مرزا جواں بخت جہاں دارؔ

[طاہر راجپوت ملتان]

یار کے بن بہار کیا کیجیے

مرزا جواں بخت جہاں دارؔ

یار کے بن بہار کیا کیجیے

گل نہ ھووے تو خار کیا کیجیے

کام میرا تو ھو چلا آخر

اے مرے کردگار کیا کیجیے

کوئی وعدہ وفا نہیں کرتا

وہ تغافل شعار کیا کیجیے

مثل آئینہ خود نما میرا

سب سے ھووے دوچار کیا کیجیے

سوز دل میرا مجھ کو دے ھے جلا

آہ مثل چنار کیا کیجیے

عشق نے کردیا مجھے مجبور

اب نہیں اختیار کیا کیجیے

مثل زلف بتاں فسانہ دل

ھے طویل اختصار کیا کیجیے

گزری جو میرےدل پہ ھو گزری

اس کا اب اشتھار کیا کیجیے

دل تو گلچیں ھے ترے گلشن کا

لے کے گل رو ھزار کیا کیجیے

وہ تو آتا نہیں ھے میرے پاس

اے دل بے قرار کیا کیجیے

بے طرح ہے مجھے یہ مشکل عشق

صاحب ذوالفقار کیا کیجیے

اے جہاں دارؔ سب جہاں ڈھونڈا

نہیں کوئی غم گسار کیا کیجیے

مرزا جواں بخت جہاں دارؔ
1749-1778 دہلی
دیوان ✍