ملالہ، ملالہ اور ملالہ
- صاحب لڑی یوسف-2
- تاریخ ابتداء
محمداحمد
لائبریرین
جمعہ کو کیا ہونے والا ہے؟
سید ذیشان
محفلین
نوبل پرائز کا اعلان ہونا ہے۔
x boy
محفلین
یہ ملالہ مستقبل کی بے نظیر ہے سننے میں یہ آیا ہے۔
ملالہ کو گولی لگنے والی خبر لگنے سے پہلے ہی چل پڑی کیا یہ بات حقیقت کے آئینے میں ہے۔
اور امریکہ ۔ ایوان کی بیویوں نے بھی اس پر کالم لکھے۔
شیطان بھی پریشان ہوگیا ہوگا کہ میں نے صرف اشارہ کیا تھا اور سب سیکولر ناچنے لگے۔
ابلس کہتا ہوگا کہ اللہ پر تو میں بھی یقین کرتا ہوں اور اسکا کوئی شریک نہیں۔ مجھے تو خبر ہی نہیں تھی بنی آدم ایسا بھی ہوسکتا ہے۔
ملالہ کو گولی لگنے والی خبر لگنے سے پہلے ہی چل پڑی کیا یہ بات حقیقت کے آئینے میں ہے۔
اور امریکہ ۔ ایوان کی بیویوں نے بھی اس پر کالم لکھے۔
شیطان بھی پریشان ہوگیا ہوگا کہ میں نے صرف اشارہ کیا تھا اور سب سیکولر ناچنے لگے۔
ابلس کہتا ہوگا کہ اللہ پر تو میں بھی یقین کرتا ہوں اور اسکا کوئی شریک نہیں۔ مجھے تو خبر ہی نہیں تھی بنی آدم ایسا بھی ہوسکتا ہے۔
محمداحمد
لائبریرین
کسی شخصیت کے قائد اعظم اور علامہ اقبال سے موازنے ہونے لگیں تو وزیرِ اعظم بننے کے امکانات کافی روشن ہو جاتے ہیں۔
محمداحمد
لائبریرین
یہ نوبل صاحب وہی ہیں نا جنہوں نے ڈائنامائٹ سے دنیا کو روشناس کرایا تھا۔
سید ذیشان
محفلین
کسی شخصیت کے قائد اعظم اور علامہ اقبال سے موازنے ہونے لگیں تو وزیرِ اعظم بننے کے امکانات کافی روشن ہو جاتے ہیں۔
ابھی تک تو وڈیرے، جاگیردار اور صنعت کار ہی وزیر اعظم بنے ہیں۔ ایک عام گھرانے کی خاتون بھی بن جائے تو کیا برا ہے؟
محمداحمد
لائبریرین
ابھی تک تو وڈیرے، جاگیردار اور صنعت کار ہی وزیر اعظم بنے ہیں۔ ایک عام گھرانے کی خاتون بھی بن جائے تو کیا برا ہے؟
ہمارے لئے تو ایک ہی بات ہے۔ یہ بھی امریکہ کے پروردہ اور وہ بھی۔
سید ذیشان
محفلین
جی وہی ہیں۔ بعد میں کفارہ ادا کرنے لئے نوبل پرائز کا اجراء کیا جو سائنس، لٹریچر، اکنومکس اور پیس کے لئے بڑا کام کرنے والوں کو ہر سال دیا جاتا ہے۔
سید ذیشان
محفلین
خیر ایسی بات بھی نہیں ہے۔ بھٹو جاگیردار تھا، امریکہ سے تعلیم حاصل کی لیکن امریکہ کا پروردہ نہیں تھا، بلکہ امریکہ کے ہاتھوں مارا گیا۔
تو یہ سب باتیں قبل از وقت ہیں۔ فی الحال تو ملالہ لڑکیوں کی تعلیم کے لئے کام کر رہی ہے اور اس کام میں ہمیں اس کا بھرپور ساتھ دینا چاہیے۔
محمداحمد
لائبریرین
اب آپ نے خود ہی بتا دیا کہ امریکہ کن لوگوں کو "پروموٹ" کرتا ہے اور کن کو موت کے گھاٹ اُتار دیتا ہے۔ اور یہ کہ امریکہ ہمارے معاملات میں اثر انداز ہونا اپنا حق سمجھتا ہے۔
ملالہ اگر خواتین کی تعلیم کے لئے کوشش کر رہی ہے تو یہ بہت اچھی بات ہے۔ لیکن امریکہ اور اُس کے حواریوں کی طرف سے "ایکسٹرا آرڈینری پروٹوکول" اور اس سے پچھلا منظر نامہ ایک کہانی ضرور سُناتا ہے اگر کوئی نہ سُننا چاہے تو اُس کی مرضی ہے۔
