موجودہ سیاسی لیڈر یا مشرف بہتر کون؟
- صاحب لڑی qaral
- تاریخ ابتداء
عمار ابن ضیا
محفلین
ہاں! پرویز مشرف ٹھیک ہے۔
بشرطیکہ اس وقت اس کی کابینہ میں جو کرپٹ اور مجرم لوگ موجود ہیں، ان کو الگ کردے اور شفاف انداز میں معاملات چلائے، اسی منشور کے مطابق جو اس نے سیاست میں اپنی آمد پر پیش کیا تھا۔
ورنہ، اگر پہلے جن سے دھوکہ کھایا ہے، اگر دوبارہ ان پر بھروسہ کرنا ہے تو اس کے لیے نواز شریف ٹھیک ہے۔
بشرطیکہ اس وقت اس کی کابینہ میں جو کرپٹ اور مجرم لوگ موجود ہیں، ان کو الگ کردے اور شفاف انداز میں معاملات چلائے، اسی منشور کے مطابق جو اس نے سیاست میں اپنی آمد پر پیش کیا تھا۔
ورنہ، اگر پہلے جن سے دھوکہ کھایا ہے، اگر دوبارہ ان پر بھروسہ کرنا ہے تو اس کے لیے نواز شریف ٹھیک ہے۔
قیصرانی
لائبریرین
میرا یہی خیال ہے کہ مشرف کی حکمت عملی (کہ دوسروں کو کھل کھیلنے کی اجازت دینا) سے کراچی سے بالخصوص اور سندھ سے بالعموم ایم کیو ایم، بلوچستان اور سرحد سے ایم ایم اے اور قوم پرست جماعتوں کو اگلے الیکشن میں کافی شرمندگی کا سامنا کرنا ہوگا اور ان کے لئے اپنی موجودہ نشستیں برقرار رکھنا مشکل ہو جائے گا (پی پی پی اور مسلم لیگ (ن) کے بارے ویسے ہی کچھ نہیں کہا جا سکتا کہ ان جماعتوں کے اکثر اراکین ق لیگ کے ممبر بن چکے ہیں)
اب کے لگتا ہے کہ شاید پرانے اور کرپٹ چہروں سے پیچھا چھڑا کر پاکستان قوم کے سامنے واقعی کچھ بہتر افراد آئیں گے (انشاء اللہ)
اب کے لگتا ہے کہ شاید پرانے اور کرپٹ چہروں سے پیچھا چھڑا کر پاکستان قوم کے سامنے واقعی کچھ بہتر افراد آئیں گے (انشاء اللہ)
ابوشامل
محفلین
دیکھیں قرال صاحب میرا نہ مشرف سے کچھ لینا دینا ہے نہ میری سیاست دانوں سے کچھ ہمدردی ہے۔ بات اصول کی ہے کہ ایک طرف جمہوریت اور دوسری طرف آمریت۔ اور اصول پسند لوگوں کا یہی نظریہ رہا ہے کہ آمریت سے لولی لنگڑی جمہوریت بدرجہا بہتر ہے۔ اگر مشرف وردی اتار کر اور آئین کے مطابق صدارت کے انتخاب میں حصہ لے کر کرسئ صدارت حاصل کرتے ہیں تو مجھے کیا کسی کو بھی اعتراض نہیں ہو سکتا۔ جامعہ حفصہ کے معاملے پر اکثر لوگوں کا یہی کہنا ہے کہ وہ لوگ کہتے ٹھیک ہیں لیکن طریقۂ کار غلط ہے اور مشرف کا معاملہ بھی بعینہ جامعہ حفصہ والا ہے وہ کہتے تو سب ٹھیک ہیں لیکن بات یہ کہ طریقۂ کار غلط ہے، اقتدار پر غاصبانہ قبضے کو آپ کسی بھی چیز سے justify نہیں کر سکتے، آمریت بہرحال آمریت ہے چاہے آپ اسے جو بھی روپ دے لیں۔
