نوید صادق
محفلین
مجلسِ ادب
(فروری15 تافروری 28 ) 2007ء
ترتیب:نوید صادق
Post comments at
majlis-e-adab@yahoogroups.com
naveed18674@yahoo.com
mnaveedsadiq@gmail.com
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غزل
۔۔۔۔۔۔۔
مسعود منور
شرکائے بحث
۔۔۔۔۔۔۔۔۔۔۔۔۔۔۔۔۔۔۔۔۔۔
طارق بٹ
فرحت پروین
عابد ندیم
عبدالسلام عاصم
محمد احمد
محمد یعقوب آسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غزل
زمیں کو پڑھنا ، کبھی آسمان کو پڑھنا
ہوا میں تیرتی زریں چٹان کو پڑھنا
ہر ایک سانس کی سیڑھی پہ رُک کے دم لینا
نگاہ بھر کے بدن کے مکان کو پڑھنا
فلک سے اُتری ہو ئی روشنی ہے اُس کا گماں
یقیں کی آنکھ سے اُس کے گمان کو پڑھنا
اُتر کے نیلمیں گیسو کی آبشاروں میں
نواحِ چشم میں قوس و کمان کو پڑھنا
مدادِ گریہ سے لکھنا ورق جُدائی کے
پھر اُس کے سامنے اِس داستان کو پڑھنا
رقم ہے نام کلائی پہ اُس کی کس کس کا
حنا سے لکھے ہوئے ہر نشان کو پڑھنا
ہتھیلیوں سے کتابِ وصال وا کرنا
لبوں کی آنکھ سے اُس کی زبان کو پڑھنا
وہ نازنین ہے اِک ان کہی کتھا مسعود
حریمِ شب میں اُسی دھان پان کو پڑھنا
(مسعود منور)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب طارق بٹ غزل پر گفتگو کا آغاز کرتے ہیں:
کاینات میں بکھری ہوئی قدرت کی نشانیوں کا مشاہدہ اور اسی تناظر میں اپنے وجود ( جو کہ خود ایک آیت ہے)کی شناخت ، اوراس مطالعہ و مشاہدہ اورانبیأ و مرسلین کرام کے ذریعے تعلیم کی گئی روشنی کے اجالے میں اُس ان دیکھی ذات ،جو خالقِکل ہے ،کا ادراک و یقین ، انہی وجدانی کیفیات کو شاعر نے اس غزل میں نظم کیا ہے۔ غزل کے پہلے پانچ اشعار تصوف کے صوف میںپوری طرح لپٹے ہوئے ہیں ۔، چوتھا اور پانچواں شعر(جو حاصلِ غزل کہا جانا چاہیے )دونوں ، چاہے عشقِ حقیقی کے تناظر میںپڑھیں چاہے عشق مجازی کے آئینے میں دیکھیں، احساس کی موجوں میں طلاطم برپا ہوتا ہے۔ نیلیمیں گیسو کو چاہے محبوبہ کے گیسوِ تابدار سمجھ لیں یا، فلکِ نیلگوں کا استعارہ جانیں، نواح چشم میں قوس وکمان محبوب کے رخ و ابرو سمجھ لیں یا نگاہ کی آخری حد پر زمین و آسماں کے ملاپ کا منظر بنتی قوس۔
مدادِ گریہ سے لکھنا ورق جدائی کے
پھر اُس کے سامنے اس داستان کو پڑھنا
اتر کے نیلمیں گیسو کی آبشاروں میں
نواحِ چشم میںقوس و کمان کو پڑھنا
کچھ عرصہ ہوا ،بھائی مسعود منور نے اپنی یہ غزل مجھے پر ارزاں فرمائی تھی، یہاں اب اس غزل میں انہوں نے پہلے شعر کے دوسرے مصرع میں قافیہ بدل کر اسے زیادہ بامعنی اور خوبصورت بنادیا ہے، تیسرا شعر بالکل بدل دیا گیا ہے، مضمون تقریباً وہی مگر مگر باندازِ دگر اور شعر پہلے سے بہتر بلکہ بہت اعلیٰ اور بامعنی، چوتھا شعر تازہ آمد ہے۔ یقینا وہ نقش، غزل کا نقشِ اول رہا ہوگا۔ ان کی اجازت کے بغیر مذکورہ اشعار میںنقل نہیں کر سکتا۔
