محفل کی بارہ دری

[مقدس]

السلام علیکم

محفل کی بارہ دری میں خوش آمدید۔

کم و بیش ایک ایک ہزار پیغامات مشتمل لڑیوں کا سلسلہ جسے "کون ہے جو محفل میں آیا" کے نام سے جانا جاتا رہا ہے کی سو لڑیاں مکمل ہونے پر ایک سنچری سیلیبریشن کی لڑی کھولی گئی تھی جو ٹھیک چار ماہ بعد آج پورے بیس ہزار پیغامات کے ساتھ ایک ہزار صفحات پر پھیل گئی ہے۔ لہٰذا اس سلسلے کو وہیں مقفل کر کے عمومی گفتگو و حاضری کے لئے محفل کی بارہ دری کے دروازے وا کیے جاتے ہیں۔

نوٹ: اگر اس پیغام میں سعود بھیا کے لہجے کی بو محسوس ہو تو اسے محض اتفاق گردانا جائے۔

 

[ابن سعید]

وعلیکم السلام۔ یہ تبدیلی یقیناً خوشگوار ہوگی۔

 

[شمشاد]

کچھ دیر میں کیوں؟ کیا بارہ دریاں اکٹھی کرنا مشکل ہو رہا ہے؟

 

[زبیر مرزا]

وعلیکم السلام
باردری کی شان او رونق تو مغلوں کے دم سے ہوگی سو ہم یہ سوچ کے قدم رنجہ ہوگئے ہیں

 

[محمد شعیب]

وعلیکم السلام اپیا!
ہم نےبھی اب تک صرف بارہ دری کے کھنڈر دیکھے ہیں، اس کا عہد شباب نہیں دیکھے۔ اب اس امید پر یہاں آئے ہیں کہ شام اودھ میں سجنے والی بارہ دری کی رونقیں اپنی آنکھوں سے بھی دیکھ لیں۔

 

[قرۃالعین اعوان]

 

[ابن سعید]

کچھ عجب نہیں کہ زحال مرزا بھائی ایک عدد خیالی باری دری کی تصویر بنا کر پہلے مراسلے میں شامل کرنے کے لئے حاضر کر دیں۔

 

[زبیر مرزا]

کچھ عجب نہیں کہ زحال مرزا بھائی ایک عدد خیالی باری دری کی تصویر بنا کر پہلے مراسلے میں شامل کرنے کے لئے حاضر کر دیں۔

ںہیں سعود میاں ہم تو اپنے نورتنوں کے منتظر ہیں اور دیکھ رہے ہیں کہ کوئی شاہی چوبدار نہیں
ہماری آمد پر باادب باملحاظہ کہنے والی آواز نہیں کیا شان مغلیہ کچھ ماند پڑگئی ہے یا زمانے کہ تیور بدل گئے ہیں

 

[محمد شعیب]

نوابین اودھ کی شان ماند پڑ گئی ہے بھائی، انہی کے دم سے تو بارہ دریاں آباد تھیں۔ اب تو سڑکوں پر نظر آتے ہیں۔

 

[ابن سعید]

ںہیں سعود میاں ہم تو اپنے نورتنوں کے منتظر ہیں اور دیکھ رہے ہیں کہ کوئی شاہی چوبدار نہیں
ہماری آمد پر باادب باملحاظہ کہنے والی آواز نہیں کیا شان مغلیہ کچھ ماند پڑگئی ہے یا زمانے کہ تیور بدل گئے ہیں

یہ با ادب با ملاحظہ کی ترکیب مغلیہ دور کی نہیں بلکہ بالی ووڈ میں متعارف ہوئی تھی تبھی سے لوگ سمجھنے لگے کہ ایسا مغلوں کے دور میں کہا جاتا تھا۔

باقی رہے نو رتن، چوبدار اور درباری وغیرہ تو اس کے لئے دربار پہلے آپ خود بنوائیں۔۔۔

 

[زبیر مرزا]

بارہ دری بن گئی سعود میاں تو مغلیہ شان وشوکت بھی لوٹ آئے گی - ہم ایک مغل بچے کو محفل میں پاتے ہیں لیکن
انگریزی نام کے سبب اُسے ٹیگ نہیں کرپاتے کوئی ہے جو اُس مغل شہزادے کو بارہ دری میں لائے اور منہ مانگا انعام
اور خلعت فاخرہ پائے

 

[ابن سعید]

انگریزی ناموں کو ٹیگ کرنا کچھ ایسا مشکل نہیں۔ @ ٹائپ کر کے Ctrl + SPACE دبا کر زبان کو انگریزی کر لیں اور نام ٹائپ کرنا شروع کر دیں۔ کام ہو گیا سمجھیں۔ ویسے آپ MughalS کو مدعو کرنا چاہتے ہیں کیا؟

 

[شمشاد]

حضرات آپ کون سی بارہ دری کی بات کر رہے ہیں؟

جبکہ یہ چارپائی پر بچھانے والی دری کی بات ہو رہی ہے۔

سیالکوٹ، گجرات، گوجرانوالہ اور گکھڑ منڈی کی دریاں اور کھیس بہت مشہور ہیں۔

 

[عثمان]

اور یہ دھاگہ کہاں تک جائے گا؟

 

[زبیر مرزا]

حضرات آپ کون سی بارہ دری کی بات کر رہے ہیں؟

جبکہ یہ چارپائی پر بچھانے والی دری کی بات ہو رہی ہے۔

سیالکوٹ، گجرات، گوجرانوالہ اور گکھڑ منڈی کی دریاں اور کھیس بہت مشہور ہیں۔

حد ادب
سلطنت گئی ہے شان نہیں

 

[ابن سعید]

اور یہ دھاگہ کہاں تک جائے گا؟

جو بھی بارہ دری کی اوسط عمر ہوتی ہے۔

 

[محمد شعیب]

جو بھی بارہ دری کی اوسط عمر ہوتی ہے۔

فطری سوال۔ اوسط عمر؟

 

[ابن سعید]

فطری سوال۔ اوسط عمر؟

ہند و پاک کی تمام بارہ دریوں کی عمروں کو جمع کر کے ان کی مجموعی تعداد پر منقسم کر دیں۔ نتیجے سے محفلین کو آگاہ کریں اور عند اللہ ماجور ہوں۔

 

[عثمان]

دیکھ لیں ، ہم اوسط وہ نکالیں گے کہ بیس ہزار کیا بیس لاکھ پر بھی دھاگہ مقفل نہ ہوگا۔

 

[ابن سعید]

دیکھ لیں ، ہم اوسط وہ نکالیں گے کہ بیس ہزار کیا بیس لاکھ پر بھی دھاگہ مقفل نہ ہوگا۔

اور اس تعداد سے آپ ڈرا کسے رہے ہیں؟