یہ تمام باتیں پہلے بھی ہو چکی ہیں اور دوبارہ بھی ہوں گی۔
بہت سے فورم شروع میں صارفین کو تصویریں اپلوڈ کرنے کی سہولت دیتے ہیں لیکن صارفین کی تعداد اور فورم کا استعمال بڑھنے کے بعد اس میں مسئلے شروع ہو جاتے ہیں اور پابندیاں لگنی شروع ہو جاتی ہیں۔ القلم کا آج کل کیا حال ہے؟ دیگر فورمز کا کوئی ربط ہو تو وہ بھی یہاں تحریر کریں تاکہ دوسرے بھی دیکھ سکیں۔ یہ بھی دیکھیں کہ دیگر فورم اشتہار دکھاتے ہیں یا نہیں۔ میں پاکوہیلز فورم (انگلش) کا ممبر ہوں، فورم بہت مقبول ہے اور اشتہارات دکھاتا ہے (یعنی پیسوں کا مسئلہ نہیں ہے)، تصاویر اپلوڈ کرنے کی سہولت موجود ہے۔ شروع میں سائز پر کوئی پابندی نہیں تھی لیکن اب جو بھی تصویر اپلوڈ کریں وہ خودکار طور پر زیادہ سے زیادہ 800 پکسل کی چوڑائی میں ریسائز ہو جاتی ہے اور اس پر فورم کا واٹر مارک لگ جاتا ہے۔ میں اپنی تصاویر پر کسی اور کا واٹر مارک دیکھنا پسند نہیں کروں گا۔
اگر آپ محفل پر تصاویر کے فورمز میں جائیں تو آپ کو بہت سی تصاویر ملیں گی جو لوگوں نے اپنے ڈیجیٹل کیمروں سے کھینچ کر ویسے ہی ڈمپ کر دی ہیں، ایک ایک تصویر دو یا تین میگابائٹ کی ہے۔ آپ چاہتے ہیں کہ یہ تصاویر محفل پر ہوسٹ کی جائیں؟
ویسے جہاں تک میرا خیال ہے اگر آپ
اردو آئی۔ٹی ٹیوٹوریل فورم میں کوئی ٹیوٹوریل لکھیں تو اس میں شامل تصاویر محفل پر اپلوڈ کرنے کی سہولت مہیا کی جا سکتی ہے۔
بہتر ہو گا کہ آپ کسی ایسی فائل ہوسٹنگ سروس کے ممبر بن جائیں جو ہوٹ لنکنگ کی سہولت فراہم کرتی ہو اور جس کے آئندہ چند سالوں میں کمرشل ہونے کا امکان نہ ہو اور تصاویر کو استعمال نہ ہونے کی صورت میں ہٹایا نہ جاتا ہو، مثلاً
فلکر (یاہو) یا
پکاسا (گوگل)۔ اپنی تصاویر وہاں اپلوڈ کریں اور ان کے روابط محفل پر شامل کریں، کچھ ہی عرصے میں آپ کو یہ اضافی مشقت نہیں محسوس ہو گی۔ ایک فائدہ یہ ہوتا ہے کہ ایک ہی جگہ اپلوڈ کی ہوئی تصاویر ایک سے زیادہ جگہوں پر شامل کی جا سکتی ہیں، مثلاً دوسرے فورمز، آپ کا بلوگ یا ویبسائٹ۔ اگر آپ کا بلوگر (بلوگ سپاٹ) پر بلوگ ہو تو وہاں اپلوڈ کی ہوئی تصاویر بھی محفل پر شامل کی جا سکتی ہیں، بلوگر بھی پکاسا استعمال کرتا ہے کیونکہ دونوں گوگل کی سروس ہیں۔