ہاں چھٹے شعر میں میں لفظ ’ کلائی‘ شاید’’ ٹائپنگ ایر ر‘‘ ہے ، یہاں کلائی پررقم ہوئے نام سے حنا کا تعلق سمجھ میں نہیں آتا، مجھے یقین ہے کہ یہاں لفظ ’ ہتھیلی‘ ہی رہا ہوگا،جیسا کہ نقشِ اول میں ہے ۔اس لفظ ہی سے شعر بامعنی ہوتا ہے، مسعود منور صاحب اس بارے میں وضاحت فرمائیں ، مجھے امید ہے انہوں نے احبابِ مجلس کا امتحان لینے کی کوشش نہیں کی ہوگی۔ شعر بہت خوب ہے ، بلکہ نہایت عمدہ۔
ساتویں شعر میں مصنف کے تخیل کی پرواز میرے ذہن کاریڈار کھوج نہیں سکا۔ یا تو یہ انتہائی نیچی رہی ہے یااتنی بلندیوں پر ہے کہ میری سمجھ کے دائرہِ کار سے باہر ہے۔رینج سے باہربلندپرواز طیارے پر فائر کھولنا ، ایمونیشن ضائع کرنا ہی نہیںہوگا بلکہ اپنی نااہلی کا ثبوت بھی ہوگا، اور نیچی اڑان پر فائر کے لیے گن کا بیرل گرانا پڑے گا ۔ جس سے احتمال ہے کہ ’ ادب آباد ‘کی بلند اقدار تعمیریں زد پر نہ آ جائیں۔ویسے اگر ’ ہتھیلیوں سے ‘ کی جگہ ’’ ہتھیلیوں پہ ‘ ہوتا تو شاید شعر اپنے قاری پر کچھ کھلتا۔ ہتھیلیوں کو کتابِ وصال کہا جاسکتا ہے، جو بوقتِ دعا وا ہوتی ہیں۔
مجھے شبہ ہے کہ بقیہ تین اشعار بھی تصوف کا رنگ لیے ہوئے ہیں ، مگر شاعر نے انہیں جس طرح رنگا ہے وہ میری فہم سے بالا تر ہیں۔ ’ نازنیں ‘ تو پھر بھی چل جائے گا، کیونکہ عالمِ عشق میں ، عاشق اپنے محبوب کو عجیب عجیب القاب سے نوازتا ہے، مگر لفظ ’ دھان پان‘ کسی طرح بھی عشقِ حقیقی کے منظر نامے کا حصہ نہیں لگتا۔
مجموعی طور پر غزل مسعود منور کی دل پسند لفظیات اور ان کے مخصوس طرز احساس کی آئینہ دار ہے۔ اور ایک فکر انگیز تحریر ہے۔جو ذہن کو سوچنے پر اکساتی ہے۔
طارق بٹ
فروری ۱۹، ۲۰۰۷ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنابہ فرحت پروین غزل پر اپنی رائے کا اظہار کرتی ہیں:
I read junab Masood Munwar's ghazl, but I
dare not to comment on it. He has a master hand; every verse of this ghazal is very fluent, simple, and clear both in its description and meaning. Usually it happens when someone reaches a master level in crafting; though the poetry becomes technically sound, philosophical, and deep, it loses its readability. junab masood munwar has somehow managed to preserve, simplicity, fluency, and softness in his poetry which makes it very readable, and attractive.
