فنا بلند شہری مری لو لگی ہے تجھ سے غمِ زندگی مٹا دے-فناؔ بلند شہری

[فرحان محمد خان]

مری لو لگی ہے تجھ سے غمِ زندگی مٹا دے
ترا نام ہے مسیحا مرے درد کی دوا دے

مری پیاس بڑھ رہی ہے مرا دل سلگ رہا ہے
جو نہیں ہے جام ساقی تو نگاہ سے پلا دے

مرا مدعا ہے اتنا تو اگر کرے گوارہ
میں فقیرِ آستاں ہوں مجھے بندگی سکھا دے

مجھے شوقِ بندگی میں یہی ایک آرزو ہے
ترا نقشِ پا جہاں ہو مرا سر وہیں جھکا دے

مجھے دیکھ کر بریشاں کیا کہے گا یہ زمانہ
میں بھٹک رہا ہوں در در مجھے آ کے آسرا دے

ترا جام جامِ کوثر ترا میکدہ ہے جنت
مرے حال پہ کرم کر مری تشنگی بجھا دے

جسے آپ چاہتے تھے وہ فناؔ ہے اب کفن میں
کوئی جا کے آج ان کو ذرا یہ خبر سنا دے​

فناؔ بلند شہری​

 

[محمد عدنان اکبری نقیبی]

ترا جام جامِ کوثر ترا میکدہ ہے جنت
مرے حال پہ کرم کر مری تشنگی بجھا دے

ماشاء اللہ ۔مولانا کیا بات ہے آپ کی بھی ۔اتنے زبردست کلام آپ شریک محفل کرتے ہیں کہ پڑھ کر دل کو تسکین پہنچتی ہے۔جزاک اللہ

 

[فرحان محمد خان]

ماشاء اللہ ۔مولانا کیا بات ہے آپ کی بھی ۔اتنے زبردست کلام آپ شریک محفل کرتے ہیں کہ پڑھ کر دل کو تسکین پہنچتی ہے۔جزاک اللہ

شکریہ جناب