مریکانہ سٹیڈیم: پیلے سے 2014 عالمی کپ تک

[محسن وقار علی]

برازیل کے شہر ریو ڈی جنیرو کے میریکانہ سٹیڈیم کا باقاعدہ افتتاح برازیل فٹ بال ٹیم کے سابق فارورڈز رونالڈو اور پپیتو کی ٹیموں کے درمیان میچ سے ہو گا۔ اس سٹیڈیم پر پچھلے دو سال سے کام کیا جا رہا تھا۔

بہ شکریہ بی بی سی اردو

 

[محسن وقار علی]

اس سٹیڈیم پر اگست 2010 سے کام کیا جا رہا تھا۔ برازیل میں سنہ 2014 میں فٹ بال عالمی کپ اور 2016 میں اولمپکس منعقد ہو گی۔

 

[محسن وقار علی]

اس سٹیڈیم کا افتتاح پہلے دسمبر 2012 میں ہونا تھا لیکن اس کو ملتوی کردیا گیا تھا۔ اس سٹیڈیم میں فٹ بال کپ کا فائنل کھیلا جائے گا۔

 

[محسن وقار علی]

اس سٹیڈیم کی دوبارہ بحالی کا کام متنازع رہا ہے۔ سینکڑوں افراد نے اس سٹیڈیم کو نجکاری کے لیے پیش کرنے کے خلاف مظاہرے کیے تھے۔ لوگوں نے اس کے اطراف میں عجائب گھر اور دیگر عمارتیں ہٹانے کی مخالفت کی تھی۔ حکام کا کہنا تھا کہ سٹیڈیم کو وسعت دینے کے لیے ان عمارتوں کو منہدم کرنا ضروری ہے۔

 

[محسن وقار علی]

مارچ میں پولیس نے مظاہرین کے خلاف ربڑ کی گولیاں اور آنسو گیس کا استعمال کیا تھا۔ میریکانہ قبیلے کا موقف تھا کہ وہ عالمی فٹ بال کپ کے لیے آنے والے سیاحوں کو قبیلے کے رہن سہن دکھانا چاہتے ہیں اس لیے عمارتیں منہدم نہ کی جائیں۔

 

[محسن وقار علی]

ریو ڈی جنیرو حکومت کا کہنا ہے ’یہ صحیح ہے کہ کام مکمل کرنے میں تاخیر ہوئی۔ ایک تو اس لیے کہ ستّر سال پرانے سٹیڈیم کو دوبارہ بحال کیا جا رہا تھا اور پھر ہمیں ہڑتالوں کا بھی سامنا کرنا پڑا۔ لیکن اب سٹیڈیم کا چوبیس مئی کو باقاعدہ طور پر فیفا کے حوالے کردیا جائے گا۔‘

 

[محسن وقار علی]

اس سٹیڈیم کو 1950 کے فٹ بال عالمی کپ کے لیے تعمیر کیا گیا تھا۔

 

[محسن وقار علی]

اس سٹیڈیم میں بہت اہم میچز ہوئے ہیں جیسے کہ 1950 فٹبال کپ کا فائنل جس میں یوروگوئے نے برازیل کو دو ایک سے شکست دی تھی۔

 

[محسن وقار علی]

اس سٹیڈیم میں مشہور فٹ بال کھلاڑی پیلے نے انیس نومبر 1969 میں اپنا ایک ہزارواں گول کیا تھا۔

 

[محسن وقار علی]

اس سٹیڈیم میں شائقین کی بڑی تعداد آ سکتی ہے۔ اسی لیے یہاں پر کھیلوں کے علاوہ بھی بڑے پروگرام منعقد ہو چکے ہیں۔ ٹینا ٹرنر اور پال میکارٹنی نے اسی سٹیڈیم میں عالمی ریکارڈ قائم کیے تھے۔ میکارٹنی نے اپریل 1990 میں ایک لاکھ پچھتر ہزار کے مجمعے کے سامنے کنسرٹ کیا تھا۔

 

[محسن وقار علی]

چوبیس اکتوبر 1999 میں ایک لاکھ چالیس ہزار کیتھولک عیسائی یہاں جمع ہوئے۔

 

[محسن وقار علی]

سنہ 1992 میں سٹیڈیم کا اوپر والا حصہ گر گیا جس کے باعث تین افراد ہلاک اور کئی زخمی ہوئے۔ اس حادثے کے بعد اس سٹیڈیم میں اب صرف 76935 لوگوں کے بیٹھنے کی گنجائش ہو گی۔ تاہم اس کے باوجود یہ برازیل کا سب سے بڑا فٹ بال سٹیڈیم ہے۔

 

[محسن وقار علی]

فیفا کا کہنا ہے ’یہ سٹیڈیم عالمی کپ کے دوران ایک بار پھر اہم ترین میچوں کا مسکن بنے گا۔ اسی سٹیڈیم میں تیرہ جولائی کو فائنل کھیلا جائے گا۔‘