(Farhat Parveen)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب عابد ندیم لکھتے ہیں:
مسعود صاحب کمال کے آدمی ہیں۔
تنقید کرتے ہیں تو کمال کی۔
شعر کہتے ہیں تو دہرے کمال کے۔
لفظوں پر دسترس۔۔کمال ۔
مفہوم کا معیار۔۔۔انتہائی اعلٰی۔
اور اسلوب۔۔۔کیا کہا جا سکتا ہے اس بابت کہ صاحب لطف آ گیا۔
تمام اہلِ مجلس کے لئے فخر کی بات ہے کہ مسعود صاحب اس مجلس کے فعال رکن ہیں۔
عابد ندیم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب عبدالسلام عاصم کی رائے:
میں یہ تو نہیں کہہ سکتا کہ مسعود منور کی غزل ہماری اردو تہذیب کی قدروں سے ہم آہنگ نہیںلیکن انہوں نے جس مخصوص فکر کے اظہار کے لئے لفظوں کو برتنے کا عمل پیش کیا ہے وہ فکر اب اپنی ہیئت بدل چکی ہے۔اور ہماری آج کی جنریشن اس سے استفادہ کو بذریعہ اظہار کا سامان بنانے سے دلچسپی نہیں رکھتی۔بآلفاظ دیگر اب ادب میں بھی لوگ پریکٹیکل ہو گئے ہیں۔
غزل کا چھٹا شعر اگرچہ ساتویں شعر کی وحشت کو دور کرنے اور خوش بدنی کی تعریف کی ادبی روایت کو آگے بڑھانے میں کامیاب ہے پھر بھی اس شعر کے بغیر ہی غزل مکمل تھی۔مسعود منور شعر کہنے کی صلاحیت سے مالا مال ہیں۔اور وہ یہ بات ثابت بھی کر چکے ہیں۔تو پھر ثابت قدمی کو محض تفریحِ عبث کے لیے یوں چھیڑنے کی کیا ضرورت ہے۔
غزل کے بعض اشعار بڑے ہی اچھے ہیں۔
عبدالسلام عاصم
انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب محمد احمد لکھتے ہیں:
مسعود منور صاحب کی غزل(کچھ باتیں)
شاعری پڑھنے کا شغف تو بہت پرانا ہے لیکن شاعری پر تبصرے سے میں ذرا گریز کرتا ہوں،خاص کر بڑے شعراء کے کلام پر تبصرہ کرتے ہوئے اپنی علمی کم مائیگی کا احساس حاوی رہتا ہے۔
مسعود منور صاحب کی غزل پہلی ہی نظر میں پسند آئی۔ لیکن مذکورہ بالا وجہ کی بناء پر تبصرہ پیش نہیں کیا تھا۔غزل کے تقریبا تمام اشعار مسعود صاحب کی قادرالکلامی اور زبان و بیان پر ان کی گرفت کی دلالت کرتے ہیں۔
مسعود صاحب کی غزل میں سب سے اہم چیز ردیف ہے جسے قوافی سے اس طرح ہم آہنگ کرنے کے لئے کہ اس میں خیال آفرینی اور اور خوبی کلام زائل نہ ہوں۔ شاعر کا شاعر ہونا بیحد ضروری ہے۔یہاں یہ بات کہنا بھی بیجا نہ ہو گا کہ مسعود صاحب نے غزل کا حق ادا کیا ہے۔
غزل میں بہت سی باتیں بین السطور بھی موجود ہیں جن کا ابلاغ قاری کے شخصی رجحان اورشعر فہمی سے متاثر ہو سکتا ہے۔اگر مسعود صاحب اپنے شعر کردہ معانی کے موئثر ابلاغ کے لئے کچھ کر سکتے ہیں تو ضرور کریں بشرطیکہ یہ سب اشعار کے حسن کی قیمت پر ہرگز نہ ہو۔
غزل کو تنقیدی نکتہ نگاہ سے دیکھا جائے توشائد اساتذہ کا کلام بھی عیوب سے مستثنیٰ نہ ہو سکے۔لیکن جائز تنقیدشاعر کے حق میں کڑوی دوا ثابت ہوتی ہے۔جس میںکہیں نہ کہیں شفاء کے اسباب بھی موجود ہوتے ہیں۔محترم عبدالسلام عاصمؔ صاحب سے (معذرت کے ساتھ) عرض کرنا چاہوں گا کہ تنقیدی نکتہ نظر آپ کا پنا سہی لیکن آپ کے تبصرے کا آخری جملہ آپ کے باقی تبصرے سے میل نہیں کھاتا۔اگر یہ جملہ صرف وضع داری نبھانے کے لئے ہے تو باقی تبصرے میں بھی غزل کے محسنات پر روشنی ڈالی جائے۔