مجھے ایک بڑے سیاسی لیڈر کا نام بتائیں جو کرپٹ نہ ہو پہلے یہ لوگ حکومت میں آنےہر کیلئے حد تک گر جاتے ہیں پھر جب حکومت میں آجاتے ہیں تو بڑے عزم کیساتھ اپنا کام کر تے ہیں یعنی ملک لوٹتے ہیں اور جب حالات خراب ہو جاتے ہیں تو مجبورا فوج کو آنا پڑتا ہے جس ظرح مشرف نواز کیس میں ہوا مشرف نے آکر ملک کو استحکام دیا مگر اب اس کو کوئی لیڈر اس قابل نظر نہیں آتا کہ وہ پاکستان کو ترقی کی راہ پر لیکر چلے تو بجائے اس کو تھوڑا اور وقت دینے کے سیاست دانوں نے جو ھمیشہ کسی بھی حد تک گرنے کیلئے تیار رہتے ہیں چار کالم نگاروں کو فوج کیخلاف لکھنے کیلئے تیارکیا کچھ خود بیان دیئے اور آپ جیسے لوگ ان کی باتوں میں آکر مشرف کیخلاف ہوگئے اور جو آکر ایک مر تبہ پھر ملک کو لوٹیں گے ان کو اپنا نجات دہندہ مان لیا جائے یاد رکھیں ایک مرتب ہو تو حادثہ ہوتا ہے باربار ہو تو بیوقوفی
_________________
_________________
ابوشامل
محفلین
میرے انتہائی معقول تبصرے کے جواب میں مجھے آپ سے اس جواب کی امید نہ تھی، ظاہر ہوتا ہے کہ آپ کی ذہنی سطح کیا ہے اور مشرف کو کس طرح کا رہنما سمجھتے ہیں۔ مجھے مزید کچھ کہنے کی ضرورت نہيں۔
آپ دوسروں کے منہ سے رہنماؤں کا نام سننا چاہتے ہیں اور پھر ان رہنماؤں کو "تعریفوں" سے نوازیں گے، یہی کرنا چاہ رہے ہیں نا آپ؟
صلاح الد ین ایوبی ایک آمر تھا اس نے عباسی خلیفہ کو بہ دست وپا کر کے یروشلم بچا لیا میں آپ کواسلامی اور غیر اسلامی آمروں کی اتنی بڑی لسٹ دے سکتا ہوں جن کو کھونے کے بعد وہاں کے لوگ روئے جولیس سیزر کے مرنے پر روم رویا ایوب کو کتا کہنے والے سقوط ڈھاکہ کے بعد جب ایوب کو اقتدار آفر کرنے گئے تو اس نے جواب دیا کتا بھوڑا ہوگیا ہم لوگ ایک مخلص شخص کو کھو کر اس کی قدر کیوں کرتے ہیں مجھے تو ڈر ہے کہ تاریخ خود کو دہرارہی ہے سب مہرے اس طرح ہی بچھ چکے ہیں یور مشرف ایوب کا کردار نبا رہا ہے اگر اس نے ہمت ہار دی تو یہ بیوقوف مولوی اور عیار سیاستدان جانے اس مر تبہ کیا گل کھلائیں
عمار ابن ضیا
محفلین
کسی کے آمر یا جمہوری ہونے پر لعن و طعن کرنا ٹھیک نہیں۔ اصل چیز اس کے کام ہیں۔ ہمارے نصاب میں علمِ مدنیت کی کتاب میں آمریت کی خوبیاں بھی بیان کی گئی ہیں اور اگر آپ ان کو مدِ نظر رکھیں تو یہ واضح ہوگا کہ اگر کچھ کرنے کا عزم ہو تو آمر وہ کچھ کرسکتا ہے جو جمہوری حکومت نہیں کرسکتی۔ اس کی وجہ یہی ہے کہ آمریت میں ایک شخص کے پاس سارے اختیارات ہوتے ہیں۔ اس کو جمہوری بکھیڑوں میں پڑنے کی ضرورت نہیں ہوتی۔
بہرحال! بنیادی بات طرزِ حکومت نہیں بلکہ حکومت کے اثرات ہیں۔
بہرحال! بنیادی بات طرزِ حکومت نہیں بلکہ حکومت کے اثرات ہیں۔
ابوشامل
محفلین
اچھا اب آپ صلاح الدین ایوبی کو بیچ میں لا کر مجھے پھنسانا چاہ رہے ہیں 
