مجھے ایسا کیوں لگا

[فیصل عظیم فیصل]

آج جب میں اپنی محبوبہ سے بہت دنوں بعد ملا تو مجھے ایسا لگا کہ جیسے یہ وہ نہیں یہ تو کوئی اور ہی ہے ۔ اسکے نینوں میں وہ استقبالیہ چمک وہ خوشی کی دمک مجھے کچھ کم کم سی لگی ۔ اسکے بازو بھی کچھ کم کم اٹھے لگے اور اسکی آنکھوں میں سردمہری سی مجھے اس سے دور رہنے کو مجبور کر رہی تھی ۔ مجھے نہیں معلوم کہ اس سے دور رہنا میری مجبوری تھی یا کہ ایک امتحان اور اس امتحان سے میں گزرا ہوں یا یہ خود گزری ہے لیکن وہ جو ربط کا احساس تھا کچھ ناپید سا لگا ۔ ایسے میں میرا یہ حق بنتا تھا کہ اسے پوچھتا کہ ایے میری محبوبہ تجھے کیا ہوا تیری آنکھوں کی رونق کہاں ہے ۔ تیری ادبی حس کہاں ہے ۔ تیرے کھانے پکانے کا زوق و شوق کدھر گیا ۔ میں کیوں ہر طرف تجھ میں پھیکی محبت دیکھ رہا ہوں میں کیوں تمہیں دیکھ کر یہ محسوس کر رہا ہوں کہ ایک ایسی محبوبہ سے مل رہا ہوں جو اخلاق اور مروت سے مجبور ہو کر مجھے مل رہی ہے نہ کہ وہ والہانہ انداز جو کسی اپنے کو بہت دنوں بعد دیکھ کر ملتا ہے ۔ شاید میں ہی اتنے دنوں کے لمبے سفر کے بعد آیا ہوں تو میں خود کچھ بدل سا گیا ہوں یا پھر یہ حقیقت ہے کہ میری یہ محبوبہ جسے آپ محفل کے نام سے جانتے ہیں کچھ پرائی پرائی سی لگ رہی ہے ۔ اسکی آنکھوں کی چمک زینب ۔ اسکی ادبی محافل کی رونق اعجاز عبید صاحب ۔ ڈنڈے والی باجو ۔ پر تفنن محسن حجازی ۔ متواضع م م مغل ۔ پیارے خرم شہزاد ۔ اچھی مہوش ۔ قابل احترام سیدہ شگفتہ ۔ ننھی ماورا ۔ اچھی ملائیکہ ۔ جیا راؤ اور جیا (غالب) کے علاوہ وہ تمام ستارے جو اس محبوبہ کے دہن کی چمک دمک تھے کہاں چلے گئے جو باقی ہیں ان کی فطری خو بو کہاں گئی ۔ میں آپ سب کو دیکھ نہیں پا رہا ہوں ۔ شاید میری نظر کمزور ہوگئی ہے یا پھر محفل پر سیاست و مذہب و عصبیت کا سایہ غیر محسوس انداز میں وہاں آ پہنچا ہے کہ سنجیدہ اردو کے عشاق اب یہاں نظر آنے سے یا تو کتراتے ہیں یا پھر انہیں کوئی موضوع ایسا نہیں ملتا جہاں وہ لکھنا مناسب خیال کریں ۔۔


اللہ کرے میرا یہ خیال غلط ہو مگر جو مجھے محسوس ہوا آپ لوگوں کے ساتھ بانٹ لیا ۔ یہ وہ محفل نہیں لگتی جو میں چھوڑ کر گیا تھا ۔



فیصل

 

[نبیل]

بھائی صاحب کسی اور فورم پر تو لاگ ان نہیں کر لیا تھا؟
یہ سبھی لوگ یہاں ہی موجود ہیں، اور ادبی سیکشن میں کثرت سے مراسلات شامل کیے جا رہے ہیں۔ فورم پر مناظروں پر پابندی لگ چکی ہے اور مذہبی فورمز کو موڈریشن کے تحت لے آیا گیا ہے۔ لگتا ہے کہ تمہارے براؤزر کی کیش ریفریش ہونے والی ہے اور تم غلطی سے کچھ مہینے پہلے والی محفل فورم کا منظر دیکھ رہے ہو۔

 

[نبیل]

اور یہ لمبا سفر کہیں ٹائم مشین پر تو نہیں طے کر لیا تھا۔

 

[عسکری]

یہ تو اچھی بات نہیں

 

[آبی ٹوکول]

حیرت ہے قریشی بھائی کہ آپ کو ایسا کیوں لگا ۔ ۔ ۔ ۔ ۔

 