مخلص
محمد احمد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب محمد یعقوب آسی اپنی رائے کا اظہار کرتے ہیں:
اُس کی زبان کو پڑھنا
جناب مسعود منور کی غزل پر بات کرنا بہت مشکل لگ رہا تھا، سو پورا ہفتہ اسی گویم مشکل وگرنہ نگویم مشکل میں گزر گیا، اگرچہ اس محفل میں دستورِ زباں بندی کبھی رائج نہیں رہا۔
اس غزل کی ردیف مشاہدے اور اظہار پر مبنی ہے۔ ہوا میں تیرتی زریں چٹان ایک اچھا استعارہ ہے۔ مشاہدے کے حوالے سے اس زریں چٹان کی اہمیت لفظی اور طبعی دونوں سطح پر مسلمہ ہے۔ غزل کی مجموعی فضا انسان کے اندر اور باہر کے اشتراک سے بنی ہے۔ سانس کی سیڑھی اور بدن کا مکان اچھی صنعت گری ہے۔ اور سیڑھی پر رک کر دم لینا اور سانس، یہ دوہری رعایت بہت بھلی لگتی ہے۔
گمان والے شعر پر میرے کچھ تحفظات البتہ ہیں۔ فلک سے اتری ہوئی روشنی کو گمان نہیں یقین کا درجہ ملنا چاہئے، اگر آپ اس کو گمان قرار دیتے ہیں تو پھر یقین کی آنکھ کا جواز نہیں بنتا، یا پھر آپ کسی فریب یا خود فریبی کا شکار ہیں۔ ہو سکتا ہے کہ بات وہی ہو جسے صاحب غزل اپنی عام گفتگو میں مجذوب کی بڑ کہا کرتے ہیں۔ مفہوم کھل جائے تو بہت اچھا ہو! نیلمیں گیسو، آبشار، نواح، چشم، قوس، کمان؛ سب کچھ بجا، لفظی، لسانی، اور فنی طور پر درست! مگر اس کا کیا کروں کہ مجھے لفظ ’نیلمیں‘ کے باب میں کچھ تصنع کاری لگتی ہے۔ زریں، خونیں، آتشیں کے سبھاؤ پر نیلمیں لسانی طور پر درست لگتا ہے، تاہم میری سہل پسندی یہاں ’نیلمی‘ کا تقاضا کرتی ہے۔
مدادِ گریہ اچھی علامت سازی کا نمونہ ہے اور کاغذ کے ساتھ اس کی نظیر داستان، بہت خوب! شعر مابعد بھی اسی تسلسل میں ہے منظر مختلف ہے، بات وہی ہے۔ طارق بٹ صاحب نے درست اشارہ کیا تھا کلائی اور ہتھیلی میں فرق تو ہے۔ صاحبِ غزل نے شاید اُس عمومی مظہر کو زیادہ اہم جانا کہ بہت سے افراد اپنی کلائیوں پر اپنے نام گدوا لیتے ہیں۔ حنا سے لکھے ہوئے ہر نشان کو پڑھنا؟ یا تو کوئی نشان بنائیے، یا پھر کوئی حرف، لفظ لکھئے اور پھر اس کو پڑھئے۔ جہاں اتنے اہتمام سے غزل کہی ہے وہیں اس ایک لفظی رعایت کا اہتمام بھی ہو جائے۔
ہاں صاحب! مقطع سے پہلے کا شعر! آپ اس کو شوخ کہیں گے مجھے اس میں ابتذال کا شائبہ ہو رہا ہے، زیادہ کھل کر بات کروں گا تو وہ بات بھی ابتذال کے ضمن میں آئے گی۔ مقطع میں نازنین اور حریم شب کے ساتھ ان کہی کتھا اور دھان پان معنوی رعایت تو رکھتے ہیں، لسانی فضا نہیں بنا پاتے۔ اس کے باوجود یہ لطیف ہے سو ٹھیک ہے۔
اپنا خیال رکھئے گا، اللہ حافظ!
محمد یعقوب آسی
۲۵! فروری ۲۰۰۷ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب عبدالسلام عاصم جناب محمد احمد کے جواب میں لکھتے ہیں:
محمد احمد صاحب تک شائد میری بات نہیں پہنچی۔ انہوں نے جو نتیجہ اخذ کر کے اظہارِ خیال کیا ہے اس میں وہ اپنی فہم کی حد تک ایماندار ہیں۔مذید عرض یہ ہے کہ میں نے لفظ “بازاریہ“ نہیں لکھا “بذریعہ“ لکھا تھا۔ہو سکتا ہے ٹائپ کرنے میں مجھ سے ہی غلطی ہو گئی ہو۔
