مضمون پڑھ کر نوٹس بنانا: پاکستان میں ٹریفک کے بڑھتے ہوئے حادثات

[محمد خرم یاسین]

تدریسی مقاصد کے لیے:
پاکستان میں ٹریفک کے بڑھتے ہوئے حادثات کے بارے میں مندرجہ ذیل تفصیلات پڑھ کر دوسرے صفحے پر دئےے گئے سوالات کے جواباب لکھیں۔

پاکستان میں ٹریفک کے بڑھتے ہوئے حادثات​

پاکستان بھر میں دن بدن ٹریفک حادثات کی بڑھتی ہوئی شرح لمحہ فکریہ ہے، جس میں لاتعداد قیمتی جانیں تسلسل کے ساتھ لقمہ اجل بن رہی ہیں۔پاکستان میںہر روز کئی لوگ ٹریفک حادثات کا شکار ہوکر اپنی قیمتی جانیں گنواتے ہیں ۔ بہت سے لوگ عارضی یا مستقل معذوری کا شکار بھی ہو جاجا تے ہیں۔پاکستان میں ڈرائیوروں کی بڑی تعداد بنا لائسنس گاڑیاں چلا رہی ہے۔ یہ لوگ چونکہ تربیت یافتہ نہیںہیں اس لےے بہت سے حادثات کی وجہ بنتے ہیں۔ تیز رفتاری ایک ایسی بلا ہے جس سے شاید دنیا کا کوئی بھی ملک بچا ہوا نہیں ہے۔ نوجوانوں میں تیز رفتار گاڑی چلانے کا جنون بے شمار حادثات کا با عث بن رہا ہے۔ آج کل سڑکوں کے ڈیزائن پر خصوصی توجہ دی جا رہی ہے۔ سڑکوں کے ڈیزائن کے حوالے سے یہ بات ہمیشہ یاد رکھی جانی چاہےے کہ یہ بھی حادثات کی وجہ بنتی ہے۔ بعض اوقات حادثے کی جگہ سڑک پر پیچیدہ خم بھی گاڑی کی رفتار میں اضا فے اور حادثے کا سبب بنتا ہے ۔ ناقص انجن کا استعمال جان لیوا ثابت ہوتا ہے۔ اگر خدانخواستہ دورانِ ڈرائیونگ انجن لیک ہوجائے تو ساری گاڑی میں آگ بھڑک اٹھ سکتی ہے۔
پبلک ٹرانسپورٹ میں چلنے والی گاڑیاں فٹنس کے مسائل کا شکار ہوتی ہے جو حادثات کا سبب بنتی ہیں۔ متعلقہ محکمہ ناکارہ گاڑیوں کو رشوت کے عوض فٹنس سرٹیفکیٹ جاری کردیتا ہے۔ گاڑیوں میں نصب غیر معیاری سلنڈر پھٹنے کے باعث حادثات کی شرح میں بھی اضافہ ہوا ہے۔ ڈرائیور حضرات کا اوور اسپیڈنگ اور اوور ٹیکنگ کا شوق بھی جان لیوا حادثات کا سبب بنتا ہے۔ٹریفک حادثات سے بچنے کے لےے ضروری ہے کہ بہتر اور موثر اقدامات کےے جائیں۔ یہ اقدامات ٹریفک کے قوانین پر سختی سے عمل در آمد کرا کے بھی کےے جا سکتے ہیں اورسڑکوں کے ڈیزائن کو بہتر بنانے کی صورت میں بھی۔ حادثات سے بچنے کے لےے مناسب تربیت حاصل کرنا چاہےے۔ تربیت سے اندازہ ہوتا ہے کہ کس قسم کی ایمر جنسی میں کیا اقدام کیاجائے ۔ اکثر لوگ اپنے گھر وں کے آگے سپیڈ بریکرز بنا لیتے ہیں۔ یہ سپیڈ بریکر غیر معیاری ہوتے ہیں اس لےے حادثات کا سبب بنتے ہیں۔ شہر میں جہاں جہاں ضروری ہو ٹریفک سگنلز لگا کر ٹریفک حاد ثات سے بچا جا سکتا ہے۔
پاکستان میں ٹریفک حادثات کی شرح میں بے پناہ اضافہ ہورہا ہے جب کہ خطے کے دیگر ممالک اور ترقی یافتہ ممالک نے حادثات کے واقعات پر بڑی حد تک قابو پایا ہے۔ پاکستان میں روڈ اینڈ سیفٹی کا قانون موجود ہے لیکن اس پر عمل درآمد شاذ ہی ہوتا نظر آتا ہے۔ بڑھتے ہوئے ٹریفک حادثات کو مدنظر رکھتے ہوئے قوانین پر سختی سے عملدرآمد کرانے کی ضرورت ہے، نیز ٹریفک قوانین کی خلاف ورزی کے مرتکب افراد کو قرار واقعی سزا دینے کی روش جب تک عام نہیں ہوگی، اس وقت تک ٹریفک حادثات کی شرح میں کمی واقع نہیں ہوسکتی۔

آپ ایک اخبار کے لےے پاکستان میںٹریفک کے بڑھتے ہوئے حادثات پر مضمون لکھ رہی/رہے ہیں۔
آپ مضمون کا خاکہ نوٹس (نکات)کی شکل میں تیار کریں۔
اپنے نوٹس مندرجہ ذیل سر خیوں کے نیچے لکھیں۔

-1حادثات کی بڑی وجوہات کیا ہیں؟ ٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
-2حادثا ت میں کس طرح کمی لائی جا سکتی ہے؟
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
٭۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[لاریب مرزا]

