نورالحسن جوئیہ
محفلین
محمد یعقوب آسی کی کتاب "لفظ کھو جائیں گے" میں سے انتخاب
..........
بات کرنا ہو ناگوار جنہیں
ان سے کس مدعا کی بات کریں
میرے بیمار دل کو رہنے دیں
آپ اپنی انا کی بات کریں
۔۔۔۔۔۔۔
نام کوئی بھی مجھے دینے سے پہلے سوچ لیں
آپ کی پہچان بھی اس نام سے مشروط ہے
کیجئے اظہارِ بیزاری بھی مجھ سے اس قدر
آپ کا مجھ سے تعلق جس قدر مضبوط ہے
۔۔۔۔۔۔۔۔
دورِ آئندہ بڑا سخت بڑا مشکل ہے
میرے بچو میرے انداز میں سوچا نہ کرو
لوگ تو منہ میں زباں رکھتے ہیں نشتر جیسی
جانِ جاں تم تو مرے زخم کریدا نہ کرو
۔۔۔۔۔۔۔۔۔۔۔۔۔۔۔
آپ کرتے ہیں بات خوابوں کی
اور ہم نیند کو ترستے ہیں
اک عجب سلسلہ شکست کا ہے
اشک بھی ٹوٹ کر برستے ہیں
۔۔۔۔۔۔۔؎
عمر نے چہرے پہ صدیوں کی کہانی لکھ دی
زندگی ٹیڑھی لکیروں نے لکھی ہاتھوں پر
۔۔۔۔۔۔۔۔۔۔
مسکرا کر دیکھئے تو اک ذرا
دیکھئے تو آپ کا جاتا ہے کیا
مجھ سے لوہا مس ہوا سونا ہوا
میں کہ پارس تھا سو پتھر ہی رہا
جو نہ سہہ پائے عزابِ آگہی
اس کے حق میں بے خبر رہنا بھلا
اپنے بچے کا کھلونا توڑ کر
اپنی محرومی کا بدلہ لے لیا
۔۔۔۔۔۔۔۔۔
بڑی باریک نظر رکھتے ہیں اچھے پاگل
پاگلو! بات کی تہہ کو نہیں پہنچے؟ پاگل!
شہر کا شہر سمجھتا ہے تجھی کو جھوٹا
اتنا سچ بول گیا ہے ارے پگلے! پاگل!ْ
۔۔۔۔۔۔۔۔۔
کسی کو عشق نے کوئے بتاں میں ڈال دیا
کسی کو عقل نے وہم وگماں میں ڈال دیا
امیر سے کوئی پوچھے تو ،کس لئے اس نے
سفر کا خوف دلِ کارواں میں ڈال دیا
۔۔۔۔۔۔۔۔۔۔۔
کتنے تاروں پہ قیامت ٹوٹی
اپنا دامن جو نچوڑا میں
رہنما یوں بھی ہے برہم مجھ سے
راستہ اس سے نہ پوچھا میں نے
یوں ہی اک عالمِ مجبوری میں
جبر کو جبر کہا تھا میں نے
لے کے پلکوں پہ ستارے ٹانکے
قریہء جاں کو اجالا میں نے
۔۔۔۔۔۔۔۔۔
پلکوں پر برسات اٹھائے پھرتا ہے
دل بھی کیا سوغات اٹھائے پھرتا ہے
جس میں آنکھ اٹھانے کی بھی تاب نہیں
کاندھوں پہ دن رات اٹھائے پھرتا ہے
میرا دشمن کرتا ہے تشہیر مری
میری اک اک بات اٹھائے پھرتا ہے
چاند ستارے اک مدت سے ماند ہوئے
'جگنو سر پہ رات اٹھائے پھرتا ہے'
۔۔۔۔۔۔۔۔
من پاگل جو ساری رات بناتا ہے
لے جاتا ہے دن تصویریں بھی اپنی
ہم نے اپنی قدروں کو پامال کیا
خاک بسر ہیں اب توقیریں بھی اپنی
۔۔۔۔۔۔۔۔۔۔۔۔۔۔۔۔۔۔۔
بھری محفل میں تنہا بولتا ہے
وہ اپنے قد سے اونچا بولتا ہے
مہِ کامل کو چپ سی لگ گئی ہے
مرے گھر میں اندھیرا بولتا ہے
مرے افکار کی موجیں رواں ہیں
مرے لہجے میں دریا بولتا ہے
یہ کیا کم ہے کہ میں تنہا نہیں ہوں
یہاں کوئی تو مجھ سا بولتا ہے
۔۔۔۔۔
ارادوں کی ہوا کچھ اور کہتی ہے
مگر زنجیرِ پا کچھ اور کہتی ہے
سنا ہے شہر میں سب امن ہے، ہوگا!