غزل کے مجموعی حسن سے مجھے مکمل اتفاق ہے۔رہ گئی بات ابتذال کی تو میں غیر روایت پسند ہوتے ہوئے بھی اس کے حق میں نہیں ہوں۔
عبدلسلام عاصم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(نوٹ: رومن سے اردو رسم الخط میں لکھتے وقت بعض اوقات مجھ سے لغزشیں سرزد ہو جاتی ہیں۔اس کے لئے میں احباب سے معذرت خواہ ہوں۔۔۔۔۔۔۔۔۔۔۔۔نوید صادق)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیجئے صاحب!! ہم مجلس ادب میں تو اس غزل پر اپنی بحث مکمل کر چکے۔اب آپ کیا کہتے ہیں؟؟؟ آراء کا انتظار رہے گا)۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نوید صادق
(فروری15 تافروری 28 ) 2007ء
ترتیب:نوید صادق
Post comments at
majlis-e-adab@yahoogroups.com
naveed18674@yahoo.com
mnaveedsadiq@gmail.com
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غزل
۔۔۔۔۔۔۔
مسعود منور
شرکائے بحث
۔۔۔۔۔۔۔۔۔۔۔۔۔۔۔۔۔۔۔۔۔۔
طارق بٹ
فرحت پروین
عابد ندیم
عبدالسلام عاصم
محمد احمد
محمد یعقوب آسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غزل
زمیں کو پڑھنا ، کبھی آسمان کو پڑھنا
ہوا میں تیرتی زریں چٹان کو پڑھنا
ہر ایک سانس کی سیڑھی پہ رُک کے دم لینا
نگاہ بھر کے بدن کے مکان کو پڑھنا
فلک سے اُتری ہو ئی روشنی ہے اُس کا گماں
یقیں کی آنکھ سے اُس کے گمان کو پڑھنا
اُتر کے نیلمیں گیسو کی آبشاروں میں
نواحِ چشم میں قوس و کمان کو پڑھنا
مدادِ گریہ سے لکھنا ورق جُدائی کے
پھر اُس کے سامنے اِس داستان کو پڑھنا
رقم ہے نام کلائی پہ اُس کی کس کس کا
حنا سے لکھے ہوئے ہر نشان کو پڑھنا
ہتھیلیوں سے کتابِ وصال وا کرنا
لبوں کی آنکھ سے اُس کی زبان کو پڑھنا
وہ نازنین ہے اِک ان کہی کتھا مسعود
حریمِ شب میں اُسی دھان پان کو پڑھنا
(مسعود منور)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب طارق بٹ غزل پر گفتگو کا آغاز کرتے ہیں:
کاینات میں بکھری ہوئی قدرت کی نشانیوں کا مشاہدہ اور اسی تناظر میں اپنے وجود ( جو کہ خود ایک آیت ہے)کی شناخت ، اوراس مطالعہ و مشاہدہ اورانبیأ و مرسلین کرام کے ذریعے تعلیم کی گئی روشنی کے اجالے میں اُس ان دیکھی ذات ،جو خالقِکل ہے ،کا ادراک و یقین ، انہی وجدانی کیفیات کو شاعر نے اس غزل میں نظم کیا ہے۔ غزل کے پہلے پانچ اشعار تصوف کے صوف میںپوری طرح لپٹے ہوئے ہیں ۔، چوتھا اور پانچواں شعر(جو حاصلِ غزل کہا جانا چاہیے )دونوں ، چاہے عشقِ حقیقی کے تناظر میںپڑھیں چاہے عشق مجازی کے آئینے میں دیکھیں، احساس کی موجوں میں طلاطم برپا ہوتا ہے۔ نیلیمیں گیسو کو چاہے محبوبہ کے گیسوِ تابدار سمجھ لیں یا، فلکِ نیلگوں کا استعارہ جانیں، نواح چشم میں قوس وکمان محبوب کے رخ و ابرو سمجھ لیں یا نگاہ کی آخری حد پر زمین و آسماں کے ملاپ کا منظر بنتی قوس۔
مدادِ گریہ سے لکھنا ورق جدائی کے
پھر اُس کے سامنے اس داستان کو پڑھنا