پھر ملالہ پاکستان کی واحد پڑھی لکھی لڑکی تو نہیں ہے۔تعلیم کے لئے اور بھی لوگ پاکستان میں کام کرتے رہے ہیں لیکن امریکہ ہر کسی پر اتنا مہربان نہیں ہوتا۔
ہیں کواکب کچھ، نظر آتے ہیں کچھ
محمداحمد
لائبریرین
سید ذیشان
محفلین
بہرحال ہر کسی کا اپنا سوچنے کا انداز ہے اور ہر کوئی اپنے خیالات میں آزاد ہے۔ لیکن کسی اچھی چیز کو میں کم از کم اس لئے برا نہیں کہوں گا کہ امریکی لوگ اس کو اچھا کہہ رہے ہیں۔ میں اس قسم کی اندھی نفرت پر یقین نہیں رکھتا۔
محمداحمد
لائبریرین
اگر آپ یقین کریں تو اتنا ضرور کہوں گا کہ ملالہ سے مجھے کوئی پرخاش نہیں ہے۔ لیکن ضروری نہیں کہ جو لوگ آپ سے مختلف انداز میں سوچ رہے ہیں وہ متعصب ہی ہوں۔ پھر اس قسم کی سوچ کا ایک پاکستانی کے ذہن میں آجانا بعید از قیاس بھی نہیں ہے کہ وہ عموماً امریکہ اور اُن کے حواریوں کو اپنا دوست نہیں سمجھتا۔
سید ذیشان
محفلین
سوال یہ ہے کہ ملالہ کو امریکہ کے حواریوں میں کیسے شامل کر دیا؟ اور اگر اس لئے شامل کیا کہ وہ طالبان مخالف ہے تو پھر تو اکثر پاکستانی طالبان کے حواری ہوئے کیونکہ وہ امریکہ مخالف ہیں؟
ویسے بھی تاج برطانیہ سے سر کا اعزاز لینے والے تو ہمارے قومی شاعر ہیں تو کسی ملک سے اعزاز حاصل کرنے میں کوئی خرابی نہیں۔ اگر ملالہ کو نوبل انعام ملتا ہے تو اس سے پاکستان کا نام روشن ہوگا۔ بس ایک پاکستانی ہی ہیں جو کسی پاکستانی کو پھلتا پھولتا نہیں دیکھ سکتے اور ایک دوسرے کی ٹانگیں کھینچتے ہیں باقی دنیا میں تو ایسا نہیں ہوتا۔
اگرچہ اوبامہ کو نوبل انعام دئیے جانے کے بعد کم از کم میری نظر میں اس کی پہلی والی اہمیت نہیں رہی۔ لیکن مسلمان باحجاب خاتون توکل کارمان کو بھی تو اس اعزاز سے نوازا گیا ہے۔ سائنس کے کسی مضمون میں کسی پاکستانی کو نوبل انعام ملتا تو مجھے بہت زیادہ خوشی ہوتی۔
میرے پروفیسر سے ایک مرتبہ میتھس کی بات ہو رہی تھی کہ میں انجنرئنگ کا سٹوڈنٹ ہوں اور جو کام پروفیسر نے مجھے دیا تھا اس میں ریاضی کا کافی استعمال تھا۔ میں نے کہا کہ میں اس کو غور سے پڑھتا ہوں پھر بتاوں گا کہ مجھے کتنا وقت لگے گا۔ تو پروفیسر نے کہا کہ تم پاکستانی تو میتھس میں اچھے ہوتے ہو، میں نے وجہ پوچھی کہ آپ ایسا کیوں سمجھتے ہیں تو کہا کہ ایک پاکستانی کو نوبل انعام مل چکا ہے۔ اس وقت مجھے بہت خوشی ہوئی کہ پاکستانیوں کے بارے میں ان کے اچھے خیالات ہیں۔
محمداحمد
لائبریرین
ملالہ کو حواریوں میں شامل نہیں کیا گیا بلکہ امریکہ کے اتحادیوں کو حواری کہا گیا ہے۔ پھر طالبان مخالف تو میں بھی ہوں لیکن میں امریکی پالیسیوں کا حامی ہرگز نہیں ہوں۔
بالکل ایسا اعزاز لینے میں کوئی حرج نہیں ہے۔ اور اعتراض اعزاز لینے پر ہے بھی نہیں۔
دراصل چونکا دینے والی بات تو اُس غیر معمولی تشہیری مہم (Hype) کی ہے جو شروع سے اب تک ملالہ کے معاملے میں روا رکھی گئی ہے۔
بہر کیف۔۔۔! اللہ مالک ہے۔ سو ہم دعا کرتے ہیں کہ جو بھی ہو سب کے حق میں اچھا ہو۔