معاش چھوڑے تو جائیں پلٹ کے گھر اپنے

[سید علی رضوی]

معاش چھوڑے تو جائیں پلٹ کے گھر اپنے
تمہارا ہجر منائیں گے ڈٹ کے گھر اپنے

وصال یار بھی رکھتے ہیں آنکھ میں اپنی
حساب ہجر بھی جاتے ہیں رَٹ کے گھر اپنے

دمِ فراق سہولت ہے یاد شعلہ کی
ہے سرد رات سو رہیے سِمَٹ کے گھر اپنے

تو میرے جسم نہیں روح تک رسائی چاہ
پہنچنا ہے تجھے اب سب سے کَٹ کے گھر اپنے

وہ میرے پاس مکمل نہیں پہنچ پایا
سو ہم بھی جاتے ہیں ہر روز بَٹ کے گھر اپنے

جدائی ٹھیک سے تقسیم کر رہی ہے بدن
پہنچنے لگ گئے ہیں روز گَھٹ کے گھر اپنے

خوشی سےخودکشی کی سمت جانے والے لوگ
سکون پاگئے ہیں کیا اُلَٹ کے گھر اپنے

 

[سید عاطف علی]

ابھی تو بیٹھے ہیں دفتر میں کام پر اپنے ۔
سو داد دیں گےجو جائیں گے ہٹ کے گھر اپنے

 

[سید عمران]

معاش چھوڑے تو جائیں پلٹ کے گھر اپنے
تمہارا ہجر منائیں گے ڈٹ کے گھر اپنے

کس کا ہجر منانا ہے؟؟؟

 

[سید عاطف علی]

کس کا ہجر منانا ہے؟؟؟

اتنے پیار سے کہہ تو رہے ہیں "تمہارا"

 

[سید عمران]

اتنے پیار سے کہہ تو رہے ہیں "تمہارا"

وہی تو پوچھنا ہے کہ یہ ’’تمہارا‘‘ کون ہے؟؟؟
کیا معاش کو کہا ہے؟؟؟

 

[محمد تابش صدیقی]

وہی تو پوچھنا ہے کہ یہ ’’تمہارا‘‘ کون ہے؟؟؟
کیا معاش کو کہا ہے؟؟؟

نہیں۔ بدمعاش کو۔

 

[سید عمران]

نہیں۔ بدمعاش کو۔

وہ تو آج کل محفل پر نہیں آرہا!!!

 

[سید عاطف علی]

وہ تو آج کل محفل پر نہیں آرہا!!!

نام خدا ۔ لاحول ولا قوۃ

 

[سید عمران]

نام خدا ۔ لاحول ولا قوۃ

اب تو اور بھی نہیں آئیں گے!!!

 

[سید علی رضوی]

اتنے پیار سے کہہ تو رہے ہیں "تمہارا"

وہی تو پوچھنا ہے کہ یہ ’’تمہارا‘‘ کون ہے؟؟؟
کیا معاش کو کہا ہے؟؟؟

پاربتی سے

 

[سید عمران]

پاربتی سے

ہجر منائیں گے یا وصل؟؟؟

 

[سید علی رضوی]

ہجر منائیں گے یا وصل؟؟؟

پاربتی کسی اور کی ہوگئی ہے رام بابو

 

[سید عاطف علی]

پاربتی

یہ کیا بلا ہے بھئی ۔ پہلی بار سنی ہے ۔

 

[سید عمران]

یہ کیا بلا ہے بھئی ۔ پہلی بار سنی ہے ۔

ہم نے بھی!!!

 

[محمد خلیل الرحمٰن]

کیا پاروتی کی بات ہورہی ہے؟ ہم بھی تو سنیں وہ "ہمارے" ہوتے کسی کی کیسے ہوسکتی ہے؟

 

[سید عاطف علی]

ہم نے بھی!!!

اچھا تو یہ رام بابو کون ہیں ۔ شاید ان سے کوئی سراغ مل سکے۔

 

[سید عمران]

اچھا تو یہ رام بابو کون ہیں ۔ شاید ان سے کوئی سراغ مل سکے۔

اس کا سراغ تو سید علی رضوی صاحب سے بآسانی مل سکتا ہے!!!

 

[سید عمران]

کیا پاروتی کی بات ہورہی ہے؟ ہم بھی تو سنیں وہ "ہمارے" ہوتے کسی کی کیسے ہوسکتی ہے؟

اس نے تقریباً ستائیس سال آپ کا انتظار کیا۔۔۔
مگر جب آپ کسی اور کے ہوگئے تو مجبوراً اس کو بھی شمشاد بھائی کے شادی دفتر رابطہ کرنا پڑا۔۔۔
پھر وہ جس کی ہوئی اس کی ساری ذمہ داری شمشاد بھائی کے سر ہوئی!!!

 

[سید علی رضوی]

کیا پاروتی کی بات ہورہی ہے؟ ہم بھی تو سنیں وہ "ہمارے" ہوتے کسی کی کیسے ہوسکتی ہے؟

کیوں آپ ٹھاکر لگے ہیں رام گڑھ کے

 

[محمد احسن سمیع راحلؔ]

یہ کیا بلا ہے بھئی ۔ پہلی بار سنی ہے ۔

اگربتی کی دور کی رشتہ دار معلوم ہوتی ہے، جو کسی دور میں دہلیز پار کر گئی