یہ شورش جابجا کچھ اور کہتی ہے
۔۔۔۔۔۔۔
کچھ نہ کچھ ہو تو سہی اپنے لہو کا حاصل
شب کے ماتھے پہ شفق رنگ سجانا چاہوں
شہرِ یعقوب ہے ویران بڑی مدت سے
ایک یوسف ہے جسے ڈھونڈ کے لانا چاہوں
۔۔۔۔۔۔۔۔۔۔۔
فرازِطور پہ لفظوں کو افتخار ملا
سوالِ شوخ سے بڑھ کر ملا جواب عجیب
گئے برس بھی یہاں آشتی کا قحط رہا
اور اب کے سال اٹھے خوف کے سحاب عجیب
۔۔۔۔۔۔
تو ملے غیر سے شاید یہ گوارا ہو تجھے
میں ملوں غیر سے میں کیسے گوارا کر لوں
تو اگر مجھ کو مسلمان نہ رہنے دے تو
ماں زمیں! تیری قسم، تجھ سے کنارہ کر لوں
اہتمام آپ کے سواگت کا بھی کچھ ہو جائے
ٹھہریے، ایک ذرا شک شرارہ کر لوں
۔۔۔۔۔۔۔۔۔۔۔۔۔
بڑے تو بند ہو بیٹھے گھروں میں
گلی میں ایک بچہ رہ گیا
ہوئیں ان سے زمانہ بھر کی باتیں
جو کہنا تھا وہ کہنا رہ گیا
دمِ ہجرت کہا بچے نے رو کر
مرا ٹوٹا کھلونا رہ گیا
۔۔۔۔۔
زندگی اک دم حسیں لگنے لگی مجذوب کو
اک نگاہِ ناز نے کیا کیا نہ جادو کر دئے
وقتِ رخصت پیش کرنے کے لئے کچھ بھی نہیں
اشک جتنے تھے ترے آنے پہ جگنو کر دئے
۔۔۔۔۔
خونِ دل دے کے جن کو سینچا تھا
نخل سب خاردار نکلے ہیں
گھر کا رستہ نہ مل سکا ہم کو
گھر سے جو ایک بار نکلے ہیں
بعد اک عمر کی خموشی کے
حرف کچھ تاب دار نکلے ہیں
۔۔۔۔۔۔۔۔۔۔۔۔
ناامیدی سی ناامیدی ہے
آرزو کی بھی آرزو نہ رہی
تو نہ ملتا ، نہ تھی کچھ ایسی بات
دکھ تو یہ ہے کہ جستجو نہ رہی
۔۔۔۔۔۔۔۔۔۔۔۔۔۔
منافقت نے جلال چہروں پہ لکھ دیا
وفا نے حزن و ملال چہروں پہ لکھ دیا
اسی لئے تو میں کہہ رہا تھ کہ کچھ نہ کہنا
صدا نے اندر کا حال چہروں پہ لکھ دیا
یقین و امید و بیم و خوف و گماں نے مل کر
جواب جیسا سوال چہروں پہ لکھ دیا
۔۔۔۔۔۔۔۔۔۔
میرے فن کار مرے اہلِ قلم میرے ادیب
میرے احساس کو ، سوچوں کو زباں دیتے ہیں
ہم سخن ساز کہاں، ہم کو یہ دعوی کب ہے
ہم تو احساس کو اندازِ بیاں دیتے ہیں
۔۔۔۔۔
تیرگی میں سجھائی کیا دے گا
روشنی کے پیام کیا کیا تھے
میں اسے دیکھتا تھا وہ مجھ کو
خامشی میں کلام کیا کیا تھے
............