اتر کے نیلمیں گیسو کی آبشاروں میں
نواحِ چشم میںقوس و کمان کو پڑھنا
کچھ عرصہ ہوا ،بھائی مسعود منور نے اپنی یہ غزل مجھے پر ارزاں فرمائی تھی، یہاں اب اس غزل میں انہوں نے پہلے شعر کے دوسرے مصرع میں قافیہ بدل کر اسے زیادہ بامعنی اور خوبصورت بنادیا ہے، تیسرا شعر بالکل بدل دیا گیا ہے، مضمون تقریباً وہی مگر مگر باندازِ دگر اور شعر پہلے سے بہتر بلکہ بہت اعلیٰ اور بامعنی، چوتھا شعر تازہ آمد ہے۔ یقینا وہ نقش، غزل کا نقشِ اول رہا ہوگا۔ ان کی اجازت کے بغیر مذکورہ اشعار میںنقل نہیں کر سکتا۔
ہاں چھٹے شعر میں میں لفظ ’ کلائی‘ شاید’’ ٹائپنگ ایر ر‘‘ ہے ، یہاں کلائی پررقم ہوئے نام سے حنا کا تعلق سمجھ میں نہیں آتا، مجھے یقین ہے کہ یہاں لفظ ’ ہتھیلی‘ ہی رہا ہوگا،جیسا کہ نقشِ اول میں ہے ۔اس لفظ ہی سے شعر بامعنی ہوتا ہے، مسعود منور صاحب اس بارے میں وضاحت فرمائیں ، مجھے امید ہے انہوں نے احبابِ مجلس کا امتحان لینے کی کوشش نہیں کی ہوگی۔ شعر بہت خوب ہے ، بلکہ نہایت عمدہ۔
ساتویں شعر میں مصنف کے تخیل کی پرواز میرے ذہن کاریڈار کھوج نہیں سکا۔ یا تو یہ انتہائی نیچی رہی ہے یااتنی بلندیوں پر ہے کہ میری سمجھ کے دائرہِ کار سے باہر ہے۔رینج سے باہربلندپرواز طیارے پر فائر کھولنا ، ایمونیشن ضائع کرنا ہی نہیںہوگا بلکہ اپنی نااہلی کا ثبوت بھی ہوگا، اور نیچی اڑان پر فائر کے لیے گن کا بیرل گرانا پڑے گا ۔ جس سے احتمال ہے کہ ’ ادب آباد ‘کی بلند اقدار تعمیریں زد پر نہ آ جائیں۔ویسے اگر ’ ہتھیلیوں سے ‘ کی جگہ ’’ ہتھیلیوں پہ ‘ ہوتا تو شاید شعر اپنے قاری پر کچھ کھلتا۔ ہتھیلیوں کو کتابِ وصال کہا جاسکتا ہے، جو بوقتِ دعا وا ہوتی ہیں۔
مجھے شبہ ہے کہ بقیہ تین اشعار بھی تصوف کا رنگ لیے ہوئے ہیں ، مگر شاعر نے انہیں جس طرح رنگا ہے وہ میری فہم سے بالا تر ہیں۔ ’ نازنیں ‘ تو پھر بھی چل جائے گا، کیونکہ عالمِ عشق میں ، عاشق اپنے محبوب کو عجیب عجیب القاب سے نوازتا ہے، مگر لفظ ’ دھان پان‘ کسی طرح بھی عشقِ حقیقی کے منظر نامے کا حصہ نہیں لگتا۔
مجموعی طور پر غزل مسعود منور کی دل پسند لفظیات اور ان کے مخصوس طرز احساس کی آئینہ دار ہے۔ اور ایک فکر انگیز تحریر ہے۔جو ذہن کو سوچنے پر اکساتی ہے۔
طارق بٹ
فروری ۱۹، ۲۰۰۷ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنابہ فرحت پروین غزل پر اپنی رائے کا اظہار کرتی ہیں:
I read junab Masood Munwar's ghazl, but I
dare not to comment on it. He has a master hand; every verse of this ghazal is very fluent, simple, and clear both in its description and meaning. Usually it happens when someone reaches a master level in crafting; though the poetry becomes technically sound, philosophical, and deep, it loses its readability. junab masood munwar has somehow managed to preserve, simplicity, fluency, and softness in his poetry which makes it very readable, and attractive.
