یاس مرزا یاسؔ، یگاؔنہ، چنگیزیؔ:::::دولتِ دِیدار نے آنکھوں کوروشن کردِیا :::::yas, yagana,changezi

[طارق شاہ]

غزل
دولتِ دِیدار نے آنکھوں کوروشن کردِیا
مرتبہ عین الیقیں کا آج حاصِل ہو گیا

لے اُڑی خلوت سرا سے تُم کو بُوئے پَیرَہَن
آخر اِک دِن سب حجابِ ناز باطِل ہو گیا

پار اُترے، ڈُوبنے والے محیطِ عِشق کے
حلقۂ گرداب اِک آغوشِ ساحل ہوگیا

صُورت آبادِ جہاں خوابِ پریشاں تھا کوئی
دیکھتے ہی دیکھتےسب، نقشِ باطل ہوگیا

حشر کے دِن یاسؔ ناحق زاہدوں میں جا پھنسا
ہم گنہگاروں کی صف میں کیوں نہ شامِل ہوگیا

مرزا یاسؔ، یگاؔنہ، چنگیزیؔ
​

 

[فہد اشرف]

غزل
دولتِ دِیدار نے آنکھوں کوروشن کردِیا
مرتبہ عین الیقیں کا آج حاصِل ہو گیا

لے اُڑی خلوت سرا سے تُم کو بُوئے پَیرَہَن
آخر اِک دِن سب حجابِ ناز باطِل ہو گیا

پار اُترے، ڈُوبنے والے محیطِ عِشق کے
حلقۂ گرداب اِک آغوشِ ساحل ہوگیا

صُورت آبادِ جہاں خوابِ پریشاں تھا کوئی
دیکھتے ہی دیکھتےسب، نقشِ باطل ہوگیا

حشر کے دِن یاسؔ ناحق زاہدوں میں جا پھنسا
ہم گنہگاروں کی صف میں کیوں نہ شامِل ہوگیا

مرزا یاسؔ، یگاؔنہ، چنگیزیؔ
​

واہ جناب کیا انتخاب ہے سبحان اللہ۔
ذرا آخری شعر کا آخری مصرع دیکھ لیجیے

 

[طارق شاہ]

ذرا آخری شعر کا آخری مصرع ۔۔۔۔
؟

 

[فہد اشرف]

ذرا آخری شعر کا آخری مصرع ۔۔۔۔
؟

ہم گنہگاروں کے صف میں کیوں نہ شامل ہو گیا
کیا یہ ایسے ہی ہے

 

[طارق شاہ]

کیوں؟
کیا غلط ہے

 

[فہد اشرف]

کیوں؟
کیا غلط ہے

پھر شاید صحیح ہی ہو۔ ”گیا“ کے ساتھ ”ہم“ کا صیغہ مجھے کچھ عجیب سا لگ رہا ہے

 

[حسان خان]

پھر شاید صحیح ہی ہو۔ ”گیا“ کے ساتھ ”ہم“ کا صیغہ مجھے کچھ عجیب سا لگ رہا ہے

مقطع کے مصرعِ ثانی میں شاعر یہ کہہ رہا ہے: [وہ] ہم گُنہ گاروں کی صف میں کیوں نہ شامل ہو گیا۔۔
'ہو گیا' کی مُطابقت اِس محذوف 'وہ' کے ساتھ ہے۔

 

[فہد اشرف]

مقطع کے مصرعِ ثانی میں شاعر یہ کہہ رہا ہے: [وہ] ہم گُنہ گاروں کی صف میں کیوں نہ شامل ہو گیا۔۔
'ہو گیا' کی مُطابقت اِس محذوف 'وہ' کے ساتھ ہے۔

بہت شکریہ۔ اب جا کے سمجھ میں آیا