مولانا فضل الرحمان ہی کی پارٹی نے درج بالا مذکورہ بلوں کو جو اسلام مخالف تھے اپوز کیا۔ لیکن کیا آپ یہ بتا سکتے ہیں کہ خیبرپختونخوا نصاب میں سیرت نبوی ﷺ ، صحابہ کرام، امہات المومنین، قائد اعظم اور علامہ اقبال کو کیوں نکالا گیا؟ گلگت بلتستان اور آزاد کشمیر کو کیوں متنازعہ دکھایا گیا؟ گستاخ رسول کی حمایت تحریک انصاف نے سینٹ کی قائمہ کمیٹی میں کی کس بنیاد پر کی؟ شراب پر پابندی کے بل میں تحریک انصاف کیوں ن لیگ اور پیپلز پارٹی کے شانہ بشانہ پابندی کے خلاف کھڑی ہوئی؟
جی ہاں یہ بل ماضی کی "اصلی" حکومت میں بھی مسترد ہو چکا ہے۔ اسلئے ریاست مدینہ کی "جعلی" حکومت میں اس بل کا مسترد ہونا کوئی عجیب بات نہیں۔ کیونکہ ملک کے چپے چپے میں شراب آج بھی بکتی ہے۔ اور اشرافیہ تو باقاعدہ امپورٹڈ شراب شہد کا لیبل لگا کر پیتی ہے۔ ہاں مغرب کی طرح کھلے عام شراب پینے کا رواج نہیں ہے۔
کے پی کے میں سرکاری کتب کے سلیبس کا مسئلہ 2006 سے چلا آرہا ہے جب وہاں تحریک انصاف کا نام و نشان تک نہیں تھا۔ 2013 میں حکومت ملنے کے بعد اتحادی جماعت اسلامی نے درسی کتب میں سے سیکولر مواد نکالنے کیلئے تحریک کو پریشر کیا۔ جسے حکومت نے تسلیم کرتے ہوئے نئی کتب کا اجرا کر دیاتھا۔ میڈیا نے اس فیصلہ پر کافی شور شار مچایا کہ تحریک انصاف کو جماعت اسلامی نے بلیک میل کر دیا تھا۔ مگر حکومت اپنے فیصلہ پر قائم رہی۔ آج خیبرپختونخواہ میں تحریک کی دو تہائی اکثریت کے باوجود وہی جماعت اسلامی دور کی تدوین شدہ کتب پڑھائی جا رہی ہیں۔
اسلامیات کا بورڈ سے منظور شدہ سلیبس ہوتا ہے۔ جسے پڑھانے والے کیلئے اس پر مکمل دسترس ہونا لازمی ہے۔ یونیورسٹی ، کالج و سکول لیکچرار یا ٹیچر کی قابلیت کو پرکھنے کے بعد ہی بھرتی کرتے ہیں۔ اس تعلیمی و تدریسی قابلیت کا اساتذہ کے ذاتی مذہب سے کوئی تعلق واسطہ نہیں ہے۔
تو آپ کے کہنے کے مطابق یہ سب کچھ جماعت اسلامی کا کیا دھرا ہے۔ بندے کو بات کرتے ہوئے سوچنا چاہیئے ۔ کتنا گھناؤنا الزام لگا رہے ہیں آپ جماعت پر
اگر کوئی پاکستانی مسلمان مسیحیت کا ریسرچر بنتا ہے اور اتنا پڑھ لکھ جاتا ہے کہ کسی بیرونی ٹاپ یونیورسٹی سے مسیحی تھیولوجی میں پی ایچ ڈی کر لیتا ہے۔ ملک واپس آکر جب وہ مقامی یونیورسٹیز میں مسیحی تھیولوجی پرمدرس کی نوکری کرنے لگے تو ملک بھر کے مسیحی شور مچا دیں کہ یہ تو مسلمان ہے۔ یہ کیوں مسیحیت پر درس دے رہا ہے؟ آپ کی تمام پوسٹس کا لب لباب یہی ہے۔