(Farhat Parveen)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب عابد ندیم لکھتے ہیں:
مسعود صاحب کمال کے آدمی ہیں۔
تنقید کرتے ہیں تو کمال کی۔
شعر کہتے ہیں تو دہرے کمال کے۔
لفظوں پر دسترس۔۔کمال ۔
مفہوم کا معیار۔۔۔انتہائی اعلٰی۔
اور اسلوب۔۔۔کیا کہا جا سکتا ہے اس بابت کہ صاحب لطف آ گیا۔
تمام اہلِ مجلس کے لئے فخر کی بات ہے کہ مسعود صاحب اس مجلس کے فعال رکن ہیں۔
عابد ندیم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب عبدالسلام عاصم کی رائے:
میں یہ تو نہیں کہہ سکتا کہ مسعود منور کی غزل ہماری اردو تہذیب کی قدروں سے ہم آہنگ نہیںلیکن انہوں نے جس مخصوص فکر کے اظہار کے لئے لفظوں کو برتنے کا عمل پیش کیا ہے وہ فکر اب اپنی ہیئت بدل چکی ہے۔اور ہماری آج کی جنریشن اس سے استفادہ کو بذریعہ اظہار کا سامان بنانے سے دلچسپی نہیں رکھتی۔بآلفاظ دیگر اب ادب میں بھی لوگ پریکٹیکل ہو گئے ہیں۔
غزل کا چھٹا شعر اگرچہ ساتویں شعر کی وحشت کو دور کرنے اور خوش بدنی کی تعریف کی ادبی روایت کو آگے بڑھانے میں کامیاب ہے پھر بھی اس شعر کے بغیر ہی غزل مکمل تھی۔مسعود منور شعر کہنے کی صلاحیت سے مالا مال ہیں۔اور وہ یہ بات ثابت بھی کر چکے ہیں۔تو پھر ثابت قدمی کو محض تفریحِ عبث کے لیے یوں چھیڑنے کی کیا ضرورت ہے۔
غزل کے بعض اشعار بڑے ہی اچھے ہیں۔
عبدالسلام عاصم
انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب محمد احمد لکھتے ہیں:
مسعود منور صاحب کی غزل(کچھ باتیں)
شاعری پڑھنے کا شغف تو بہت پرانا ہے لیکن شاعری پر تبصرے سے میں ذرا گریز کرتا ہوں،خاص کر بڑے شعراء کے کلام پر تبصرہ کرتے ہوئے اپنی علمی کم مائیگی کا احساس حاوی رہتا ہے۔
مسعود منور صاحب کی غزل پہلی ہی نظر میں پسند آئی۔ لیکن مذکورہ بالا وجہ کی بناء پر تبصرہ پیش نہیں کیا تھا۔غزل کے تقریبا تمام اشعار مسعود صاحب کی قادرالکلامی اور زبان و بیان پر ان کی گرفت کی دلالت کرتے ہیں۔
مسعود صاحب کی غزل میں سب سے اہم چیز ردیف ہے جسے قوافی سے اس طرح ہم آہنگ کرنے کے لئے کہ اس میں خیال آفرینی اور اور خوبی کلام زائل نہ ہوں۔ شاعر کا شاعر ہونا بیحد ضروری ہے۔یہاں یہ بات کہنا بھی بیجا نہ ہو گا کہ مسعود صاحب نے غزل کا حق ادا کیا ہے۔
غزل میں بہت سی باتیں بین السطور بھی موجود ہیں جن کا ابلاغ قاری کے شخصی رجحان اورشعر فہمی سے متاثر ہو سکتا ہے۔اگر مسعود صاحب اپنے شعر کردہ معانی کے موئثر ابلاغ کے لئے کچھ کر سکتے ہیں تو ضرور کریں بشرطیکہ یہ سب اشعار کے حسن کی قیمت پر ہرگز نہ ہو۔
غزل کو تنقیدی نکتہ نگاہ سے دیکھا جائے توشائد اساتذہ کا کلام بھی عیوب سے مستثنیٰ نہ ہو سکے۔لیکن جائز تنقیدشاعر کے حق میں کڑوی دوا ثابت ہوتی ہے۔جس میںکہیں نہ کہیں شفاء کے اسباب بھی موجود ہوتے ہیں۔محترم عبدالسلام عاصمؔ صاحب سے (معذرت کے ساتھ) عرض کرنا چاہوں گا کہ تنقیدی نکتہ نظر آپ کا پنا سہی لیکن آپ کے تبصرے کا آخری جملہ آپ کے باقی تبصرے سے میل نہیں کھاتا۔اگر یہ جملہ صرف وضع داری نبھانے کے لئے ہے تو باقی تبصرے میں بھی غزل کے محسنات پر روشنی ڈالی جائے۔
مخلص
محمد احمد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب محمد یعقوب آسی اپنی رائے کا اظہار کرتے ہیں:
اُس کی زبان کو پڑھنا
جناب مسعود منور کی غزل پر بات کرنا بہت مشکل لگ رہا تھا، سو پورا ہفتہ اسی گویم مشکل وگرنہ نگویم مشکل میں گزر گیا، اگرچہ اس محفل میں دستورِ زباں بندی کبھی رائج نہیں رہا۔
