہم ترے در سے مگر کہاں
بے خانماں ہیں اپنے ٹھکانے کو گھر کہاں
اس نقشِ پا کو سجدے کیے جا رہا ہوں میں
لے جائے دیکھیے یہ ترا رہگزر کہاں
فرقت نے تیری چھین لیا لطفِ زندگی
وہ رات دن کہاں ہیں وہ شام و سحر کہاں
اٹھتی ہے ہوک سی دلِ امیدوار میں
پڑتی ہے بزم میں تری ترچھی نظر کہاں
اِس حُسن کا اثر مری بے تابیوں سے پوچھ!
اے میرے بے خبر تجھے اپنی خبر کہاں
اس کے بغیر محفلِ رنداں اداس ہے
دیکھو تو ہے تبسّمِ شوریدہ سر کہاں
(صوفی تبسّم)
بے خانماں ہیں اپنے ٹھکانے کو گھر کہاں
اس نقشِ پا کو سجدے کیے جا رہا ہوں میں
لے جائے دیکھیے یہ ترا رہگزر کہاں
فرقت نے تیری چھین لیا لطفِ زندگی
وہ رات دن کہاں ہیں وہ شام و سحر کہاں
اٹھتی ہے ہوک سی دلِ امیدوار میں
پڑتی ہے بزم میں تری ترچھی نظر کہاں
اِس حُسن کا اثر مری بے تابیوں سے پوچھ!
اے میرے بے خبر تجھے اپنی خبر کہاں
اس کے بغیر محفلِ رنداں اداس ہے
دیکھو تو ہے تبسّمِ شوریدہ سر کہاں
(صوفی تبسّم)
