فلک شیر
محفلین
***مطلوب مقامات***
ہر شہر میں کچھ ایسی جگہیں ضروری ہیں
جہاں دروازہ کھٹکھٹائے بغیر داخل ہوا جا سکے
جہاں سوال کا جواب نہ بھی ملے تو مسکراہٹ کا چاندی ورق صاحب خانہ کے چہرے پہ چمچماتا ہی رہے
جہاں گناہ گار بلا کسی جھینپ کے اپنے گناہوں کی تھکن اور بوجھ اتار سکیں
جہاں زہاد قدیم بشریت کا جامِ شیریں پی سکیں
جہاں صرف محبت کے سکے میں لین دین ہو
جہاں نفرت کو جوتیوں کے ساتھ دروازے سےباہر ہی چھوڑ آنے کا حکم ہو
جہاں صرف ذی روح ہی پھٹک سکے
جہاں شیشے کے ننے صندوق، جن میں شعلہ برساتے پالتو اژدھے اور بستر کے کھیل دکھاتی بیسوائیں آٹھوں پہر نظر بندی کا سحر طاری رکھتی ہیں، جا نہ پا سکیں
اور
جہاں تیز رو سوئیوں میں مقید وقت کو آزادی دلانے پہ کچھ بھلے آدمی مامور ہوں
ہر شہر میں ایسی دو چار جگہیں تو ہونی چاہییں
***********
فلک شیر چیمہ
بارہ اپریل 2022ء
ہر شہر میں کچھ ایسی جگہیں ضروری ہیں
جہاں دروازہ کھٹکھٹائے بغیر داخل ہوا جا سکے
جہاں سوال کا جواب نہ بھی ملے تو مسکراہٹ کا چاندی ورق صاحب خانہ کے چہرے پہ چمچماتا ہی رہے
جہاں گناہ گار بلا کسی جھینپ کے اپنے گناہوں کی تھکن اور بوجھ اتار سکیں
جہاں زہاد قدیم بشریت کا جامِ شیریں پی سکیں
جہاں صرف محبت کے سکے میں لین دین ہو
جہاں نفرت کو جوتیوں کے ساتھ دروازے سےباہر ہی چھوڑ آنے کا حکم ہو
جہاں صرف ذی روح ہی پھٹک سکے
جہاں شیشے کے ننے صندوق، جن میں شعلہ برساتے پالتو اژدھے اور بستر کے کھیل دکھاتی بیسوائیں آٹھوں پہر نظر بندی کا سحر طاری رکھتی ہیں، جا نہ پا سکیں
اور
جہاں تیز رو سوئیوں میں مقید وقت کو آزادی دلانے پہ کچھ بھلے آدمی مامور ہوں
ہر شہر میں ایسی دو چار جگہیں تو ہونی چاہییں
***********
فلک شیر چیمہ
بارہ اپریل 2022ء