فقیہِ شہر! مرا اصل مسئلہ یہ ہے
کسی سوال میں شامل ہوں نہ جواب میں ہوں
خدائے عرش، مرے حال پر کرم فرما
نماز پڑھ کے بھی الجھا ہوا ثواب میں ہوں
۔۔۔۔۔۔۔۔۔۔۔۔۔۔
بدلی مری نگاہ کہ چہرے بدل گئے
کوئی بھی معتبر نہ رہا سارے شہر میں
میری ہر ایک بات ہے نامعتبر یہاں
اس کا ہر ایک حکم روا سارے شہر میں
.........
یوں خیالوں کی تصویر قرطاس پر کیسے بن پائے گی
لفظ کھو جائیں گے فن کی باریکیاں ڈھونڈتے ڈھونڈتے
............
پھول سے بچوں کو ہاتھوں میں سنگ اٹھائے دیکھا تو
اک بوڑھےنے خوب کہی، پتھر تو پتھر رہتا ہے
اس میں خون نہیں دوڑے گا، یہ رگ ہے دکھلاوے کی
مان بھی جاؤ آسی جی! پتھر تو پتھر رہتا ہے
.......
میں ہر محفل میں آوازیں بانٹ آیا
رہ گئی میری ذات کے اندر خاموشی
آسی کو کب کچھ کہنا راس آیا ہے
اپنا لی اس نے تنگ آکر خاموشی
...........
الفت میں بھی رخنے اتنے پڑتے ہیں
جتنی اوپر کو دیواریں اٹھتی ہیں
حدِ نظر تک کوئی سفینہ بھی تو نہیں
کس کے لئے یہ سرکش موجیں اٹھتی ہیں
ایک زمانہ گزرا سورج نکلا تھا
مشرق سے اب اندھی صبحیں اٹھتی ہیں
غیر مقابل ہوں تو ہم بھی لڑ جائیں
ہم پر اپنوں کی تلواریں اٹھتی ہیں
....
بالارادہ بھول کر رستہ کبھی
رہبروں کو آزمانا چاہئے
چند گھاؤ اور بڑھ جائیں تو کیا!
بیڑیوں کو آزمانا چاہئے
شہر پر پھر چھا رہی ہے تیرگی
جگنوؤں کو آزمانا چاہئے
....
گیا وہ شخص تو عزم جوان چھوڑ گیا
کہ راستے میں لہو کے نشان چھوڑ گیا
نوید گرچہ نئے دن کی دے گیا سورج
طویل رات مگر درمیان چھوڑ گیا
.............
آج میرے ایک واقف کار نے مجھ سے کہا
نام تیرا بن نہ جائے جنگ کا اعلان کل
آس کا دامن نہ چھوڑو یار آسی، دیکھنا
مشکلیں جو آج ہیں ہوجائیں گی آسان کل
........
جنگ میں لوریاں سناتا ہے
نغمہ گر قابلِ معافی ہے؟
سر چڑھاتی ہے اور ظالم کو
چشمِ تر قابلِ معافی ہے؟
.............
گر مرے ساتھ چلیں توبھی عنایت ہوگی
آپ کا ساتھ بھی، سرکار! ضروری تو نہیں
آپ کے طرزِتکلم سے عیاں ہے سب کچھ
صاف لفظوں میں ہو اظہار، ضروری تو نہیں
آج ہم خود بھی شہادت پہ تلے بیٹھے ہیں
آپ کے ہاتھ میں تلوار ضروری تو نہیں
وہ تو اک عام سا شاعر ہے تمہارا آسی
اس کا ہر شعر ہو شہکار ! ضروری تو نہیں
............
سیاہ رات رہ گئی ہے روشنی کے شہر میں
دکھا کے چاند تارے اپنی تاب و تب چلے گئے
زباں کوئی نہ مل سکی ظہورِ اضطراب کو
تمام لفظ چھوڑ کر لرزتے لب، چلے گئے
وہ خود رہِ وفا میں چند گام بھی نہ چل سکے
ہمیں مگر دکھا کے راستے عجب چلے گئے
.......
شیخ جی کار و بار کرتے ہیں
اپنے سجدے شمار کرتے ہیں
ہم جنہیں بولنا نہیں آتا
شاعری اختیار کرتے ہیں
یہ کسی راز داں کا تحفہ ہے
غیر کب ایسے وار کرتے ہیں
.....
