متحدہ عرب امارات کی ادبی خبریں

[سلیمان جاذب]

میں نے سوچا کیوں نہ یہاں کی آدبی خبریں آپ کو بھی بتاتا چلوں ویسے آپ یہ خبریں اس جگہ بھی پڑھ سکتے ہیں

 

[سلیمان جاذب]

| ادب | ادبی خبریں | جشن مشتاق احمد یوسفی
جشن مشتاق احمد یوسفی
Font size:

پاکستان ایسوسی ایشن دبئی جب سے وجود میں آئی ہے پاکستانی کمیونٹی کی خدمت میں مصروف ہے-مختلف طریقوں سے پاکستانی کلچر کا فروغ اس کی اہم ترجیح ہے-جس کے لئے وہ ہمیشہ سے کوشاں ہے- پاکستان ایسوسی ایشن دبئی میں مختلف ونگز کام کر رہی ہیں جن میں میرین ونگ، ڈاکٹر ونگ، لیڈیز ونگ اور یوتھ ونگ شامل ہیں-
ابھی حال ہی میں پاکستان ایسوسی ایشن دبئی نے پاکستانیوں کی اعلی روایات کا پاس رکھتے ہوئے ’’ قائداعظم ایوارڈ ‘‘ کا اجراء کیا اور سب سے پہلے جس شخصیت کو ایوارڈ کے لئے نامزد کیا وہ اردو ادب کے عظیم مزاح نگار جناب مشتاق احمد یوسفی تھے- اور یوں اس عظیم شخصیت کے لئے ایک جشن کا اہتمام کیا -
جشن مشتاق احمد یوسفی کا انعقاد بلاشبہ ایک احسن اقدام تھا جس میں پاکستان سمیت دنیا بھر سے ادیبوں کی شرکت نے مزید چار چاند لگا دیئے-
جشن مشاق احمد یوسفی کا آغاز اعجاز شاہین کی تلاوت کلام پاک سے ہوا جناب محمد خلیق صاحب نے نہایت ہی خوبصورت انداز میں نظامت کے فرائض انجام دیئے- پاکستان ایسوسی ایشن دبئی کے جنرل سیکرٹری سید صابر حسین ایسوسی ایشن کے بارے میں حاضرین کو بریف کیا جبکہ جوائنٹ سیکرٹری عنایت الرحمن نے مشتاق احمد یوسفی کا سوانحی خاکہ نہایت ہی مختصر مگر جامع الفاظ میں پیش کی

-
مضامین کے سلسلہ میں



ڈاکٹر فاطمہ حسن نے کہا
’’اچھا مزاح نگار ہونے کے ساتھ ساتھ مشتاق احمد یوسفی صاحب اسلوب نثر نگار ہیں-وہ کسی بھی موضوع کو اپنے مخصوص انداز میں زیر تحریر لاسکتے ہیں اور تلخ سے تلخ حقیقت پر مزاح کی لطیف شیریں تہہ چڑھا سکتے ہ

-‘‘




ڈاکٹر اسلم فرخی
’’یوسفی صاحب کم نویس ہیں لیکن جو لکھتے ہیں ’’ انتخاب روزگار ‘‘ لکھتے ہیں، روایت ہے کہ لکھتے ہیں تو ایک ایک لفظ پر غور کرتے ہیں ، غور اس لئے کہ پڑھنے والے پڑھیں اور سر دھنیں------ - -------- --------- صاحبو یوسفی صاحب کے طنزومزاح ، زندگی کی الٹ پلٹ پر ان کی گہری نظر اور ان کے سجے ہوئے اسلوب پر کچھ میرے لیے ممکن نہیں ، یہ کام نقادوں اور سخن طرازوں کا ہے-‘‘







صاحب جشن مشتاق یوسفی

کی تحروں کے چند اقتباسات




’’ مرد پہلے نحث کرتے ہیں ، پھر لڑتے ہیں ، عورتیں پہلے لڑتی ہیں پھر بحث کرتی ہیں-------------- وہ زبان کے باشہ ہیں اور زبان ان کے گھر کی لونڈی ہے اور وہ اس کے ساتھ ویسا ہی سلوک کرتے ہیں- ----------- صحیح بات کو غلط دلائل سے ثابت کرنے کا یہ قابل اشک ملکہ شاذو نادر ہی مردوں کے حصے میں آتا ہے- --‘‘





