مضمون لکھنا اور نوٹس بنانا: میری پسندیدہ کتاب

[محمد خرم یاسین]

میری پسندیدہ کتاب
دنیا میں ہر سال لاکھوں کتابیں تخلیق ہوتی ہیں جب کہ ہزاروںکتابیں تدوین کی جاتی ہیں۔ کتابیں انسان کی دوست ہوتی ہیں۔ یہ انسان کو علم کی دولت بخشتی ہیں ۔ کتابیں انسان کی راہیں بھی متعین کرتی ہیں۔ میں نے زندگی میں بہت سی کتابیں پڑھی لیکن میری پسندیدہ کتاب قر آنِ مجید ہے۔ قر آنِ مجید اللہ تعالیٰ کا کلام ہے۔ یہ کتاب پہلے وحی کی صورت میں نبی آخر الزمان ﷺ پر نازل ہوئی۔ یہ وحی بعد میں اکٹھی کی گئیں اور اس سے قر آنِ مجید کتاب کی صورت میں وجود میں آیا۔قرآن مجید (عربی میں القرآن ) عالم انسانیت کی عظیم ترین کتاب ہے ۔قرآنِ مجید میں زندگی کے ہر پہلو کو زیرِ غور لایا گیا ہے۔ اس میںعہد گزشتہ کے قصوں سے آنے والے دور تک کی خبریں دی گئی ہیں۔
عربی زبان میں تقریباً 23 برس کے عرصے میں آخری نبی حضرت محمد صلی اللہ علیہ و آلہ و سلم پر نازل ہوئی۔ قرآن کے نازل ہونے کے عمل کو وحی نازل ہونا بھی کہا جاتا ہے اور یہ کتاب اللہ کے فرشتے حضرت جبرائیل علیہ السلام کے ذریعے حضرت محمد صلی اللہ علیہ و آلہ و سلم پر نازل ہوئی۔ قرآن میں آج تک کوئی کمی بیشی نہیں ہو سکی اور اسے دنیا کی واحد محفوظ کتاب ہونے کی حیثیت حاصل ہے جس کا مواد تبدیل نہیں ہو سکا اور تمام دنیا میں کروڑوں کی تعداد میں چھپنے کے باوجود اس کا متن ایک جیسا ہے۔حضرت محمد صلی اللہ علیہ و آلہ و سلم کی بتائی ہوئی ترتیب کے مطابق حضرت ابو بکر رضی اللہ عنہ کے دورِ خلافت میں اسے یکجا کیا گیا۔ اس کام کی قیادت حضرت زید بن ثابت انصاری رضی اللہ عنہ نے کی۔ قرآن کا سب سے پہلا ترجمہ حضرت سلمان فارسی ؓ نے کیا۔ یہ سورة الفاتحہ کا عربی سے فارسی میں ترجمہ تھا۔ قرآن کو دنیا کی ایسی واحد کتاب کی بھی حیثیت حاصل ہے جو لاکھوں کی تعداد میں لوگوں کو زبانی یاد ہے۔
قرآن سابقہ الہامی کتابوں مثلاً انجیل، تورات اور زبور وغیرہ کی تصدیق کرتی ہے۔ یہ الگ بات ہے کہ ان الہامی کتابوں میں بےشمار تبدیلیاں ہو چکی ہیں۔
قر آنِ مجید پڑھنے سے ہمیں اللہ تعالیٰ کے احکامات کا پتہ چلتا ہے ۔ ہمیں پتہ چلتا ہے کہ ہمارے فرائض کیاہیں۔ ہمیں اپنے حقوق کے بارے میں بھی علم ہوتا ہے۔ اس کے ساتھ ساتھ ہم جان پاتے ہ
¤ں کہ باقی لوگوں کے ہم پر کیا حقوق ہیں۔ ہمیں معاشیات سے سیاسیات تک کی رہنمائی قرآنِ مجید سے ملتی ہے۔ ےقےنا زندگی کے ہر پہلو کا احاطہ کرتا ہے ۔ یہ خالق کائنات کی طرف سے بنی نوع انسان کے لیے ایک عظیم تحفہ ، اور پیغام ہدایت ہے۔ اللہ تعالیٰ نے جہالت، توہمات اور شرک کے اندھیروں میں ڈوبی انسانیت کو اس کتاب عظیم کی روشنی سے منورکیا۔

آپ ایک اخبار کے لےے میری کتاب پر مضمون لکھ رہی/رہے ہیں۔
آپ مضمون کا خاکہ نوٹس (نکات)کی شکل میں تیار کریں۔
اپنے نوٹس مندرجہ ذیل سر خیوں کے نیچے لکھیں۔


-1قر آنِ مجید کی خوبیاں بیان کیجےے؟
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
-2قر آنِ مجید پڑھنے سے ہمیں کن احکاماتِ الٰہی کا پتہ چلتا ہے ؟
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تدریسی مقاصد کے لیے لکھی گئی کتاب کے کچھ صفحات۔

 

[محمد تابش صدیقی]

"میری پسندیدہ کتاب" کے حوالے سے میرا ایک نقطۂ نظر ہے، واضح رہے کہ یہ میرا نقطۂ نظر ہے، کسی دوسرے پر تنقید نہیں ہے اور نہ ہی کسی کو منع کرتا ہوں۔
وہ یہ کہ
میں ہمیشہ اس سوال کو قرآنِ پاک کے علاوہ لیتا ہوں، کیونکہ قرآنِ پاک کتاب نہیں الکتاب ہے، اللہ کا کلام ہے، جس کا موازنہ انسانوں کی لکھی کتابوں سے بنتا ہی نہیں ہے۔ اور بحیثیتِ مسلمان قرآن کو محبوب رکھنا میں اپنے ایمان کا حصہ سمجھتا ہوں۔
لہٰذا اس سوال کے جواب میں دیگر کتب میں سے پسندیدہ کا ذکر ہونا چاہئے۔

اچھا مضمون ہے۔ کچھ املا کے مسائل ہیں دیکھ لیں۔ جزاک اللہ

 

[محمد خرم یاسین]

"میری پسندیدہ کتاب" کے حوالے سے میرا ایک نقطۂ نظر ہے، واضح رہے کہ یہ میرا نقطۂ نظر ہے، کسی دوسرے پر تنقید نہیں ہے اور نہ ہی کسی کو منع کرتا ہوں۔
وہ یہ کہ
میں ہمیشہ اس سوال کو قرآنِ پاک کے علاوہ لیتا ہوں، کیونکہ قرآنِ پاک کتاب نہیں الکتاب ہے، اللہ کا کلام ہے، جس کا موازنہ انسانوں کی لکھی کتابوں سے بنتا ہی نہیں ہے۔ اور بحیثیتِ مسلمان قرآن کو محبوب رکھنا میں اپنے ایمان کا حصہ سمجھتا ہوں۔
لہٰذا اس سوال کے جواب میں دیگر کتب میں سے پسندیدہ کا ذکر ہونا چاہئے۔

اچھا مضمون ہے۔ کچھ املا کے مسائل ہیں دیکھ لیں۔ جزاک اللہ

جی سر ضرور انشا اللہ۔ کنورٹ کرتے ہوئے شاید کوئی مسئلہ درپیش ہے۔