آپ سے رشتے کی صورت اور ہے
اور ہے ملنا محبت اور ہے
بات سچی تھی زباں پر آگئی
ورنہ واعظ کی تو عادت اور ہے
.........
ہم سفر کوئی نہ تھا اور چل دئے
اجنبی تھا راستہ اور چل دئے
شدتِ شوقِ سفر مت پوچھئے
ناتوں دل کو لیا اور چل دئے
کس قدر جلدی میں تھے اہلِ جنوں
راستہ پوچھا نہ تھا اور چل دئے
موت سے آگے بھی ہیں کچھ منزلیں
تھک گئے، سو دم لیا، اور چل دئے
...........
ہوتی رہیں حدود میں غیروں کی بارشیں
ہم حسرتوں سے دیکھتے ابرِ رواں رہے
مجھ کو مرے عیوب کی دیتے رہیں خبر
یارب! مجھے نصیبِ دمِ دوستاں رہے
اب جب اتر چکے ہیں تو موجوں کا خوف کیا
چاہے سفینہ پار لگے ، درمیاں رہے
..........
مرا تفکر غبار سوچیں نکھارتا ہے
کہ میری آنکھوں میں سرخ شبنم اتارتا ہے
میں آج خوفِ خدا سے محروم ہوگیا ہوں
کئی خداؤں کا خوف اب مجھ کو مارتا ہے
ڈرارہا ہے مجھے وہ میرے پڑوسیوں سے
مرے جگر میں جو زہر خنجر اتارتا ہے
.............
ایک وہ لوگ کہ صحراؤں کو رونق بخشیں
ایک ہم ہیں کہ بھرے شہر بھی ویرانے ہیں
دل میں وہ کچھ ہے کہ لفظوں میں اد اہو نہ سکے
وہ سمندر، تو یہ ٹوٹے ہوئے پیمانے ہیں
..........
لوگ مشینی دنیا کے، انسان نہیں کل پرزے ہیں
تھل کی ریت، چناب کی موجیں، رہ گئی ایک کہانی سی
آج کے دور کی بات کرو، یہ دور بڑا دکھیارا ہے
عارض و لب ، گیسو کے سائے، باتیں ہوئیں پرانی سی
..........
بات کرنا ہو ناگوار جنہیں
ان سے کس مدعا کی بات کریں
میرے بیمار دل کو رہنے دیں
آپ اپنی انا کی بات کریں
۔۔۔۔۔۔۔
نام کوئی بھی مجھے دینے سے پہلے سوچ لیں
آپ کی پہچان بھی اس نام سے مشروط ہے
کیجئے اظہارِ بیزاری بھی مجھ سے اس قدر
آپ کا مجھ سے تعلق جس قدر مضبوط ہے
۔۔۔۔۔۔۔۔
دورِ آئندہ بڑا سخت بڑا مشکل ہے
میرے بچو میرے انداز میں سوچا نہ کرو
لوگ تو منہ میں زباں رکھتے ہیں نشتر جیسی
جانِ جاں تم تو مرے زخم کریدا نہ کرو
۔۔۔۔۔۔۔۔۔۔۔۔۔۔۔
آپ کرتے ہیں بات خوابوں کی
اور ہم نیند کو ترستے ہیں
اک عجب سلسلہ شکست کا ہے
اشک بھی ٹوٹ کر برستے ہیں
۔۔۔۔۔۔۔؎
عمر نے چہرے پہ صدیوں کی کہانی لکھ دی
زندگی ٹیڑھی لکیروں نے لکھی ہاتھوں پر
۔۔۔۔۔۔۔۔۔۔
مسکرا کر دیکھئے تو اک ذرا
دیکھئے تو آپ کا جاتا ہے کیا
مجھ سے لوہا مس ہوا سونا ہوا
میں کہ پارس تھا سو پتھر ہی رہا
جو نہ سہہ پائے عزابِ آگہی
اس کے حق میں بے خبر رہنا بھلا
اپنے بچے کا کھلونا توڑ کر
اپنی محرومی کا بدلہ لے لیا
۔۔۔۔۔۔۔۔۔
بڑی باریک نظر رکھتے ہیں اچھے پاگل
پاگلو! بات کی تہہ کو نہیں پہنچے؟ پاگل!