سفیر پاکستان خورشید احمد جونیجو نے


’’جشن مشتاق احمد یوسفی‘‘ کے موقع گفتگو کرتے ہوئے کہا کہ میں پاکستان ایسوسی ایشن دبئی کے عہدیداروں کو اپنے ہم وطنوں کے لئے اتنا اچھا پروگرام مرتب کرنے پر مبارکباد پیش کرتا ہوں- اور میں دیکھ رہا ہوں کہ رات کے اس وقت بھی سردی کے باوجود کھلے آسماں تلے بیٹھے خواتین و حضرات اپنے چہروں پر مسکراہٹیں بکھیرے پریشانیاں بھول کر پروگرام سے لطف اندوز ہو رہے ہیں- انہوں نے مشتاق احمد یوسفی کے اعزاز میں ابو ظبی میں بھی تقریب منعقد کرنے کا اعلان کیا-
اور آخر میں پاکستان ایسوسی ایشن کے صدر ریاض فاروق ساہی نے اظہار تشکر کرتے ہوئے مہمانان گرامی، مہمان خصوصی دانشور خواتین و حضرات،پروگرام کے شرکاء کے علاوہ میڈیا کے تمام نمائندوں کا شکریہ ادا کیا- انہوں نے چیف آرگنائزر جوائنٹ سیکرٹری عنایت الرحمن کو بہترین پروگرام مرتب کرنے پر خراج تحسین پیش کیا-
پروگرام کیاختتام پر سفیر پاکستان جناب خورشید احمد جونیجو نے مشتاق احمد یوسفی کو قائد اعظم ایوارڈ پیش کیا اور یوں یہ شاندار تقریب رات گئے اپنے اختتام تک پنہچی

 

[سلیمان جاذب]

پاکستان ایسوسی ایشن لیڈیز ونگ دبئی کے زیر اہتمام ادبی نشست

ہماری کوشش ہے کہ اردو ادب کی خدمت کے لئے ہماری نئے نسل سامنے آئے۔۔ ناہید نفیس

پاکستان کی نامور شاعرہ فاطمہ حسن جو کہ آج کل امارات میں آئی ہوئی ہیں ان کے اعزاز میں پاکستان ایسوسی ایشن لیڈیز ونگ دبئی نے ایک ادبی نشست کا اہتمام کیا گیا جس کی صدارت فاطمہ حسن نے کی۔ مہمان خصوصی ممتاز افسانہ نگار فرحت پروین جبکہ مہمان اعزازی بیگم قونصل جنرل فائزہ سعید تھیں۔ ادبی نشست میں فاطمہ حسن، صبیحہ صبا، فرزانہ صحاب مرزا ڈاکٹر ثروت ، زہرہ اور زینب لاکھانی نے اپنا کلام اور فرحت پروین نے اپنا افسانہ سنا کر حاضرین محفل سے داد وصول کی۔پاکستان ایسوسی ایشن لیڈیز ونگ دبئی کی چیئر پرسن ڈاکٹر زیبا افتخار نے شعرائ سے خطاب کرتے ہوئے کہا کہ ایسوسی ایشن اردو کی ترویج کےلئے بھر پور کردار ادا کر رہی ہے۔ ہم ایسی ادبی نشستوں کا اہتمام کرتے رہیں گے۔ چیف ایڈوائزر پاکستان ایسوسی ایشن لیڈیز ونگ دبئی ناہید نفیس نے کہا کہ ہم اردو ادب کے فروغ کےلئے اپنا کردار ادا کرتے رہیں گے۔ اس سلسلے میں ہمیں خواتین شعرائ اور ادیبوں کا تعاون درکار ہے۔
اور ہماری بھی کوشش ہے کہ ہم اردو ادب کی ترویج کے لئے اپنی بساط کے مطابق کام کریں اور کوشش کریں کے ہماری نئے نسل سامنے آئے جس کے لئے پاکستان ایسوسی ایشن لیڈیز ونگ ہمیشہ سے کوشاں ہے

تصاویر دیکھنے کے لئے اس لنک پر کلک کریں

 

[سلیمان جاذب]

شائڈ کسی کو اچھا نہیں لگا ہمارا یہ دھاگہ
چلو کوئی بات نہیں

 

[الف عین]

بھائی شکریہ تو ادا کر دیا ہے۔۔ یہاں آ کر بھی کچھ بحث کی جائے تو آپ کو خوشی ہوگی؟