ہائیں!! ہمیں بھی یہاں نوٹس لکھنے ہیں؟؟ محمد خرم یاسین بھائی

 

[محمد خرم یاسین]

ہائیں!! ہمیں بھی یہاں نوٹس لکھنے ہیں؟؟ محمد خرم یاسین بھائی

تدریسی مقاصد کے لیے۔۔۔ شروع میں ہی وضاحت کر دی ہے ​

 

[راحیل فاروق]

سڑکوں کے ڈیزائن کے حوالے سے یہ بات ہمیشہ یاد رکھی جانی چاہےے کہ یہ بھی حادثات کی وجہ بنتی ہے۔

اگر خدانخواستہ دورانِ ڈرائیونگ انجن لیک ہوجائے تو ساری گاڑی میں آگ بھڑک اٹھ سکتی ہے۔

پبلک ٹرانسپورٹ میں چلنے والی گاڑیاں فٹنس کے مسائل کا شکار ہوتی ہے

آپ مضمون کا خاکہ نوٹس (نکات)کی شکل میں تیار کریں۔

گر ہمیں مکتب و ہمیں ملا
کارِ طفلاں تمام خواہد شد​

 

[محمد خرم یاسین]

گر ہمیں مکتب و ہمیں ملا
کارِ طفلاں تمام خواہد شد​

اس میں یقینا بہت سی اغلاط موجود ہیں، اس کی دو وجوہات ہیں، اول یہ کہ جو کتاب پرنٹ ہوئی تھی یہ وہ نہیں اس سے پہلے کی سافٹ کاپی تھی جو بمشکل کمپوزر سے حاصل کی گئی اور میرے اکاونٹ سے میرے ایک دوست نے یہاں اپ لوڈ کردی۔ میں کئی دن سے نیٹ سے دور ہوں کیوں کہ میرے پاوں کی ہڈیاں تین جگہ سے فریکچر ہوئی ہیں اور نئے گھر میں منتقل ہوگیا ہوں جہاں انٹر نیٹ کی سہولت موجود نہیں، آج دوست ونگل تھری جی دے گیا ہے تو آن لائن ہوا ہوں۔ دوسرا یہ کہ حادثا ت کی وجہ بنتے ہیں، بھڑک اٹھ سکتی ہے وغیرہ کی غلطیاں جو حقیقتا نا قابلِ قبول ہیں ان کی وجہ کتاب کی اشاعت کے سلسلے میں جو وقت دیا گیا تھا وہ بہت کم تھا اور میں بولتا گیا، کمپوزر ٹائپ کرتا گیا، اب چونکہ اس کاپی کو بعد میں درست کر لیا گیا تھا اس لیے کتاب میں یہ اغلاط موجود نہیں۔ میری جلد صحت یابی کے لیے دعا کیجیے گا۔

 

[لاریب مرزا]

میرے پاوں کی ہڈیاں تین جگہ سے فریکچر ہوئی ہیں۔ میری جلد صحت یابی کے لیے دعا کیجیے گا۔

بہت افسوس ہوا یہ سن کر کہ آپ کا پاؤں تین جگہ سے فریکچر ہو گیا ہے۔ حادثے کی وجہ کیا بنی؟؟ اللہ تعالیٰ آپ کو جلد از جلد مکمل صحت اور تندرستی سے نوازیں.. آمین

 

[زیک]

میرے اکاونٹ سے میرے ایک دوست نے یہاں اپ لوڈ کردی۔

محفلین کے کیسے اچھے دوست ہیں جو اکاؤنٹ شیئر کرتے ہیں اور آپ کے نام سے پوسٹ بھی کر جاتے ہیں

 

[جاسمن]

1:
قوانین کا لاگو نہ ہونا
تیز رفتاری
بغیر لائیسینس اور تربیت ڈرائیونگ

2:
قوانین کا نفاذ

 

[محمد خرم یاسین]

بہت افسوس ہوا یہ سن کر کہ آپ کا پاؤں تین جگہ سے فریکچر ہو گیا ہے۔ حادثے کی وجہ کیا بنی؟؟ اللہ تعالیٰ آپ کو جلد از جلد مکمل صحت اور تندرستی سے نوازیں.. آمین

آمین، جزاک اللہ۔ ہمشیرہ کی شادی تھی، جہیر کا سامان اٹھوارہے تھے۔ بڑا صوفہ سیڑھیوں سے اتارتے ہوئے پا وں پھسل گیا اور میں سامان سمیت گرا۔ شکر خدا کہ کسی پہلوان کا سامنا نہیں ہوا، عزیزوں کے اصرار کے باوجود میں ہسپتال گیا اور ایکسرے کے نتائج نے پاوں کی تین ہڈیوں کا فریکچر بتایا۔ میں گزشتہ تقریبا اٹھارہ دن سے بستر پر ہی پڑا ہوں، چار سے چھ ہفتے تک پلستر اتارنے کا کہا ہے۔

 

[محمد خرم یاسین]

محفلین کے کیسے اچھے دوست ہیں جو اکاؤنٹ شیئر کرتے ہیں اور آپ کے نام سے پوسٹ بھی کر جاتے ہیں

جی میں اس حوالے سے محتاط ہوگیا ہوں۔ چونکہ میرے اکاونٹ میں کبھی بھی کچھ ایسا نہیں رہا جسے چھپایا جائے اس لیے یہ دو دوستوں کے ساتھ شئیر ہے ۔ لیکن آئندہ کے لیے محتاط ہوں۔ بے فکر رہیے۔