موجودہ سیاسی لیڈر یا مشرف بہتر کون؟

[qaral]

تم ساٹھ سال کو آٹھ سو سال سے ملا رہے ہو انڈیا کی خوش قسمتی ہے کہ ان کوچند ایک اچھے لیڈر ملے کو کم از کم جو اپنے وطن سے مخلص ضرور ھیں خود بتاؤ کیاواجپائی پر غبن کا الزام ہے یا من موہن کے گھوڑے مربے کھاتے ہیں اگر ہمارے پاس مشرف سے بہتر آپشن ہو تو اس کو خود ہٹ جانا چاہیئے میں آمریت کو ضروری نہیں مانتا مگر ہر آمر برا نہیں ھوتا اور جس طرح کی جمہوریت کی پاکستان میں آتی نظر آرہی ہے اس سے مشرف بہتر ہے یہ میرا پوائینٹ تھا اور میں اس پر قائم ہوں اور صلاح الدین یا جولیس سیزر کی مثال اسی سلسلے میں دی تھی

 

[نبیل]

سیاسی مباحث شعور میں اضافے اور ذہن سازی کا ذریعہ بن سکتے ہیں لیکن یہاں زبردستی بات منوانے کی کوشش کی جا رہی ہے اور ذاتیات پر حملے ہو رہے ہیں۔ آپ سب دوست ماشاءاللہ پڑھے لکھے ہیں، یقیناً بات کرنے کا سلیقہ بھی جانتے ہوں گے۔ میری گزارش ہے کہ تحمل سے ایک دوسرے کی بات سنیں اور موضوع سے نہ ہٹیں۔

 

[qaral]

نبیل کبھی کبھار بات سے بات نکلتی ہے اور بات بڑھ جاتی ہے مگر میرے اوابو شامل کے درمیان بحث تھوڑی زیادہ تلخ ھوگئی دراصل ھم لوگ عمر کے اس حصے سے تعلق رکھتے ہیں جہاں انسان مشکل سے ہی دوسرے کی بات سمجھتا ہے اور اپنی منوانا چاہتاہے یہ ایک نیچرل بات ہے لیکن اگر میری یا ابو شامل دونوں کی کوئی بات سے محفل کے باسیوں کو تکلیف پہنچی ہو تو میں ہم دونوں کیطرف سے معذرت چاہتاہوں آخر ہم دونوں تاریخ دان جو ٹھرے اور ویسےبھی جذباتی لوگ آپس کی کہا سنی جلد بھول جاتے ھیں کیوں ابو شامل ؟

 

[ساجداقبال]

میں بھی کافی دیر سے حماس اور الفتح کی یہ جھڑپ دیکھ رہا ہوں۔۔۔اصل موضوع کے متعلق تو پانچ فیصد بات نہیں ہوئی۔ براہ مہربانی اصل موضوع پر بات کریں۔

 

[ابوشامل]

میرے اوابو شامل کے درمیان بحث تھوڑی زیادہ تلخ ھوگئی دراصل ھم لوگ عمر کے اس حصے سے تعلق رکھتے ہیں جہاں انسان مشکل سے ہی دوسرے کی بات سمجھتا ہے اور اپنی منوانا چاہتاہے یہ ایک نیچرل بات ہے لیکن اگر میری یا ابو شامل دونوں کی کوئی بات سے محفل کے باسیوں کو تکلیف پہنچی ہو تو میں ہم دونوں کیطرف سے معذرت چاہتاہوں آخر ہم دونوں تاریخ دان جو ٹھرے اور ویسےبھی جذباتی لوگ آپس کی کہا سنی جلد بھول جاتے ھیں کیوں ابو شامل ؟

سب سے پہلے تو یہ بات واضح کردوں کہ تلخی میں نے نہیں پھیلائی اور نہ ہی کوئی ایسی بات یا لفظ کہا ہے جو کسی کی دل آزاری کرے۔ اور نہ میں‌ عمر کے اس حصے سے تعلق رکھتا ہوں جہاں انسان دوسرے کی بات نہ سمجھے اور اپنی بات منوانے کی کوشش کرے (میری عمر صرف 26 سال ہے)۔ اور ہاں رہی تاریخ دان والی بات تو میں نے کبھی نہیں کہا کہ میں تاریخ دان ہوں، کیونکہ تاریخ دان اور تاریخ کے قاری میں‌بڑا فرق ہوتا ہے۔
اور ہاں!! آخری بات، میں نے دل پر کوئی بات لی ہی نہیں، اور قرال صاحب کے جوابات پڑھتے ہی ہنستے ہنستے سب بھول گیا۔ آپ تو ناراض نہیں ہیں نا قرال صاحب! ایسا کریں سب سے بہترین نظام حکومت کے نام سے ایک تھریڈ کھول لیں۔ اس پر کھل کر بحث‌ کرتے ہیں۔

 

[qaral]

ابو شامل میں نے تو ہم دونوں کو تاریخ دان مذاق کیطور پر لکھا تھا تم نے اس پر بھی جرح کر ڈالی اور 26 سال والی عمر کو ہی تو جوانی کہتے ہیں اور یہ ہی منہ زور ہوتی ہے اچھا یہ تو بتاؤ کہ مابدولت کی عمر کتنی ہے