میرے بھائی میں اردو وکیپیڈیا پر منتظم ہوں اور وہاں مستقل لکھتا رہتا ہوں، تاریخ اور جغرافیہ میرے بنیادی دو مضامین ہیں، ان کے علاوہ میں دیگر موضوعات پر بھی لکھتا ہوں۔ وہاں صلاح الدین ایوبی پر لکھا گیا مضمون میں نے ہی تحریر کیا تھا، جس میں میں نے درج ذیل پیراگراف بھی شامل کیا، جس نے میرا نقطۂ نظر سمجھنے میں آپ کو آسانی ہوگی
صلاح الدین اگرچہ ایک دانشمند اورقابل حکمران تھا لیکن وہ خود کو رواجی تصور سے آزاد نہ کرسکا۔ خلافت کے حقیقی تصور کو اب مسلمان معاشرہ اس حد تک بھلاچکا تھا کہ نور الدین اور صلاح الدین جیسے حکمران بھی ملوکیت کے انداز میں سوچتے تھے ۔
دوسری بات یہ کہ آپ اپنا تاریخ کا مطالعہ درست کریں، یا مجھ پر ثابت کریں کہ صلاح الدین نے عباسی خلیفہ کو بے دست و پا کیا تھا؟
آخری بات کہ سقوط ڈھاکہ کا سب سے بڑا سبب خود ایوب خان تھا، یحییٰ خان کی غلطی صرف اتنی تھی کہ اس نے جاہلانہ فیصلہ کرتے ہوئے مشرقی پاکستان میں آپریشن کا حکم دیا اور اس کے دور میں ملک دو لخت ہوا۔ ملک کو ٹکڑے کرنے کے تمام اسباب تو ایوب خان کے اپنے پیدا کیے ہوئے تھے۔
میرے بھائی میں اردو وکیپیڈیا پر منتظم ہوں اور وہاں مستقل لکھتا رہتا ہوں، تاریخ اور جغرافیہ میرے بنیادی دو مضامین ہیں، ان کے علاوہ میں دیگر موضوعات پر بھی لکھتا ہوں۔ وہاں صلاح الدین ایوبی پر لکھا گیا مضمون میں نے ہی تحریر کیا تھا، جس میں میں نے درج ذیل پیراگراف بھی شامل کیا، جس نے میرا نقطۂ نظر سمجھنے میں آپ کو آسانی ہوگی
صلاح الدین اگرچہ ایک دانشمند اورقابل حکمران تھا لیکن وہ خود کو رواجی تصور سے آزاد نہ کرسکا۔ خلافت کے حقیقی تصور کو اب مسلمان معاشرہ اس حد تک بھلاچکا تھا کہ نور الدین اور صلاح الدین جیسے حکمران بھی ملوکیت کے انداز میں سوچتے تھے ۔
دوسری بات یہ کہ آپ اپنا تاریخ کا مطالعہ درست کریں، یا مجھ پر ثابت کریں کہ صلاح الدین نے عباسی خلیفہ کو بے دست و پا کیا تھا؟
آخری بات کہ سقوط ڈھاکہ کا سب سے بڑا سبب خود ایوب خان تھا، یحییٰ خان کی غلطی صرف اتنی تھی کہ اس نے جاہلانہ فیصلہ کرتے ہوئے مشرقی پاکستان میں آپریشن کا حکم دیا اور اس کے دور میں ملک دو لخت ہوا۔ ملک کو ٹکڑے کرنے کے تمام اسباب تو ایوب خان کے اپنے پیدا کیے ہوئے تھے۔
ابوشامل
محفلین
بزدلوں کی طرح غلامی پر رضامند ہونا عقلمندوں کا شیوہ نہیں ہونا چاہیے۔ جن قربانیوں سے ہم نے پاکستان حاصل کیا تو ان قربانیوں کا حق ہے کہ اسے آئين کے مطابق چلایا جائے نا کہ کوئی شخص اپنی مرضی کے تحت اقتدار پر قابض ہو جائے۔ میں تو اسلامی نظام کے تحت بادشاہت کا بھی قائل نہیں اور اموی و عباسی خلافت اور اس کے بعد آنے والی دیگر سلطنتوں کے نظام تک کو آمرانہ و استبدادانہ سمجھتا ہوں، یہاں تو مشرف اتاترک کی بات کرتا ہے۔ اور اتاترک کے بارے میں شاید آپ کو پتہ ہو کہ ............؟؟؟
