طارق شاہ
محفلین
غزلِ
مجید امجد
اب کے تمھارے دیس کا یہ روپ نیارا تھا
بِکھرا ہُوا ہَواؤں میں سایا تمھارا تھا
گُم سُم کھڑے ہیں اُونچی فصِیلوں کے کنکرے
کوئی صدا نہیں! مجھے کِس نے پُکارا تھا
رات آسماں پہ چاند کی منڈلی میں کون تھا
تم تھے کہ اِک سِتار بجاتا سِتارہ تھا
اُن دُورِیوں میں قُرب کا جادُو عذاب تھا
ورنہ تمھارے ہجر کا غم بھی گوارا تھا
دِل سے جو ٹیس اُٹھی، میں یہ سمجھا پُجاریو
پتّھر کے دیوتا کا تڑپتا اِشارہ تھا
تالی بجی تو سامنے ناٹک کی رات تھی
آنکھیں کھُلیں، تو بُجھتے دِلوں کا نظارہ تھا
پھر لوٹ کر نہ آیا، زمانے گزُر گئے
وہ لمحہ جس میں ایک زمانہ گزُارا تھا
بہتی ندی کے پاٹ سے اوجھل رہے وہ گاؤں
ساحِل کی اوٹ جن کا دُھواں آشکارا تھا
دُنیا کے اِس بھنور سے جب اُبھرے دُکھوں کے بَھید
اِک اِک اتھاہ بَھید خود اپنا کِنارہ تھا
مجید امجد
مجید امجد
اب کے تمھارے دیس کا یہ روپ نیارا تھا
بِکھرا ہُوا ہَواؤں میں سایا تمھارا تھا
گُم سُم کھڑے ہیں اُونچی فصِیلوں کے کنکرے
کوئی صدا نہیں! مجھے کِس نے پُکارا تھا
رات آسماں پہ چاند کی منڈلی میں کون تھا
تم تھے کہ اِک سِتار بجاتا سِتارہ تھا
اُن دُورِیوں میں قُرب کا جادُو عذاب تھا
ورنہ تمھارے ہجر کا غم بھی گوارا تھا
دِل سے جو ٹیس اُٹھی، میں یہ سمجھا پُجاریو
پتّھر کے دیوتا کا تڑپتا اِشارہ تھا
تالی بجی تو سامنے ناٹک کی رات تھی
آنکھیں کھُلیں، تو بُجھتے دِلوں کا نظارہ تھا
پھر لوٹ کر نہ آیا، زمانے گزُر گئے
وہ لمحہ جس میں ایک زمانہ گزُارا تھا
بہتی ندی کے پاٹ سے اوجھل رہے وہ گاؤں
ساحِل کی اوٹ جن کا دُھواں آشکارا تھا
دُنیا کے اِس بھنور سے جب اُبھرے دُکھوں کے بَھید
اِک اِک اتھاہ بَھید خود اپنا کِنارہ تھا
مجید امجد