مختصر

[یازر]

عرض ہے بس یہی،میری جاں مختصر
اک نگاہِ کرم مہرباں مختصر​

جل گئے غم کی تپتی ہوئی دھوپ میں​

ہم پہ خوشیوں کا تھا سائباں مختصر​

یہ ستم چھوڑ دو ، مجھ سے باتیں کرو​

بات چاہے کرو میری جاں مختصر​

ساتھ دینے کا سب نے تھا وعدہ کیا​

ہو گیا کیوں بھلا کارواں مختصر​

ہم بہاروں سے مل کر بہت شاد تھے​

کر گئی سب نظارے خزاں مختصر​

ہجر نے اس قدر توڑ ڈالا مجھے​

میں جو بکھرا ، لگی کہکشاں مختصر​

دید کو تیری یازر ، ترستے رہے​

یوں تو کہنے کو تھیں دوریاں مختصر​

`````` ک م یازر `````````​

 

[یازر]

http://www.facebook.com/photo.php?v=441844129204865

 

[نیرنگ خیال]

خوب یازر بھائی۔ بہت سی داد قبول فرمائیے اس خوبصورت شاعری کے لیئے۔
آپ غالباً نئے ہیں۔ اک آدھا تعارف ہی پھینک دیجیئے تعارف کے زمرے میں۔ ذرا احباب کو جاننے پہچاننے میں سہولت رہے گی

 

[یازر]

ممنون ہوں خیال صاحب ۔

 

[الف عین]

خوش آمدید یازر، مزید تعارف کرائیں۔
غزل تو اچھی ہے ماشاء اللہ

 

[یازر]

پسند فرمانے کا شکریہ الف عین صاحب ۔ اگرچہ " تو" کی اضافت کے ساتھ آپ نے پسند فرمائی ۔
مختصر تعارف میں اپنی پروفائل میں لکھ چکا ہوں ۔ میرا تعلق فیصل آباد پاکستان سے ہے سعودی عرب میں ڈیزائنر ہوں ۔ اس سے پہلے کے احباب مجھے اپنی بیگمات کے لئے نئے ڈریسز ڈیزائن کرنے کا کہیں میں بتادوں کہ میں آرکیٹیکچرل ڈیزائنر Architectural ہوں ۔