برادر! یہی نظریہ تو ہمارے ذہنوں سے مٹایا گیا ہے اور ہمارے ذہنوں میں ٹھونس دیا گیا ہے کہ بنیادی بات طرز حکومت نہیں بلکہ حکومت کے اثرات ہیں۔ آخر جمہوریت کے چیمپیئن امریکہ اور یورپی ممالک اس نظریے کو خود پر لاگو کیوں نہیں کرتے؟؟؟؟۔ وہ بش کی تمام تر غلطیوں کے باوجود اسے اٹھا کر باہر کیوں نہیں پھینکتے۔ ہاں وہ ایسا کبھی نہیں کریں گے کیونکہ ۔۔۔ کیونکہ۔۔۔ ان کا نظریہ "نظام سب سے پہلے" ہے۔ دیکھیں امریکہ خارجی محاذ پر جتنی چاہے بدمعاشیاں کر لے جس حکومت کو چاہے گرائے لیکن داخلی محاذ پر آپ نے دیکھا کہ جب کلنٹن۔لیونسکی کیس سامنے آیا تو دنیا کے سب سے طاقتور حکمران کو عدالت کے کٹہرے میں صفائی کے لیے کھڑا کر دیا گیا۔ اور وہ مقدمہ ہار گیا۔ سوچا آپ نے کبھی ایسا کیوں ہوا؟ کیونکہ وہ داخلی نظام میں کوئی خرابی نہیں برداشت کرتے اور یہی دنیا پر ان کی حکمرانی کا سب سے بڑا سبب ہے۔
طنز بہت اچھا کرتے ہیں آپ
اور تجزیہ؟؟؟ تجزیہ میرے پیغامات میں موجود ہے، دیدۂ بینا چاہیے 
بھائی جان! کم از کم میں نے کہیں نہیں پڑھا۔ بلکہ میرے زیر مطالعہ تو یہ رہا ہے کہ نور الدین زنگی نے صلاح الدین ایوبی کو اس کے چچا شیر کوہ کی سرکردگی میں فاطمیوں کی سرکوبی کے لیے مصر بھیجا جنہوں نے مصر فتح کرنے کے بعد عباسی خلیفہ کے نام کا خطبہ جاری کیا۔ اب آپ بتائیے میں آپ کی بات کو مانوں یا جو میں نے کئی جگہ پڑھا ہے اس کو تسلیم کروں؟
قیصرانی
لائبریرین
کیا یہ کہنا غلط ہوگا کہ موجودہ بحث اس نکتہ نظر سے ہو رہی ہے کہ آمریت بہتر ہے یا جمہوریت؟ یعنی مشرف اور موجودہ سیاستدانوں کا تذکرہ ضمنی ہوتا جا رہا ہے اور نظام حکومت پر زور زیادہ؟
یہ بات ہم اکثر لوگ (اگرچہ سب نہیں) مانتے ہیں کہ جمہوری نظام آمریت سے بہت بہتر ہے۔ لیکن کیا یہ نظام پاکستان اور خطے کی موجودہ صورتحال سے مماثلت رکھتا ہے؟ یعنی کیا فی الوقت ہماری جمہوری روایات اتنی اچھی ہیں یا سیاستدان اتنے بالغ نظر اور با اثر ہیں کہ وہ ایک فوجی حکومت کو “پرامن“ طور پر ہٹا کر اس کی جگہ لے سکیں
یہ بات ہم اکثر لوگ (اگرچہ سب نہیں) مانتے ہیں کہ جمہوری نظام آمریت سے بہت بہتر ہے۔ لیکن کیا یہ نظام پاکستان اور خطے کی موجودہ صورتحال سے مماثلت رکھتا ہے؟ یعنی کیا فی الوقت ہماری جمہوری روایات اتنی اچھی ہیں یا سیاستدان اتنے بالغ نظر اور با اثر ہیں کہ وہ ایک فوجی حکومت کو “پرامن“ طور پر ہٹا کر اس کی جگہ لے سکیں