محبت اپنا شوقِ نارسا تھی

[صابرہ امین]

محترم اساتذہ الف عین ، ظہیراحمدظہیر محمّد احسن سمیع :راحل: محمد خلیل الرحمٰن ، یاسر شاہ ، سید عاطف علی

السلام علیکم،
آپ سب کی خدمت میں ایک غزل حاضر ہے ۔ آپ سے اصلاح کی درخواست ہے۔

محبت اپنا شوقِ نارسا تھی
یہی بربادیوں کی ابتدا تھی

محبت تھی کرامت یا کرشمہ
ہماری زندگی کا فلسفہ تھی

سجھائی کچھ نہیں دیتا تھا ہم کو
یہی منزل، یہی بس راستہ تھی

محبت بن گئی تھا اپنا مسلک
یہی قانون تھی اور قائدہ تھی

محبت قیمتی تھی دوجہاں سے
ہوئی جب ختم تو رنج و بلا تھی

ہوئے گھائل سراسر اس کے ہاتھوں
محبت تھی یا کوئی حادثہ تھی

ہوئے ہم ماورا ہر ایک دکھ سے
محبت دردِ دل کی انتہا تھی

تھی کل عالم ہمارا یہ محبت
تمہارے واسطے بس مشغلہ تھی

تمہیں بھی ہو گئی ہم سے محبت
کڑی کتنی تمہاری یہ سزا تھی!

 

[محمد احسن سمیع راحلؔ]

ہوئے گھائل سراسر اس کے ہاتھوں
محبت تھی یا کوئی حادثہ تھی

مجھے یہاں حادثہ تھی ٹھیک نہیں لگ رہا، کیونکہ حادثہ کی ضمیر کا اتصال محبت کے ساتھ نہیں ہو رہا.

محبت بن گئی تھا اپنا مسلک
یہی قانون تھی اور قائدہ تھی

قاعدہ*

سجھائی کچھ نہیں دیتا تھا ہم کو
یہی منزل، یہی بس راستہ تھی

یہ شعر اگر مفرد پڑھا جائے تو کچھ اندازہ نہیں ہوتا کہ کس چیز کاذکر ہو رہا ہے...

ہوئے ہم ماورا ہر ایک دکھ سے
محبت دردِ دل کی انتہا تھی

میرے خیال میں اگر پہلے مصرعے میں دکھ کے بجائے الم کہیں تو درد دل سے ربط بہتر ہو جائے گا.

 

[الف عین]

مزید یہ کہ
یہی قانون تھی اور قاعدہ تھی
دونوں جگہ' تھی' کچھ نا گوار لگ رہا ہے، کچھ سوچو اس کا بھی، درمیان میں 'اَر' بھی کچھ مناسب نہیں

 

[صابرہ امین]

مجھے یہاں حادثہ تھی ٹھیک نہیں لگ رہا، کیونکہ حادثہ کی ضمیر کا اتصال محبت کے ساتھ نہیں ہو رہا.

قاعدہ*


یہ شعر اگر مفرد پڑھا جائے تو کچھ اندازہ نہیں ہوتا کہ کس چیز کاذکر ہو رہا ہے...



میرے خیال میں اگر پہلے مصرعے میں دکھ کے بجائے الم کہیں تو درد دل سے ربط بہتر ہو جائے گا.

محمّد احسن سمیع :راحل: بھائی شکریہ۔ اصلاح کر کے حاضر ہوتی ہوں۔

 

[صابرہ امین]

مزید یہ کہ
یہی قانون تھی اور قاعدہ تھی
دونوں جگہ' تھی' کچھ نا گوار لگ رہا ہے، کچھ سوچو اس کا بھی، درمیان میں 'اَر' بھی کچھ مناسب نہیں

جی بہتر استاد محترم الف عین ، اس پر کام کرتی ہوں۔ شکریہ

 

[صابرہ امین]

استاد محترم الف عین، محمّد احسن سمیع :راحل:

ہوئے گھائل سراسر اس کے ہاتھوں
محبت تھی یا کوئی حادثہ تھی

مجھے یہاں حادثہ تھی ٹھیک نہیں لگ رہا، کیونکہ حادثہ کی ضمیر کا اتصال محبت کے ساتھ نہیں ہو رہا.

ہوئے گھائل سراسر اس کے ہاتھوں
محبت اک عجب سا حادثہ تھی

قاعدہ*

جی بہتر

یہ شعر اگر مفرد پڑھا جائے تو کچھ اندازہ نہیں ہوتا کہ کس چیز کاذکر ہو رہا ہے...
محبت بن گئی تھی اپنا محور
یہی منزل، یہی بس راستہ تھی

میرے خیال میں اگر پہلے مصرعے میں دکھ کے بجائے الم کہیں تو درد دل سے ربط بہتر ہو جائے گا.

ہوئے ہم ماورا ہر اک الم سے
محبت دردِ دل کی انتہا تھی

محبت بن گئی تھا اپنا مسلک
یہی قانون تھی اور قائدہ تھی

محبت بن گئی تھی اپنا مسلک
یہی بس ضابطہ و قاعدہ تھی
یا
یہ اک ایسا انوکھا ضابطہ تھی

 

[اشرف علی]

محترم اساتذہ الف عین ، ظہیراحمدظہیر محمّد احسن سمیع :راحل: محمد خلیل الرحمٰن ، یاسر شاہ ، سید عاطف علی

السلام علیکم،
آپ سب کی خدمت میں ایک غزل حاضر ہے ۔ آپ سے اصلاح کی درخواست ہے۔

محبت اپنا شوقِ نارسا تھی
یہی بربادیوں کی ابتدا تھی

محبت تھی کرامت یا کرشمہ
ہماری زندگی کا فلسفہ تھی

سجھائی کچھ نہیں دیتا تھا ہم کو
یہی منزل، یہی بس راستہ تھی

محبت بن گئی تھا اپنا مسلک
یہی قانون تھی اور قائدہ تھی

محبت قیمتی تھی دوجہاں سے
ہوئی جب ختم تو رنج و بلا تھی

ہوئے گھائل سراسر اس کے ہاتھوں
محبت تھی یا کوئی حادثہ تھی

ہوئے ہم ماورا ہر ایک دکھ سے
محبت دردِ دل کی انتہا تھی

تھی کل عالم ہمارا یہ محبت
تمہارے واسطے بس مشغلہ تھی

تمہیں بھی ہو گئی ہم سے محبت
کڑی کتنی تمہاری یہ سزا تھی!

و علیکم السلام و رحمتہ اللّٰہ و برکاتہ

خوووووب اسسسسست !

 

[صابرہ امین]

و علیکم السلام و رحمتہ اللّٰہ و برکاتہ

خوووووب اسسسسست !

شکریہ اشرف علی بھائی ۔ ۔ سلامت رہیں ۔

 

[الف عین]

درست ہو گئی ہے غزل
یہی بس ضابطہ و قاعدہ تھی
یا
یہ اک ایسا انوکھا ضابطہ تھی
.. یہ اپنی ذات میں اک قاعدہ/ضابطہ تھی
یہ کیسا رہے گا؟

 

[صابرہ امین]

درست ہو گئی ہے غزل
یہی بس ضابطہ و قاعدہ تھی
یا
یہ اک ایسا انوکھا ضابطہ تھی
.. یہ اپنی ذات میں اک قاعدہ/ضابطہ تھی
یہ کیسا رہے گا؟

يقينا ايک بہتر ين متبادل ہے۔ شکريہ

 

[صابرہ امین]

استاد محترم الف عین ، آپ سے ایک نظر ثانی کی درخواست ہے۔


محبت اپنا شوقِ نارسا تھی
یہی بربادیوں کی ابتدا تھی

محبت تھی کرامت یا کرشمہ
ہماری زندگی کا فلسفہ تھی

محبت ہی تھی گویا اپنا محور ( نیچے کے شعر کے الفاظ کی تکرار سے بچنے کی لیے معمولی تبدیلی کی ہے)
یہی منزل، یہی بس راستہ تھی

محبت بن گئی تھی اپنا مسلک
یہ اپنی ذات میں اک ضابطہ تھی

محبت قیمتی تھی دوجہاں سے
ہوئی جب ختم تو رنج و بلا تھی

ہمیں گھائل کیا اس نے سراسر (ذرا سی تبدیلی یہاں ابھی کی ہے)
محبت اک عجب سا حادثہ تھی

ہوئے ہم ماورا ہر اک الم سے
محبت دردِ دل کی انتہا تھی

تھی کل عالم ہمارا یہ محبت
تمہارے واسطے بس مشغلہ تھی

تمہیں بھی ہو گئی ہم سے محبت
کڑی کتنی تمہاری یہ سزا تھی!

 

[الف عین]

استاد محترم الف عین ، آپ سے ایک نظر ثانی کی درخواست ہے۔


محبت اپنا شوقِ نارسا تھی
یہی بربادیوں کی ابتدا تھی

محبت تھی کرامت یا کرشمہ
ہماری زندگی کا فلسفہ تھی

محبت ہی تھی گویا اپنا محور ( نیچے کے شعر کے الفاظ کی تکرار سے بچنے کی لیے معمولی تبدیلی کی ہے)
یہی منزل، یہی بس راستہ تھی

محبت بن گئی تھی اپنا مسلک
یہ اپنی ذات میں اک ضابطہ تھی

محبت قیمتی تھی دوجہاں سے
ہوئی جب ختم تو رنج و بلا تھی

ہمیں گھائل کیا اس نے سراسر (ذرا سی تبدیلی یہاں ابھی کی ہے)
محبت اک عجب سا حادثہ تھی

ہوئے ہم ماورا ہر اک الم سے
محبت دردِ دل کی انتہا تھی

تھی کل عالم ہمارا یہ محبت
تمہارے واسطے بس مشغلہ تھی

تمہیں بھی ہو گئی ہم سے محبت
کڑی کتنی تمہاری یہ سزا تھی!

درست ہو گئی ہے غزل

 

[محمداحمد]

محبت اپنا شوقِ نارسا تھی
یہی بربادیوں کی ابتدا تھی

محبت بن گئی تھی اپنا مسلک
یہ اپنی ذات میں اک ضابطہ تھی

تمہیں بھی ہو گئی ہم سے محبت
کڑی کتنی تمہاری یہ سزا تھی!

بہت خوب!

اچھی غزل ہے۔

 

[صابرہ امین]

بہت خوب!

اچھی غزل ہے۔

حوصلہ افزائى کا شکريہ۔

 

[ایس ایس ساگر]

واہ۔ بہت خوب۔
عمدہ غزل ہے صابرہ امین بہنا!
داد قبول کیجیے۔
اللہ کرے زور قلم اور زیادہ۔ آمین۔

 

[صابرہ امین]

واہ۔ بہت خوب۔
عمدہ غزل ہے صابرہ امین بہنا!
داد قبول کیجیے۔
اللہ کرے زور قلم اور زیادہ۔ آمین۔

بہت شکريہ پسندیدگی کا۔ سلامت رہيں @ايس
ايس ساگر بھائى۔