موت کھڑی ہے تاک میں یارو --- شاہ عبد اللطیف بھٹائی

[الف نظامی]

موت کھڑی ہے تاک میں یارو
آؤ کیے پر پچھتاؤ

ایک ہی لاٹھی سے یہ بیرن
ہانکے گی سب کے جگ جیون
زیادہ پاوں نہ پھیلاؤ
آؤ کیے پر پچھتاؤ


سن لو غفلت کے متوالو
شیش محل میں رہنے والو
اتنا بھی مت اِتراؤ
آؤ کیے پر پچھتاؤ

جائے گا جب پیا ملن کو
پہنے گا ہر ایک کفن کو
کہے لطیف کوئی آؤ
آؤ کیے پر پچھتاؤ

"شاہ جو رسالو" اردو ترجمہ اشاعت اول جون 1963 ، شائع کردہ سندھ یونیورسٹی حیدر آباد سندھ
شاہ عبد اللطیف بھٹائی رحمۃ اللہ علیہ کے کلام کا منظوم اردو ترجمہ، بسعی و اہتمام سندھ یونیورسٹی و وزارت تعلیم حکومت پاکستان
مترجم: شیخ ایاز
محمد یعقوب آسی

 

[زبیر مرزا]

صوفی شعراء کے کلام کی کیا ہی بات ہے - بہت عمدہ انتخاب جناب

 

[محمد وارث]

بہت شکریہ نظامی صاحب خوبصورت کلام شیئر کرنے کیلیے

 

[الف نظامی]

پسندیدگی کا بہت شکریہ "زحال مرزا" ، محمد وارث

 

[محمد بلال اعظم]

لاجواب انتخاب
کیا بات ہے خاص طور پہ آخری بند کی۔

 

[عسکری]

بہترین کیا بات کی ہے جناب نے

 

[محمد خلیل الرحمٰن]

بہت خوبصورت کلام ہے الف نظامی بھائی۔ شیئر کرنے کا شکریہ قبول کیجیے۔
کچھ جگہوں پر واو کا ہمزہ موجود نہیں تھا، تدوین کردی ہے۔

 

[الف نظامی]

بہت خوبصورت کلام ہے الف نظامی بھائی۔ شیئر کرنے کا شکریہ قبول کیجیے۔
کچھ جگہوں پر واو کا ہمزہ موجود نہیں تھا، تدوین کردی ہے۔

محمد خلیل الرحمٰن آپ کا بہت شکریہ۔

 

[مدیحہ گیلانی]

خوبصورت کلام ہے۔۔شیخ ایاز نے اُن کے کلام وصال کا ترجمہ بھی کیا ہے۔۔۔
گھڑا ٹوٹا تو یہ آواز آئ
نہیں اب دونوں میں جدائ
وصال یار پہ قرباں
زہد ،تقوٰی و پارسائ
گر ہو سکے تو اسے بھی ممکن بنایئے گا ۔اشعار بہت پہلے کے پڑھے ہوئے ہیں ۔۔اس لیےبھول چوک درگزر فرمایئے گا ۔ شکریہ

 

[محمد بلال اعظم]

خوبصورت کلام ہے۔۔شیخ ایاز نے اُن کے کلام وصال کا ترجمہ بھی کیا ہے۔۔۔
گھڑا ٹوٹا تو یہ آواز آئ
نہیں اب دونوں میں جدائ
وصال یار پہ قرباں
زہد ،تقوٰی و پارسائ
گر ہو سکے تو اسے بھی ممکن بنایئے گا ۔اشعار بہت پہلے کے پڑھے ہوئے ہیں ۔۔اس لیےبھول چوک درگزر فرمایئے گا ۔ شکریہ

یہ میٹرک کے نصاب میں شامل ہے "وصال"

 

[ناعمہ عزیز]

بہت عمدہ