شہر کا شہر سمجھتا ہے تجھی کو جھوٹا
اتنا سچ بول گیا ہے ارے پگلے! پاگل!ْ
۔۔۔۔۔۔۔۔۔
کسی کو عشق نے کوئے بتاں میں ڈال دیا
کسی کو عقل نے وہم وگماں میں ڈال دیا
امیر سے کوئی پوچھے تو ،کس لئے اس نے
سفر کا خوف دلِ کارواں میں ڈال دیا
۔۔۔۔۔۔۔۔۔۔۔
کتنے تاروں پہ قیامت ٹوٹی
اپنا دامن جو نچوڑا میں
رہنما یوں بھی ہے برہم مجھ سے
راستہ اس سے نہ پوچھا میں نے
یوں ہی اک عالمِ مجبوری میں
جبر کو جبر کہا تھا میں نے
لے کے پلکوں پہ ستارے ٹانکے
قریہء جاں کو اجالا میں نے
۔۔۔۔۔۔۔۔۔
پلکوں پر برسات اٹھائے پھرتا ہے
دل بھی کیا سوغات اٹھائے پھرتا ہے
جس میں آنکھ اٹھانے کی بھی تاب نہیں
کاندھوں پہ دن رات اٹھائے پھرتا ہے
میرا دشمن کرتا ہے تشہیر مری
میری اک اک بات اٹھائے پھرتا ہے
چاند ستارے اک مدت سے ماند ہوئے
'جگنو سر پہ رات اٹھائے پھرتا ہے'
۔۔۔۔۔۔۔۔
من پاگل جو ساری رات بناتا ہے
لے جاتا ہے دن تصویریں بھی اپنی
ہم نے اپنی قدروں کو پامال کیا
خاک بسر ہیں اب توقیریں بھی اپنی
۔۔۔۔۔۔۔۔۔۔۔۔۔۔۔۔۔۔۔
بھری محفل میں تنہا بولتا ہے
وہ اپنے قد سے اونچا بولتا ہے
مہِ کامل کو چپ سی لگ گئی ہے
مرے گھر میں اندھیرا بولتا ہے
مرے افکار کی موجیں رواں ہیں
مرے لہجے میں دریا بولتا ہے
یہ کیا کم ہے کہ میں تنہا نہیں ہوں
یہاں کوئی تو مجھ سا بولتا ہے
۔۔۔۔۔
ارادوں کی ہوا کچھ اور کہتی ہے
مگر زنجیرِ پا کچھ اور کہتی ہے
سنا ہے شہر میں سب امن ہے، ہوگا!
یہ شورش جابجا کچھ اور کہتی ہے
۔۔۔۔۔۔۔
کچھ نہ کچھ ہو تو سہی اپنے لہو کا حاصل
شب کے ماتھے پہ شفق رنگ سجانا چاہوں
شہرِ یعقوب ہے ویران بڑی مدت سے
ایک یوسف ہے جسے ڈھونڈ کے لانا چاہوں
۔۔۔۔۔۔۔۔۔۔۔
فرازِطور پہ لفظوں کو افتخار ملا
سوالِ شوخ سے بڑھ کر ملا جواب عجیب
گئے برس بھی یہاں آشتی کا قحط رہا
اور اب کے سال اٹھے خوف کے سحاب عجیب
۔۔۔۔۔۔
تو ملے غیر سے شاید یہ گوارا ہو تجھے
میں ملوں غیر سے میں کیسے گوارا کر لوں
تو اگر مجھ کو مسلمان نہ رہنے دے تو
ماں زمیں! تیری قسم، تجھ سے کنارہ کر لوں
اہتمام آپ کے سواگت کا بھی کچھ ہو جائے
ٹھہریے، ایک ذرا شک شرارہ کر لوں
۔۔۔۔۔۔۔۔۔۔۔۔۔
بڑے تو بند ہو بیٹھے گھروں میں
گلی میں ایک بچہ رہ گیا
ہوئیں ان سے زمانہ بھر کی باتیں
جو کہنا تھا وہ کہنا رہ گیا
دمِ ہجرت کہا بچے نے رو کر
مرا ٹوٹا کھلونا رہ گیا
۔۔۔۔۔
زندگی اک دم حسیں لگنے لگی مجذوب کو
اک نگاہِ ناز نے کیا کیا نہ جادو کر دئے
