مختصر سی یہ خوشی ہے دوستو - اصغر شمیم

[کاشفی]

غزل​

(اصغر شمیم)​

(شعبہ اردو، نواب بہادرس انسٹی ٹیوشن، مرشد آباد،مغربی بنگال)​

مختصر سی یہ خوشی ہے دوستو​

حادثوں میں زندگی ہے دوستو​

​

مشوروں سے کچھ نہیں ہوگا یہاں​

فیصلے کی اب گھڑی ہے دوستو​

​

دل کو پتھر سا بنا لینے کے بعد​

آنکھ میں پھر بھی نمی ہے دوستو​

​

جس کسی کا حوصلہ ہو سربلند​

اس کو منزل مل گئی ہے دوستو​

​

درد کے ساگر میں بھی رہ کر جیا​

کیسا اصغر آدمی ہے دوستو​

بشکریہ​

 

[محمداحمد]

دل کو پتھر سا بنا لینے کے بعد
آنکھ میں پھر بھی نمی ہے دوستو

واہ بہت خوب۔۔۔!