مسافر ۔

[فاروق درویش]

مسافر

لٹے قافلوں کے مسافر گزیدہ

گھنے جنگلوں کے سفر میں دمیدہ

کسی زرد پتے کی صورت خزاں کی

ھواؤں کے گرداب و طوفاں میں بکھرے

دکھوں کی برستی ھوئی شبنموں میں

زمینوں پہ بے جاں پڑے ھیں کبیدہ

جزیرہ نما منزلوں کے یہ راھی

فغاں نا رسیدہ ، بیاں آبدیدہ

خمیدہ پریشاں ، شجر سے بریدہ

زمستاں کی سفاک قاتل فضا میں

کوئی سرد سینوں میں مشعل جلا دو

جو شب بھرجلے گرم رکھے جنوں بھی

نکالو کہیں سے وہ سورج تپیدہ

مری زندگی کے جو ظلمت کدوں کو

نئی روشنی کے شراروں سے بھر دے

ندیدہ زمانے کے ان مقتلوں پر

بدن سربریدہ ، دہن با دریدہ

گذرتے ھویے خوابدیدوں سے پوچھوں

کہ درویش کیسے لکھے ظلمتوں میں

زمانے کے شاھوں کا روشن قصیدہ

لٹے قافلوں کے مسافر ھیں سارے

فغاں نا رسیدہ ، بیاں آبدیدہ


فاروق درویش

 

[محمد وارث]

کیا خوبصورت نظم ہے فاروق صاحب، مصرعوں کی بنت نے خاص لطف دیا اور خیال تو کمال ہے ہی، لاجواب۔

 

[فاروق درویش]

خوش آباد محترم وارث صاحب ۔۔۔۔۔۔۔۔۔۔۔۔۔۔۔۔۔۔ اس حوصيہ افزایی کیلیے ممنون ھوں ۔۔۔۔۔۔۔۔۔۔۔۔۔۔۔۔۔۔ سدا اباد و خوش مراد