[فیصل عظیم فیصل]

مجھے لگتا ہے کہ مجھے کچھ دنوں تک باقاعدگی سے آنا پڑے گا شاید ایسے ہی سنکرونائز ہوجاؤں

 

[ظفری]

اور یہ لمبا سفر کہیں ٹائم مشین پر تو نہیں طے کر لیا تھا۔

میرا خیال ہے فیصل بھائی نے ٹائم مشین پر یہ سفر مستقبل کی طرف کرلیا ہے کہ دس سال بعد سب اپنی اپنی زندگی کی ضروریات میں مصروف ہوچکے ہیں ۔

 

[فیصل عظیم فیصل]

4سال سے ہم تو مصروف نہیں ہوئے اور نہ ہی نبیل اور زیک ہوئے ہیں خیر مجھے کچھ محسوس ہوا آپ لوگوں سے بانٹ لیا لیکن ذرا غور سے دیکھیں مجھے بہت فرق محسوس ہورہا ہے آپ لوگوں کو کیوں نہیں ہورہا

 

[نبیل]

میرا خیال ہے فیصل بھائی نے ٹائم مشین پر یہ سفر مستقبل کی طرف کرلیا ہے کہ دس سال بعد سب اپنی اپنی زندگی کی ضروریات میں مصروف ہوچکے ہیں ۔

اللہ آپ کی زبان مبارک کرے کہ دس سال بعد بھی محفل فورم چل رہی ہو۔
ویسے تو دس سال بعد یہاں طلحہ بیٹے اپنے اشعار پیش کر رہے ہوں گے۔

 

[نبیل]

4سال سے ہم تو مصروف نہیں ہوئے اور نہ ہی نبیل اور زیک ہوئے ہیں خیر مجھے کچھ محسوس ہوا آپ لوگوں سے بانٹ لیا لیکن ذرا غور سے دیکھیں مجھے بہت فرق محسوس ہورہا ہے آپ لوگوں کو کیوں نہیں ہورہا

لگتا ہے کہ جہاں تم غور فرما رہے ہو وہاں ہماری نظر نہیں جا رہی ہے۔
میں ویسے بھی پراجیکٹس کی فورمز سے کم ہی باہر نکلتا ہوں۔

 

[عسکری]

ہم روز آتے ہیں اسلیئے کوئی فرق نہیں محسوس ہو رہا

 

[بلال]

بہت خوب فیصل عظیم فیصل بھائی۔۔۔ فکر نہ کریں آج کل ہم تھوڑا بہت گپ شپ میں مصروف ہیں۔ انشاءاللہ جلد ہی سب بہتر ہو جائے گا۔۔۔ مجھے بھی کچھ ایسا ہی لگتا ہے۔ بہتر ہوا آپ نے اس بارے میں لکھ دیا۔ پہلے محفل پر آتے تھے تو چند ایک دھاگے اپڈیٹ ہوئے ہوتے تھے لیکن سب کے سب پڑھنے کو مجبور ہو جاتا تھا۔ اب جب آتا ہوں تو کافی سارے دھاگے اپڈیٹ ہوئے ہوتے ہیں لیکن ایک دو ہی دھاگے ایسے ہوتے ہیں جن کو پڑھتا ہوں باقی سب میں وہی روٹین کی گپ شپ ہوتی ہے۔ محسن حجازی بھائی کم کم ہی نظر آتے ہیں۔ جیہ بہن سوات آپریشن کی وجہ سے نہیں آ رہیں۔ م م مغل بھائی کی اردو پڑھ کر بہت کچھ سیکھنے کو ملتا تھا لیکن وہ بھی اب کم کم ہی پہلے والی اردو لکھتے ہیں۔ اعجاز انکل، زینب، ماوراء، سارہ خان اور مہوش علی بہن وغیرہ وغیرہ بھی بہت کم کم نظر آتیں/آتے ہیں۔ خیر امید ہے سب جلد ہی واپس آ کر پہلے والے بہتر ماحول کو واپس لائیں گے۔۔۔

 

[نبیل]

پہلے والے ماحول کا جہاں تک تعلق ہے تو کچھ ہی روز قبل فورم پر چاروں طرف جہاد، قتال اور کفر کے فتوے چھائے ہوتے تھے۔ کم از کم اس ماحول کی واپسی تو میں ہرگز نہیں چاہوں گا۔ دوسری جانب حال ہی میں اردو لینکس کی دو ڈسٹریبیوشنز پیش کی گئی ہیں، اردو وزی وگ ایڈیٹرز کو اپڈیٹ کیا گیا ہے، لائبریری پراجیکٹ کے سلسلے میں مشاورت کی گئی ہے، فورم کی چوتھی سالگرہ کی تیاریاں کی جا رہی ہیں اور ایوارڈز کے سلسلے میں رائے شماری کا سلسلہ جاری ہے و علی ہذالقیاس۔ لہذا میری دانست میں تو فورم کے ماحول میں پہلے کی نسبت بہت بہتری آ گئی ہے۔

