مصروں کی تکمیل میں مدد

[نون]

السلام علیکم
چند مصروں کی تکمیل میں دوستوں کی مدد درکار ہے، جن میں سے 2 ابھی درج ذیل ہیں:
1- شتاب آ کہ نہیں تاب اب جدائی کی
2- ہم بعض آئے محبت سے اٹها لو پاندان اپنا

نوازش

 

[یاز]

وعلیکم السلام جناب
آپ شاید "مصرعوں" کی تکمیل چاہ رہے ہیں؟

 

[عباد اللہ]

مصرعوں کی تکمیل یا ان پر تضمین؟؟

 

[عباد اللہ]

دوئی کا نقش مٹا بس بہت خدائی کی
شتاب آ کہ نہیں تاب اب جدائی کی
سنجیدہ نہ لیجئے

 

[عباد اللہ]

ہم بعض آئے محبت سے اٹها لو پاندان اپنا؟​

بعض؟؟

 

[ابن رضا]

وعلیکم السلام جناب
آپ شاید "مصرعوں" کی تکمیل چاہ رہے ہیں؟

ارے بابا مصرعے تو پہلے ہی مکمل ہیں وہ شعروں کی تکمیل چاہتے ہیں

 

[یاز]

ہم بعض آئے محبت سے اٹها لو پاندان اپنا؟​

بعض؟؟

اس طرح کی اغلاط عموماً بھارت سے تعلق رکھنے والے اردو سپیکنگ افراد کی لکھائی میں دیکھی ہیں۔ نون صاحب بھی شاید بھارت سے ہی ہوں۔
اس کی وجہ شاید یہ ہو کہ بھارت میں زیادہ تر جگہوں پہ اردو سمجھی یا بولی تو جاتی ہے، تاہم اس رسم الخط میں ہر جگہ نہیں لکھی جاتی۔ لہٰذا اس طرح کے ہم آواز الفاظ لکھے جانا بعید از قیاس نہیں ہوتا۔ جیسے
تویل، موکا، ذالم وغیرہ

 

[عباد اللہ]

جی بھیا ٹھیک ہے
ایک صفت اور بھی اس مصرعے کو ممتاز کرتی ھے کہ اس پر تضمین ممکن نہیں

 

[سید عاطف علی]

اس طرح کی اغلاط عموماً بھارت سے تعلق رکھنے والے اردو سپیکنگ افراد کی لکھائی میں دیکھی ہیں۔ نون صاحب بھی شاید بھارت سے ہی ہوں۔
اس کی وجہ شاید یہ ہو کہ بھارت میں زیادہ تر جگہوں پہ اردو سمجھی یا بولی تو جاتی ہے، تاہم اس رسم الخط میں ہر جگہ نہیں لکھی جاتی۔ لہٰذا اس طرح کے ہم آواز الفاظ لکھے جانا بعید از قیاس نہیں ہوتا۔ جیسے
تویل، موکا، ذالم وغیرہ

ایسی صورت میں بعض کو باز لکھ دیا جانا تو سمجھ آتا ہے لیکن باز کو بعض لکھے جانے کی وجہ کا امکان شاید یہ امر نہ ہو۔واللہ اعلم

 

[محمد ریحان قریشی]

وجہ کوئی نہیں مدت ہوئی لڑائی کی
شتاب آ کہ نہیں تاب اب جدائی کی

 

[محمد تابش صدیقی]

دوئی کا نقش مٹا بس بہت خدائی کی
شتاب آ کہ نہیں تاب اب جدائی کی
سنجیدہ نہ لیجئے

وجہ نہیں ہے اک عرصے سے کچه لڑائی کی
شتاب آ کہ نہیں تاب اب جدائی کی

انہوں نے گرہ لگانے کو نہیں کہا۔ پہلے سے موجود شعر کو مکمل ڈھونڈنا چاہ رہے ہیں غالباً۔

 

[عباد اللہ]

انہوں نے گرہ لگانے کو نہیں کہا۔ پہلے سے موجود شعر کو مکمل ڈھونڈنا چاہ رہے ہیں غالباً۔

پھر تو آپ ہی مدد فرمائیے بھیا ہم اس سلسلے میں معذور ہیں

 

[محمد تابش صدیقی]

پھر تو آپ ہی مدد فرمائیے بھیا ہم اس سلسلے میں معذور ہیں

ملے ہوتے تو پوسٹ کر چکا ہوتا۔

 

[محمد ریحان قریشی]

دوئی کا نقش مٹا بس بہت خدائی کی
شتاب آ کہ نہیں تاب اب جدائی کی
سنجیدہ نہ لیجئے

اس کی داد تو دینی پڑے گی.
کیا بات ہے واہ.

 

[عباد اللہ]

اس کی داد تو دینی پڑے گی.
کیا بات ہے واہ.

شکریہ ریحان

 

[فرقان احمد]

السلام علیکم
چند مصروں کی تکمیل میں دوستوں کی مدد درکار ہے، جن میں سے 2 ابھی درج ذیل ہیں:
1- شتاب آ کہ نہیں تاب اب جدائی کی
2- ہم بعض آئے محبت سے اٹها لو پاندان اپنا

نوازش

کہیں ایسے پڑھا سنا تھا ۔۔۔

اگر یہی شرط رہی وصل لیلٰی تو ہم باز آئے محبت سے اٹھا لو پان دان اپنا

 

[الف عین]

اس طرح کی اغلاط عموماً بھارت سے تعلق رکھنے والے اردو سپیکنگ افراد کی لکھائی میں دیکھی ہیں۔ نون صاحب بھی شاید بھارت سے ہی ہوں۔
اس کی وجہ شاید یہ ہو کہ بھارت میں زیادہ تر جگہوں پہ اردو سمجھی یا بولی تو جاتی ہے، تاہم اس رسم الخط میں ہر جگہ نہیں لکھی جاتی۔ لہٰذا اس طرح کے ہم آواز الفاظ لکھے جانا بعید از قیاس نہیں ہوتا۔ جیسے
تویل، موکا، ذالم وغیرہ

دیوناگری میں جو لکھتے ہیں، وہ بھی اسے اردو زبان نہیں کہتے۔ محض دیو ناگری رسم الخط کہتے ہیں۔ اردو صرف اور صرف فارسی رسم الخط میں لکھی جاتی ہے، ہندوستان میں بھی اور ساری دنیا میں بھی۔
اگر اردو کسی کو لکھنا آتی ہے تو درست ہی آتی ہے۔ ہاں، کسی کی املا کی غلطی ہو تو اسے املا کی غلطی مانا جاتا ہے۔