ماواں تے دھیاں رَل بیٹھیاں نی مائے

[سید شہزاد ناصر]

ماواں تے دھیاں رَل بیٹھیاں نی مائے
کوئی کردیاں کلوڑیاں
کتکاں لمیاں دھیاں کیوں جمیاں نی مائے

ماواں تے دھیاں دی دوستی نی مائے
کوئی ٹُٹدی اے قہراں دے نال
کتکاں نِسراں دھیاں کیوں وِسریاں نی مائے

دوروں توں آئی ساں چل کے نی مائے
تیرے در وچ رہیاں کھلو
بھابھیاں نے پُچھیا ای سُکھ سنیہا
ویراں نے دِتا پیار
کتکاں لمیاں دھیاں کیوں جمیاں نی مائے

چولی نوں آئیاں نی عرقاں نی مائے
میرے سالو نوں آیا لنگار
اَگے تے ملدی سیں نت نی مائے
ہن دتا کاہنوں وسار
کتکاں لمیاں دھیاں کیوں جمیاں نی مائے

کوٹھے تے چڑھ کے ویکھدی نے مائے
کوئی ویکھدی ویرے دا راہ
دوروں تے ویکھاں میرا ویر پیا آئے
میرا آیا ساہ وچ ساہ
کتکاں لمیاں دھیاں کیوں جمیاں نی مائے

جند نمانی مائی ہوکے بھردی
تیرے بنا میرا کوئی نہ دردی
کتکاں لمیاں دھیاں کیوں جمیاں نی مائے

ماواں تے دھیاں رَل بیٹھیاں نی مائے
کوئی کردیاں کلوڑیاں
کتکاں لمیاں دھیاں کیوں جمیاں نی مائے

بوہے تے بہنیاں آتھنے نی مائے
میں لواں بھراواں دا ناں
کتکاں لمیاں دھیاں کیوں جمیاں نی مائے

کسے گوانڈھن نے آکھیا نی مائے
تیرا آیا ای پیو بھرا
من وچ ہویاں نے شادیاں نی مائے
میرے ویہڑے نوں لگا اے چاء
کتکاں لمیاں دھیاں کیوں جمیاں نی مائے

بھابھیاں انگ سہیلیاں نی مائے
میرے ویراں دی ٹھنڈھڑی چھاں
بھابیاں سارن جندرے نی مائے
میرا ہن کوئی دعوہ وی نہ
کتکاں لمیاں دھیاں کیوں جمیاں نی مائے

مٹی دا بُت میں بنانیاں نی مائے
اوہدے گل لگ کے رونی آں
مٹی دا بُت نہ بولدا نی مائے
میں رو رو حال گنوا
کتکاں لمیاں دھیاں کیوں جمیاں نی مائے

ماواں تے دھیاں رَل بیٹھیاں نی مائے
کوئی کردیاں کلوڑیاں
کتکاں لمیاں دھیاں کیوں جمیاں نی مائے
​

 

[سید شہزاد ناصر]

ٹیگ نامہ

 

[نیرنگ خیال]

مٹی دا بُت میں بنانیاں نی مائے
اوہدے گل لگ کے رونی آں
مٹی دا بُت نہ بولدا نی مائے
میں رو رو حال گنوا
کتکاں لمیاں دھیاں کیوں جمیاں نی مائے

ودھیا شاہ جی۔۔۔ بہت اعلی

 

[عبدالقیوم چوہدری]

​

 

[سید شہزاد ناصر]

ویڈیو اوپن نہیں ہو ریی

 

[عبدالقیوم چوہدری]

ویڈیو اوپن نہیں ہو ریی

یو ٹیوب پر ہے اور پاکستان میں بند

 

[تلمیذ]

شاہ جی گجھیاں سٹاں مارن تے کیوں لک بنھ لیا جے؟

 

[اوشو]

واہ شاہ جی سوہنا گیت ڈھونڈیا جے۔ ساڈے ول شادی ویاہ تے ہالی وی ایہہ گیت گایا جاندا اے۔ تے اکثر سنن تے سنان والیاں دیاں اکھاں چ پانی بھر جاندا اے۔ ایہہ گیت کوئل آف پنجاب سریندر کور نے بہت سوہنا گایا اے۔ جدوں وی ایہہ گیت سناں ایس بول تے آ کے اکھاں بھر آندیاں نیں ۔
کوٹھے تے چڑھ کے ویکھدی نے مائے
کوئی ویکھدی ویرے دا راہ
دوروں تے ویکھاں میرا ویر پیا آئے
میرا آیا ساہ وچ ساہ
کجھ لفظاں دی غلطی ہے۔ مثلا ایس گیت وچ لفظ "کنکاں" استعمال ہویا اے "کتکاں" نہیں۔

 

[سید شہزاد ناصر]

تہاڈی گل ٹھیک اے ملک صاحب
مینوں احساس ہو گیا سی پر ہن تدوین دا ویلا مُک گیا