 

[علی ذاکر]

فیصل بھائ اس موقع پر میں‌ہمیشہ ایک ہی بات کہتا ہوں‌بھنگڑے کا پروگرام رکھ لیں پتہ لگ جائے گا وہی ہیں‌کہ کوئ اور ؟

مع السلام

 

[فیصل عظیم فیصل]

فرق ہے رجحانات اور طرز تحریر کا ۔ محسن نے ایک مہینے سے کچھ نہیں لکھا کیوں ۔۔؟ کیا محسن اتنا عرصہ چپ بیٹھنے والا ہے ۔۔۔؟ الف عین‌صاحب نے 14 جون سے کچھ نہیں لکھا ہے ۔نوید صادق نے 14 جون سے کچھ نہیں لکھا ہے ۔ الف نظامی 27 جنوری سے کچھ نہیں بولے ۔ محمد وارث 9 جون سے کچھ نہیں بولے ۔ اور بھی کچھ مثالیں نکال کر لاؤں یا کافی ہیں ۔ مجھے تکلیف ہو رہی ہے ۔ الف عین صاحب اور محسن کی کمی شدت سے محسوس ہو رہی ہے ۔ ابن سعید 17 مئی سے خاموش ہیں ۔سارہ خان نے 07 جون سے کچھ نہیں کہا ہے ۔ زینب 28 مئی سے کچھ نہیں بولی ۔ فہیم (انگریزی والے) 30 مئی سے غیر حاضر ہیں ۔ سیدہ شگفتہ 19 جون سے خاموش ۔ دوست 30 مئی سے ۔ جیہ 30 مئی ۔ زین 27 مئی ۔ ف قدوسی 30 مئی سے خاموش ہیں کیا آپ لوگوں نے نوٹس نہیں کیا ۔ مجھے تو ان سب کی کمی شدت سے محسوس ہوئی آپ لوگوں کو کیوں نہیں

 

[بلال]

پہلے والے ماحول کا جہاں تک تعلق ہے تو کچھ ہی روز قبل فورم پر چاروں طرف جہاد، قتال اور کفر کے فتوے چھائے ہوتے تھے۔ کم از کم اس ماحول کی واپسی تو میں ہرگز نہیں چاہوں گا۔ دوسری جانب حال ہی میں اردو لینکس کی دو ڈسٹریبیوشنز پیش کی گئی ہیں، اردو وزی وگ ایڈیٹرز کو اپڈیٹ کیا گیا ہے، لائبریری پراجیکٹ کے سلسلے میں مشاورت کی گئی ہے، فورم کی چوتھی سالگرہ کی تیاریاں کی جا رہی ہیں اور ایوارڈز کے سلسلے میں رائے شماری کا سلسلہ جاری ہے و علی ہذالقیاس۔ لہذا میری دانست میں تو فورم کے ماحول میں پہلے کی نسبت بہت بہتری آ گئی ہے۔

پہلے والے ماحول سے مراد ہرگز یہ نہیں تھا جس کا آپ نے ذکر کیا۔۔۔ کم از کم میں نہیں چاہوں گا کہ اس طرح کا ماحول دوبارہ ہو جس کا آپ نے ذکر کیا ہے۔۔۔ اگر آپ نے میرے پیغام میں لکھے گئے ممبران کے نام پڑھیں ہیں تو آپ کو اندازہ ہوا ہو گا کہ ان میں کوئی ایسا ممبر نہیں جو بس بحث برائے بحث کرتا ہو یا فتوی لگاتا ہو بلکہ سب دلائل کے ساتھ اور بہتر باتیں کرنے والے لوگ ہیں۔۔۔ ماحول سے مراد یہ تھا کہ جیسے پہلے جوش تھا وہ نہیں۔ پچھلے سال سالگرہ کی تیاریوں میں اور اب بہت فرق ہے۔۔۔ شاید مجھے بھی کچھ ٹھیک نظر نہیں آ رہا لیکن کم از کم پچھلے سال سالگرہ پر دل کرتا تھا ہر وقت محفل پر موجود رہیں۔ لیکن اب کی بار وہ جوش و خروش نہیں ہے۔ ماحول میں بہتری یقینا آئی ہو گی۔ لیکن مجھے پہلے محفل سے اتنی معلومات ملتی تھی کہ کسی اور سائیٹ پر جانے کا وقت ہی نہیں ملتا تھا بس محفل کو ہی پڑھتے رہتا تھا۔ لیکن اب ایسا نہیں ہو رہا جبکہ میں چاہتا ہوں کہ وہی پہلے جتنی معلومات ہوں۔۔۔ ہو سکتا ہے اب میری سوچ میں فرق آیا ہو یا میرے ساتھ کچھ اور مسئلہ ہو۔ اس لئے اگر آپ کو لگ رہا ہے یا واقعی ایسا ہے کہ محفل پہلے سے بہتر ہے تو پھر یہ ایک اچھی بات ہے۔۔۔
باقی ہم نے تو اپنے خیالات کا اظہار کرنا اور رائے دینی تھی وہ ہم کر چکے اس لئے ہم تو چلے۔۔۔ باقی منتظمین ہم سے بہتر سمجھتے ہیں۔۔۔
ہماری دعا ہے کہ اللہ تعالیٰ محفل کو دن بدن ترقی دے۔۔۔آمین