وقتِ رخصت پیش کرنے کے لئے کچھ بھی نہیں
اشک جتنے تھے ترے آنے پہ جگنو کر دئے
۔۔۔۔۔
خونِ دل دے کے جن کو سینچا تھا
نخل سب خاردار نکلے ہیں
گھر کا رستہ نہ مل سکا ہم کو
گھر سے جو ایک بار نکلے ہیں
بعد اک عمر کی خموشی کے
حرف کچھ تاب دار نکلے ہیں
۔۔۔۔۔۔۔۔۔۔۔۔
ناامیدی سی ناامیدی ہے
آرزو کی بھی آرزو نہ رہی
تو نہ ملتا ، نہ تھی کچھ ایسی بات
دکھ تو یہ ہے کہ جستجو نہ رہی
۔۔۔۔۔۔۔۔۔۔۔۔۔۔
منافقت نے جلال چہروں پہ لکھ دیا
وفا نے حزن و ملال چہروں پہ لکھ دیا
اسی لئے تو میں کہہ رہا تھ کہ کچھ نہ کہنا
صدا نے اندر کا حال چہروں پہ لکھ دیا
یقین و امید و بیم و خوف و گماں نے مل کر
جواب جیسا سوال چہروں پہ لکھ دیا
۔۔۔۔۔۔۔۔۔۔
میرے فن کار مرے اہلِ قلم میرے ادیب
میرے احساس کو ، سوچوں کو زباں دیتے ہیں
ہم سخن ساز کہاں، ہم کو یہ دعوی کب ہے
ہم تو احساس کو اندازِ بیاں دیتے ہیں
۔۔۔۔۔
تیرگی میں سجھائی کیا دے گا
روشنی کے پیام کیا کیا تھے
میں اسے دیکھتا تھا وہ مجھ کو
خامشی میں کلام کیا کیا تھے
............
فقیہِ شہر! مرا اصل مسئلہ یہ ہے
کسی سوال میں شامل ہوں نہ جواب میں ہوں
خدائے عرش، مرے حال پر کرم فرما
نماز پڑھ کے بھی الجھا ہوا ثواب میں ہوں
۔۔۔۔۔۔۔۔۔۔۔۔۔۔
بدلی مری نگاہ کہ چہرے بدل گئے
کوئی بھی معتبر نہ رہا سارے شہر میں
میری ہر ایک بات ہے نامعتبر یہاں
اس کا ہر ایک حکم روا سارے شہر میں
.........
یوں خیالوں کی تصویر قرطاس پر کیسے بن پائے گی
لفظ کھو جائیں گے فن کی باریکیاں ڈھونڈتے ڈھونڈتے
............
پھول سے بچوں کو ہاتھوں میں سنگ اٹھائے دیکھا تو
اک بوڑھےنے خوب کہی، پتھر تو پتھر رہتا ہے
اس میں خون نہیں دوڑے گا، یہ رگ ہے دکھلاوے کی
مان بھی جاؤ آسی جی! پتھر تو پتھر رہتا ہے
.......
میں ہر محفل میں آوازیں بانٹ آیا
رہ گئی میری ذات کے اندر خاموشی
آسی کو کب کچھ کہنا راس آیا ہے
اپنا لی اس نے تنگ آکر خاموشی
...........
الفت میں بھی رخنے اتنے پڑتے ہیں
جتنی اوپر کو دیواریں اٹھتی ہیں
حدِ نظر تک کوئی سفینہ بھی تو نہیں
کس کے لئے یہ سرکش موجیں اٹھتی ہیں
ایک زمانہ گزرا سورج نکلا تھا
مشرق سے اب اندھی صبحیں اٹھتی ہیں
غیر مقابل ہوں تو ہم بھی لڑ جائیں
ہم پر اپنوں کی تلواریں اٹھتی ہیں
....
بالارادہ بھول کر رستہ کبھی
رہبروں کو آزمانا چاہئے
چند گھاؤ اور بڑھ جائیں تو کیا!
بیڑیوں کو آزمانا چاہئے
شہر پر پھر چھا رہی ہے تیرگی
جگنوؤں کو آزمانا چاہئے
....
