مشغلہ شعر و سخن کا یوں ہی جاری رکھیے ----------- سید انور جاوید ہاشمی

[مغزل]

غزل

مشغلہ شعر و سخن کا یوں ہی جاری رکھیے
لفظ رنگیں ہوں ، غزل روح سے عاری رکھیے

بر سر، عام کیا کیجیے من جو چاہے
آپ سے کس نے کہا لاج ہماری رکھیے

صبر کیا چیز ہے عجلت کی چمک کے آگے
شکوا کرتے میں زباں اور کراری رکھیے

داہنی سمت رکھیں مہرِ جہاں تاب اگر
بائیں گوشے میں وہیں بادِ بہاری رکھیے

رہے دورانِ ملاقات حدِ فاصل بھی
کیا ضروری ہے ہر اک شخص سے یاری رکھیے

سیدانورجاویدہاشمی​

 

[الف عین]

خوب۔ بھئی یہ انور صاحب کی کئی غزلیں یہاں‌جمع کر دی ہیں تم نے۔ کیا ہی اچھا ہو کہ ان پر ایک آدھ مضمون ملا کر ان کا گوشہ ’سمت‘ میں شامل کر دیا جائے!!

 

[مغزل]

ضرور بابا جانی یہ اچھا ہوگا۔ میں لکھتا ہوں مضمون ۔۔ وقت کتنا ہے ۔ ابھی ۔۔؟

 

[الف عین]

’سمت‘ کا اگلا شمارہ جولائی میں نکلنا ہے، کوشش ہوتی ہے کہ یکم جولائی کو رلیز کر دیا جائے۔

 

[ایم اے راجا]

مشغلہ شعر و سخن کا یوں ہی جاری رکھیے
لفظ رنگیں ہوں ، غزل روح سے عاری رکھیے

بر سر، عام کیا کیجیے من جو چاہے
آپ سے کس نے کہا لاج ہماری رکھیے

واہ واہ شکریہ مغل صاحب

 

[شاہ حسین]

بہت خوب جناب مغل صاحب شامل کرنے کا بہت شکریہ

 

[مغزل]

’سمت‘ کا اگلا شمارہ جولائی میں نکلنا ہے، کوشش ہوتی ہے کہ یکم جولائی کو رلیز کر دیا جائے۔

ضرور بابا جانی میں اسی ہفتے میں کوشش کرتا ہوں۔۔ سوچتا ہوں کہ ہاشمی صاحب کی کتاب طباعت سے پہلے یہاں بنا لی جائے ۔ میں ان سے کلام لے لیتا ہوں ، تصاویر میرے پاس بہت سی ہیں۔بہت شکریہ بابا جانی

 

[محمد وارث]

بہت خوبصورت غزل ہے، شکریہ مغل صاحب شیئر کرنے کیلیے!

 

[مغزل]

ایم اے راجہ ، شاہ جی اور وارث صاحب ، بہت بہت شکریہ ، جناب ، بڑی محبت