لگتا ہے آپ نے منسلک شدہ خبر نہیں پڑھی۔ تحریک انصاف حکومت نے کے پی کے میں جماعت اسلامی کے ساتھ مل کر سابقہ حکومتوں کا تدوین شدہ سلیبس درست کر دیا تھا۔ اور اسے جماعت اسلامی کی فرمائش پر مزید "اسلامی" بنا دیا تھا۔ لیکن اعتراض برائے اعتراض کرنے والے ختم نہیں ہوئے۔
جب ایک شخص ایک دین کو مانتا ہی نہیں تو اسکی ڈاکٹریٹ یا کسی بھی دوسری قابلیت کی کیا حیثیت رہ جاتی ہے ۔ ایک شخص ایم بی بی ایس ہے لیکن وہ لوہار کا کام کرتا ہے اور اس پر راضی ہے اور ایم بی بی ایس کے باوجود میڈیکل سائنس کو تسلیم ہی نہیں کرتا تو اس سے علاج کروانے کا خبط کسے سوار ہوگا ۔۔۔
مغرب کی بہترین یونیورسٹیز میں داخلے کیلئے جو پاکستانی طالب علم ہر سال اتنی محنت کرتے ہیں۔ وہاں مذہبی تعلیم سے متعلق مدرس و پروفیسرز ان کے ذاتی مذہب کو دیکھ کر بھرتی نہیں کئے جاتے۔ وہ دیکھتے ہیں کہ آپ کو فلاں فلاں مذہب پر کتنا عبور حاصل ہے۔ بیشک وہ اس مذہب پر ذاتی حیثیت میں عمل نہ کرتے ہوں۔ کیونکہ شعبہ تدریس کا آپ کے اپنے مذہب سے کوئی لینا دینا نہیں ہے۔ بلکہ آپ کی علمی و تدریسی قابلیت سے ہے۔
جب ایک بات ہمیں قبول ہی نہیں تو دلیل ڈھونڈتے ڈھونڈتے اتنی دور کیوں جاتے ہیں۔ ایک طالب علم کے لیئے اس کا استاد ہی مفتی ہوتا ہے کیونکہ بچہ اسے اپنا اس مضمون میں رہ نما مانتا ہے۔ اب آپ کے مفتی صاحب اپنے طالبعلموں کی رہ نمائی جس طرح کریں گے کورس کے نمبر تو ٹھیک آجائیں شاید لیکن ایمان کے نمبر زیرو بٹا زیرو۔۔۔ نہ بھئی یہ قبول ہی نہیں ہمیں چاہے دلائل کا انبار لگا دو
اصولی طور پر آپ کی بات درست ہے۔ لیکن اب زمانہ کے طور طریقہ بدل چکے ہیں۔ آپ مغرب کو چھوڑ دیں۔ یہیں پاکستان میں اگر کسی کو قادیانیت پر تحقیقی مقالہ درکار ہو تو وہ کبھی بھی قادیانی ریسرچرز سے رابطہ نہیں کرے گا۔ کیونکہ اس کو معلوم ہے کہ خود قادیانی ہونے کی وجہ سے اس کی اپنے مذہب پر تحقیق غیرجانبدار نہیں ہو گی۔ یہی وجہ ہے کہ اس وقت دنیا میں اسلام کے چوٹی کے ریسرچر یہود و نصاری محققین ہیں۔ جبکہ یہودیت و عیسائیت پر سب سے اعلی تحقیق دہریے پروفیسروں نے کر رکھی ہے۔
سکولوں میں اساتذہ اسلامیات پر یا اسلام کی حقانیت پر تحقیق کے لیے نہیں بلکہ طلبا کو اسلام کی تعلیم دینے کے لیے بھرتی کیے جاتے ہیں۔
متفق۔ بچوں کو اسلام کی بنیادی تعلیم مسلمان ٹیچر ہی دیں تو بہتر ہے۔ البتہ کالج و یونیورسٹی کی اعلی تعلیم کیلئے مدرس کو مذہب کی کوئی قید نہیں ہونی چاہئے۔ کیونکہ تدریسی نظام میں تحقیق کا میدان جتنا وسیع اور آزاد ہوگا۔ ایجوکیشن اسٹینڈرڈ میں اتنی ہی بہتری آتی چلی جائے گی۔
جیسے پہلے اسلامیات کے مسلمان اساتذہ نے بڑا کمال کر کے پورے ملک کو انتہائی نیک بنا دیا ہے۔