گیا وہ شخص تو عزم جوان چھوڑ گیا
کہ راستے میں لہو کے نشان چھوڑ گیا
نوید گرچہ نئے دن کی دے گیا سورج
طویل رات مگر درمیان چھوڑ گیا
.............
آج میرے ایک واقف کار نے مجھ سے کہا
نام تیرا بن نہ جائے جنگ کا اعلان کل
آس کا دامن نہ چھوڑو یار آسی، دیکھنا
مشکلیں جو آج ہیں ہوجائیں گی آسان کل
........
جنگ میں لوریاں سناتا ہے
نغمہ گر قابلِ معافی ہے؟
سر چڑھاتی ہے اور ظالم کو
چشمِ تر قابلِ معافی ہے؟
.............
گر مرے ساتھ چلیں توبھی عنایت ہوگی
آپ کا ساتھ بھی، سرکار! ضروری تو نہیں
آپ کے طرزِتکلم سے عیاں ہے سب کچھ
صاف لفظوں میں ہو اظہار، ضروری تو نہیں
آج ہم خود بھی شہادت پہ تلے بیٹھے ہیں
آپ کے ہاتھ میں تلوار ضروری تو نہیں
وہ تو اک عام سا شاعر ہے تمہارا آسی
اس کا ہر شعر ہو شہکار ! ضروری تو نہیں
............
سیاہ رات رہ گئی ہے روشنی کے شہر میں
دکھا کے چاند تارے اپنی تاب و تب چلے گئے
زباں کوئی نہ مل سکی ظہورِ اضطراب کو
تمام لفظ چھوڑ کر لرزتے لب، چلے گئے
وہ خود رہِ وفا میں چند گام بھی نہ چل سکے
ہمیں مگر دکھا کے راستے عجب چلے گئے
.......
شیخ جی کار و بار کرتے ہیں
اپنے سجدے شمار کرتے ہیں
ہم جنہیں بولنا نہیں آتا
شاعری اختیار کرتے ہیں
یہ کسی راز داں کا تحفہ ہے
غیر کب ایسے وار کرتے ہیں
.....
آپ سے رشتے کی صورت اور ہے
اور ہے ملنا محبت اور ہے
بات سچی تھی زباں پر آگئی
ورنہ واعظ کی تو عادت اور ہے
.........
ہم سفر کوئی نہ تھا اور چل دئے
اجنبی تھا راستہ اور چل دئے
شدتِ شوقِ سفر مت پوچھئے
ناتوں دل کو لیا اور چل دئے
کس قدر جلدی میں تھے اہلِ جنوں
راستہ پوچھا نہ تھا اور چل دئے
موت سے آگے بھی ہیں کچھ منزلیں
تھک گئے، سو دم لیا، اور چل دئے
...........
ہوتی رہیں حدود میں غیروں کی بارشیں
ہم حسرتوں سے دیکھتے ابرِ رواں رہے
مجھ کو مرے عیوب کی دیتے رہیں خبر
یارب! مجھے نصیبِ دمِ دوستاں رہے
اب جب اتر چکے ہیں تو موجوں کا خوف کیا
چاہے سفینہ پار لگے ، درمیاں رہے
..........
مرا تفکر غبار سوچیں نکھارتا ہے
کہ میری آنکھوں میں سرخ شبنم اتارتا ہے
میں آج خوفِ خدا سے محروم ہوگیا ہوں
کئی خداؤں کا خوف اب مجھ کو مارتا ہے
ڈرارہا ہے مجھے وہ میرے پڑوسیوں سے
مرے جگر میں جو زہر خنجر اتارتا ہے
.............
ایک وہ لوگ کہ صحراؤں کو رونق بخشیں
ایک ہم ہیں کہ بھرے شہر بھی ویرانے ہیں
دل میں وہ کچھ ہے کہ لفظوں میں اد اہو نہ سکے
وہ سمندر، تو یہ ٹوٹے ہوئے پیمانے ہیں
..........
لوگ مشینی دنیا کے، انسان نہیں کل پرزے ہیں
تھل کی ریت، چناب کی موجیں، رہ گئی ایک کہانی سی
آج کے دور کی بات کرو، یہ دور بڑا دکھیارا ہے
عارض و لب ، گیسو کے سائے، باتیں ہوئیں پرانی سی
آخری تدوین:
