بہزاد لکھنوی محبت پر بہت مغرور ہوں میں - بہزاد لکھنوی

[کاشفی]

غرورِ محبت
(بہزاد لکھنوی)
محبت پر بہت مغرور ہوں میں
ابھی منزل سے کوسوں دور ہوں میں

حسیں جلوؤں کا مرکز بن گیا ہوں
ادھر دیکھو سراپا طور ہوں میں

جہانِ عاشقی میں ضبط کے ساتھ
فغاں کرنے پہ بھی مجبور ہوں میں

چڑھا دو مجھ کو تم دارِ نظر پر
محبت کی قسم منصور ہوں میں

جفاؤں سے نہ اپنی دست کش ہو
جفائے حُسن پر مسرور ہوں میں

قریں تر ہوں زمانے کی نظر سے
مگر اس کی نظر سے دور ہوں میں

مری ہستی کو اے بہزاد دیکھو
کہ خود ناظر ہوں، خود منظور ہوں میں​

 

[سلفی کال]

مری ہستی کو اے بہزاد دیکھو
کہ خود ناظر ہوں، خود منظور ہوں میں

بہت اعلی،بہت اعلی،،،،،،،،،،،،،،،،بہت شکریہ آپ کا
جو دوئی کی بو بھی تو کہیں دوچار ہوتا

 

[محمداحمد]

بہت خوب ۔۔۔۔۔۔!

 

[عمر سیف]

بہت خوب

 

[محمد عادل عزیز]

عمدہ۔۔