مثل ِ گلاب (ک م یاؔزر)

[یازر]

مثل ِ گلاب ​

​

ہر شخص دوسرے کی عزت کچل رہا ہے​

یہ کاروبار دنیا ایسے ہی چل رہا ہے​

​

کہتا تھا مجھ سے ہر پل مثل ِگلاب ہے تو​

مثل ِ گلاب ہی اب ، مجھ کو مسل رہا ہے​

​

توڑا تھا میں نے رشتہ اس بے وفا سے لیکن​

دیکھی جو اس کی صورت، دل پھر مچل رہا ہے​

​

کس کو کہوں میں اپنا ، کس کو کہوں شناسا​

پل پل میں ابن ِآدم چہرے بدل رہا ہے​

​

وعدہ کیا تھا تونے ، اب کے نہ دیر ہوگی​

اب آ بھی جا تو یاؔزر کہ حسن ڈھل رہا ہے​

​

ک م یازر​