کاشفی
محفلین
لندن…متحدہ قومی موومنٹ کے قائد الطاف حسین نے لندن سے نائن زیرو پر کارکنوں سے ٹیلی فونک خطاب کرتے ہوئے کہا ہے کہ مجھے عمران فاروق کے قتل میں ملوث کرنیکی سازشیں بند کی جائیں ، برطانیہ کی بہتری اسی میں ہے کہ مجھے عمران فاروق قتل میں ملوث نہ کیا جائے، اگر مخالفین کو برداشت نہیں کرتے تو عامر اور آفاق ابتک زندہ کیسے ہیں ۔ اسکاٹ لینڈ یارڈ اور برطانوی پولیس نے لندن میں میرے گھر پر چھا پا مارا ۔ کئی گھنٹے کے محاصرے اور تلاشی کے بعد بہت سارا سامان ساتھ لے گئے۔گھر سے کیا لے کر گئے کیا لیکر نہیں گئے،مجھے نہیں پتا ۔الطاف حسین نے کہا کہ میں نے پولیس سے کہا کہ آپ جو لے جا رہے ہیں اسکی فہرست مجھے دے دیں۔ انہوں نے کہا کہ برطانیہ میں جو کیسز مجھ پر بنائے جائیں گے اسکے لیے کسی وکیل کی ضرورت نہیں ۔ میرا ضمیر صاف ہے، اللہ دلوں کا حال بہترجانتا ہے ،میں اپنا مقدمہ برطانیہ میں خود لڑوں گا ۔الطاف حسین نے کہا کہ کسی فرد کو سزا دینی ہے تو اسٹیبلشمنٹ کیلیے یہ کوئی مشکل بات نہیں ۔ امریکا اور پوری دنیا میں شروع سے یہ ہوتا چلا آیا ہے ۔ دنیا بھر کی ایجنسیاں موجود ہیں عمران فاروق کے قاتلوں کو پکڑاجائے۔ اسٹیبلشمنٹ نے مجھے اور ایم کیو ایم کو بدنام کیا ، ہم مخالفین کو برداشت نہیں کرتے، انٹرنیشنل اور نیشنل اسٹیبلشمنٹ نے مجھے خریدنے کی بہت کوششیں کیں، شیرکی طرح ظالموں، جاگیرداروں کو للکارنے والا صرف ہے، پاکستان کی حکومت اور دنیا بھر نے طالبان کو روس سے لڑنے کیلیے پیسہ دیا، طالبان جیت گئے اور تب سے ابتک طالبان کا ردعمل سب کے سامنے ہے ، انہوں نے کہا کہ دنیا میں کئی انقلابی رہنما کامیاب نہیں ہوئے، دنیا میں کئی رہنما معاشرے میں بے لگام کیپٹل ازم سے بچنے کا درس دیتے تھے، برطانوی مظالم کے باعث کئی آزادی کی تحریکوں نے جنم نے لیا،جارج گیلوے، لارڈ نذیراور عمران خان کو میرے خلاف استعمال کیا، مجھ پر عمران فاروق کے قتل کے الزامات لگائے گئے، کروڑوں عوام سے پیار کرنے والے کے گھر پر چھاپا مارا گیا ، میرے لیے یہ بات گوارا نہیں کہ الزامات کے بعد قیادت سنبھالے رہوں، جب تک فیصلہ نہیں ہوجاتا اتحاد،اتفاق کیساتھ رابطہ کمیٹی متحدہ کو چلاتی رہے ۔الطاف حسین نے کہا کہ ساتھیو، مجھے ماردیا جائے تو میرے لیے دعائے خیر کرنا ۔ دنیا میں واحد بچا ہوں جو بے لگام سرمایہ دارانہ نظام کیخلاف بات کرتا ہے۔ ملک ٹوٹنے پر لوگ کہتے تھے اچھا ہوا بوجھ ختم ہوگیا۔ آج اسی بنگلا دیش کی کرنسی پاکستان سے بھی زیادہ ہے۔ سعودی عرب خاموش ہے جس نے ڈیل کرکے نواز شریف کو نکلوایا تھا۔ پرویز مشرف سے پہلے کی بات نہیں کی جاتی۔ آرٹیکل6 کے تحت مشرف کیخلاف مقدمہ چلانے کا کہا جاتا ہے۔ عدالتی فیصلہ قبول کروں گا ۔ برطانیہ میں رہتے ہوئے میں نے کوئی قانون توڑا، نہ توڑوں گا۔ میرے خون سے اس ملک میں انقلاب آئیگا۔ میں پاکستان میں انقلاب کا دائی ہوں۔انہوں نے کہا کہ برطانوی اسٹبلشمنٹ بڑی صفائی سے میری جان لے سکتی ہے۔ برطانوی حکومت خوبصورتی سے میری جان لے سکتی ہے کہ کسی کو پتہ نہیں چلے گا ۔ اگر آپ لوگوں نے جذباتیت نہ چھوڑی تو میری بات ختم ہوجائیگی۔قصور اتنا ہے کہ میں نے کہا چوری، کرپشن ختم کرواورمیرٹ کا نظام نافذ کرو۔ ثابت کرونگا کہ میں عدالتوں اور قانون کا احترام کرتا ہوں۔ساتھیو۱، لڑنا نہیں، میرٹ پر فیصلے کرنا یہی بات بتاتا رہا ہوں۔ کارکنوں کے قا ئدایم کیوایم الطاف حسین کے حق میں نعرے قا ئدایم کیوایم الطاف حسین کے قیادت چھوڑنے کی بات پر کارکنان آبدیدہ ہوگئے ۔ خواتین کارکنوں نے بھی الطاف حسین سے فیصلہ واپس لینے کی اپیل کی ۔ کارکنوں کی قا ئدایم کیوایم الطاف حسین سے فیصلہ واپس لینے کی اپیل ۔کارکنوں کے قا ئدایم کیوایم الطاف حسین کے حق میں نعرے جاری ہیں۔
