مرشد ہے میاں پیر ہے سرکار ہے روٹی - فرحان محمد خان

[فرحان محمد خان]

مرشد ہے میاں پیر ہے سرکار ہے روٹی
خالق کا ہی شاید کوئی اوتار ہے روٹی

قرآن نہ گیتا کوئی مسجد نہ ہی مندر
بھوکے کو اگر کچھ ہے تو درکار ہے روٹی

بھوکے کا یہ ایمان، یہی عشق ہے یارو
محبوب ہے معشوق ہے دلدار ہے روٹی

یہ علم یہ حکمت یہ عبادت یہ محبت
لازم ہیں مگر ان کی بھی سردار ہے روٹی

ظالم ہے یہ اتنی کہ جو کھا جاتی ہے آدم
لوگو ! مری بستی میں تو تلوار ہے روٹی​

 

[فرحان محمد خان]

سر الف عین

 

[الف عین]

درست ہے غزل۔ نظیر اکبر آبادی یاد آ گئے۔
بس ایک شعر بلکہ ایک مصرع روانی چاہتا ہے
قرآن نہ گیتا کوئی مسجد نہ ہی مندر
یوں کہیں تو؟
گیتا ہے نہ قرآں، کوئی مسجد ہے نہ مندر
یا
مسجد ہے نہ مندر ہے، نہ قرآن نہ گیتا

 

[فرحان محمد خان]

درست ہے غزل۔ نظیر اکبر آبادی یاد آ گئے۔
بس ایک شعر بلکہ ایک مصرع روانی چاہتا ہے
قرآن نہ گیتا کوئی مسجد نہ ہی مندر
یوں کہیں تو؟
گیتا ہے نہ قرآں، کوئی مسجد ہے نہ مندر
یا
مسجد ہے نہ مندر ہے، نہ قرآن نہ گیتا

بہت شکریہ سر
مصرعہ تو آپ نے بہت خوب کر دیا
"گیتا ہے نہ قرآں، کوئی مسجد ہے نہ مندر"