 

[آبی ٹوکول]

فرق ہے رجحانات اور طرز تحریر کا ۔ محسن نے ایک مہینے سے کچھ نہیں لکھا کیوں ۔۔؟ کیا محسن اتنا عرصہ چپ بیٹھنے والا ہے ۔۔۔؟ الف عین‌صاحب نے 14 جون سے کچھ نہیں لکھا ہے ۔نوید صادق نے 14 جون سے کچھ نہیں لکھا ہے ۔ الف نظامی 27 جنوری سے کچھ نہیں بولے ۔ محمد وارث 9 جون سے کچھ نہیں بولے ۔ اور بھی کچھ مثالیں نکال کر لاؤں یا کافی ہیں ۔ مجھے تکلیف ہو رہی ہے ۔ الف عین صاحب اور محسن کی کمی شدت سے محسوس ہو رہی ہے ۔ ابن سعید 17 مئی سے خاموش ہیں ۔سارہ خان نے 07 جون سے کچھ نہیں کہا ہے ۔ زینب 28 مئی سے کچھ نہیں بولی ۔ فہیم (انگریزی والے) 30 مئی سے غیر حاضر ہیں ۔ سیدہ شگفتہ 19 جون سے خاموش ۔ دوست 30 مئی سے ۔ جیہ 30 مئی ۔ زین 27 مئی ۔ ف قدوسی 30 مئی سے خاموش ہیں کیا آپ لوگوں نے نوٹس نہیں کیا ۔ مجھے تو ان سب کی کمی شدت سے محسوس ہوئی آپ لوگوں کو کیوں نہیں

ان میں سے اکثر لوگ آتے جاتے تو رہتے ہیں مگر انکی طرف تخلیقی کام نہیں ہوا اتنا زیادہ بس یہی فرق ہے میری دانست می۔ں ۔ ۔ ۔

 

[فیصل عظیم فیصل]

تعبیر اپریل سے خاموش ہے کیوں ۔ طالوت 20 جون ۔عندلیب 24 فروری سے ۔ حسن علوی 30 مئی ۔سخنور 11 جون ۔ پاکستانی 12 نومبر ۔ سارا 12 نومبر ۔ حجاب 12 فروری ۔ تیلے شاہ 21 اپریل ۔زونی 18 مئی ۔ راجہ صاحب 02 مئی ۔ فاتح 30 مئی ۔


یاد رہے کہ ان میں سے کوئی بھی رکن ایسا نہیں ہے جس کے پیغامات 4500 سے کم ہوں

 

[ظفری]

یہ براؤزر کی واقعی کیش ریفریش کا مسئلہ لگتا ہے ۔ یہ سب اراکین آرہے ہیں ۔ 99 فیصد اراکین کی کل تک کی تاریخ میں پوسٹیں موجود ہیں ۔ ہاں البتہ حسن علوی کچھ عرصے سے غائب ہیں ۔ جبکہ جویریہ سوات کے حالات کی وجہ سے محفل سے دور ہیں ۔ مگر کچھ روز قبل ہی ان کی پوسٹیں یہاں نظر آئیں ہیں ۔

 

[شمشاد]

فیصل بھائی کہیں کسی پرانے کمپیوٹر سے تو لاگ آن نہیں ہو گئے۔ اپنے کمپیوٹر کی گھڑی ٹھیک سے دیکھیں۔

یہ آپ کہاں سے تاریخیں نکال رہے ہیں؟