اس غزل کی ردیف مشاہدے اور اظہار پر مبنی ہے۔ ہوا میں تیرتی زریں چٹان ایک اچھا استعارہ ہے۔ مشاہدے کے حوالے سے اس زریں چٹان کی اہمیت لفظی اور طبعی دونوں سطح پر مسلمہ ہے۔ غزل کی مجموعی فضا انسان کے اندر اور باہر کے اشتراک سے بنی ہے۔ سانس کی سیڑھی اور بدن کا مکان اچھی صنعت گری ہے۔ اور سیڑھی پر رک کر دم لینا اور سانس، یہ دوہری رعایت بہت بھلی لگتی ہے۔
گمان والے شعر پر میرے کچھ تحفظات البتہ ہیں۔ فلک سے اتری ہوئی روشنی کو گمان نہیں یقین کا درجہ ملنا چاہئے، اگر آپ اس کو گمان قرار دیتے ہیں تو پھر یقین کی آنکھ کا جواز نہیں بنتا، یا پھر آپ کسی فریب یا خود فریبی کا شکار ہیں۔ ہو سکتا ہے کہ بات وہی ہو جسے صاحب غزل اپنی عام گفتگو میں مجذوب کی بڑ کہا کرتے ہیں۔ مفہوم کھل جائے تو بہت اچھا ہو! نیلمیں گیسو، آبشار، نواح، چشم، قوس، کمان؛ سب کچھ بجا، لفظی، لسانی، اور فنی طور پر درست! مگر اس کا کیا کروں کہ مجھے لفظ ’نیلمیں‘ کے باب میں کچھ تصنع کاری لگتی ہے۔ زریں، خونیں، آتشیں کے سبھاؤ پر نیلمیں لسانی طور پر درست لگتا ہے، تاہم میری سہل پسندی یہاں ’نیلمی‘ کا تقاضا کرتی ہے۔
مدادِ گریہ اچھی علامت سازی کا نمونہ ہے اور کاغذ کے ساتھ اس کی نظیر داستان، بہت خوب! شعر مابعد بھی اسی تسلسل میں ہے منظر مختلف ہے، بات وہی ہے۔ طارق بٹ صاحب نے درست اشارہ کیا تھا کلائی اور ہتھیلی میں فرق تو ہے۔ صاحبِ غزل نے شاید اُس عمومی مظہر کو زیادہ اہم جانا کہ بہت سے افراد اپنی کلائیوں پر اپنے نام گدوا لیتے ہیں۔ حنا سے لکھے ہوئے ہر نشان کو پڑھنا؟ یا تو کوئی نشان بنائیے، یا پھر کوئی حرف، لفظ لکھئے اور پھر اس کو پڑھئے۔ جہاں اتنے اہتمام سے غزل کہی ہے وہیں اس ایک لفظی رعایت کا اہتمام بھی ہو جائے۔
ہاں صاحب! مقطع سے پہلے کا شعر! آپ اس کو شوخ کہیں گے مجھے اس میں ابتذال کا شائبہ ہو رہا ہے، زیادہ کھل کر بات کروں گا تو وہ بات بھی ابتذال کے ضمن میں آئے گی۔ مقطع میں نازنین اور حریم شب کے ساتھ ان کہی کتھا اور دھان پان معنوی رعایت تو رکھتے ہیں، لسانی فضا نہیں بنا پاتے۔ اس کے باوجود یہ لطیف ہے سو ٹھیک ہے۔
اپنا خیال رکھئے گا، اللہ حافظ!
محمد یعقوب آسی
۲۵! فروری ۲۰۰۷ء
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جناب عبدالسلام عاصم جناب محمد احمد کے جواب میں لکھتے ہیں:
محمد احمد صاحب تک شائد میری بات نہیں پہنچی۔ انہوں نے جو نتیجہ اخذ کر کے اظہارِ خیال کیا ہے اس میں وہ اپنی فہم کی حد تک ایماندار ہیں۔مذید عرض یہ ہے کہ میں نے لفظ “بازاریہ“ نہیں لکھا “بذریعہ“ لکھا تھا۔ہو سکتا ہے ٹائپ کرنے میں مجھ سے ہی غلطی ہو گئی ہو۔
غزل کے مجموعی حسن سے مجھے مکمل اتفاق ہے۔رہ گئی بات ابتذال کی تو میں غیر روایت پسند ہوتے ہوئے بھی اس کے حق میں نہیں ہوں۔
عبدلسلام عاصم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(نوٹ: رومن سے اردو رسم الخط میں لکھتے وقت بعض اوقات مجھ سے لغزشیں سرزد ہو جاتی ہیں۔اس کے لئے میں احباب سے معذرت خواہ ہوں۔۔۔۔۔۔۔۔۔۔۔۔نوید صادق)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیجئے صاحب!! ہم مجلس ادب میں تو اس غزل پر اپنی بحث مکمل کر چکے۔اب آپ کیا کہتے ہیں؟؟؟ آراء کا انتظار رہے گا)۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نوید صادق