 

[ابوشامل]

پورے 34 سال نہ ایک کم نہ ایک زیادہ!!! کیوں؟؟ ٹھیک کہا نا!!!
ویسے مندرجہ ذیل ربط پر ایک بحث چھیڑنے کی کوشش کی ہے، اگر دلچسپ لگے تو آجائیے:

بھارت کی ترقی کی وجوہات

 

[qaral]

نہیں یار

 

[مہوش علی]

جب سے قرل صاحب تشریف لائے ہیں، میں تو ریٹائرمنٹ پر جانے کا سوچ رہی ہوں (ابتک میں اکیلی ہی مشرف صاحب کی حمایت میں لڑ رہی تھی

 

[qaral]

اور ابو شامل مجھے جلد ریٹا ئیر کرنے کی فکر میں ہے اچھے خاصے بائیس سال کے بندے کو چونتیس کا بنائے دے رہا ہے بھئ جتنا غلط اندازہ میری عمر کے متعلق لگا یا ہے کہیں؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اسی طرح سیاسی حالات کے متعلق بھی ہاہاہاہاہاہاہاہاا

 

[ساجداقبال]

ابوشامل محسن، قرل محسن اور مہوش علی مشتاق!
شکر ہے آپ لوگوں نے کچھ ہلکی پھلکی باتیں بھی کیں۔ مجھے ڈر تھا اگلے الیکشنوں میں آپ لوگ اپنے پسندیدہ امیدواروں کے جھنڈے اور ڈنڈے لیے پولنگ اسٹیشنوں پر لڑ رہے ہوتے۔

 

[خاور بلال]

بھری محفل میں راز کی باتیں سننے کے چکر میں اس تھریڈ پر آپہنچا، راز کی باتوں میں تاریخ کسی بے مہار اونٹ کی طرح نظر آئی بلکہ اونٹ سے زیادہ مینڈک کا گمان ہوتاتھا ادھر سے ادھر پھدکتی پھررہی تھی، سیدنا مشرف کی تائید حاصل کرنے کیلئے تاریخ اچانک صلاح الدین ایوبی تک جاپہنچی وہیں سے ایک لمبی جمپ لگائی اور جولیس سیزر جاپہنچی اگر چھلانگوں کی یہی کیفیت رہی تو گمان ہوتاہے اگلی دو تین چھلانگوں میں بات حضرت آدم تک پہنچ جائے گی۔ حیرت ہے ان پر جنہوں نے صلاح الدین ایوبی اور مشرف آمنے سامنے لاکھڑا کیا، یہ چوں چوں کے مربے اگر مزاحیہ تاریخ کےہی شوقین ہیں تو آلو، تمباکو اور کافی کی تاریخ کا انتخاب کرلیں، پھر بھلے سے آلو اور تمباکو کا ڈاکخانہ آپس میں ملادیں کم از کم اسلامی تاریخ کا تو حلیہ نہ بگاڑیں، صلاح الدین ایوبی جو ایک جید عالم اور عظیم سپہ سالار تھے انکے مرتبے کا ہی خیال کرلیں۔ شیر اور کتے کو ایک گھاٹ کا پانی تو نہ پلوائیں۔

ابو شامل کو جذباتیت کا الزام دینے والوں سے گذارش ہے کہ جذبات ٹین ڈبوں کے لئے نہیں بلکہ انسانوں ہی کیلئے ہوتے ہیں۔ اگر انسان بے غیرت نہ ہوتو کسی نہ کسی مقام پر وہ جذباتی ضرور ہوتا ہے مثلا جب کسی کی ماں یا بہن کی آبرو بچانے کا مسئلہ ہوتو انسان اپنی جان کی بھی پرواہ نہیں کرتا، اگر کسی کے نزدیک پاکستان کی آبرو اس کی ماں کی آبرو جیسی حیثیت رکھتی ہو تو وہی غیرت و حمیت کا مظاہرہ کرسکتا ہے۔ باقی میر صادق اور میر جعفر کے انڈے بچے اب بھی موجود ہیں اور انہیں کے لئے کہا گیا ہے کہ بے حیائی کی خیر ہو ورنہ، لوگ غیرت سے مرگئے ہوتے۔

سیدنا مشرف کی حمایت اصل میں اونٹ نگلنے اور مچھر چھاننے کی مہم ہے، اس میں جو جتنا باریک مچھر پکڑے گا اسکے اتنے ہی نمبر ہوں گے، البتہ اگر کہیں افغانستان یا وانا کا ذکر آجائے تو (ڈبل اے استاد)۔ اپنی آزادی خودمختاری اور عزت و آبرو کا دفاع کرنے والے دہشت گرد ہیں اور اپنی قوم کی تقدیر گروی رکھنے والے حقیقت پسند اور روشن خیال ہیں۔ باطل کی مزاحمت جذباتیت ہے اور طاغوت کے ساتھ کھڑا ہونا عقلی رویہ۔ جنرل مشرف امریکا، برطانیہ، بھارت اور اسرائیل کے ساتھ وہ وعدے بھی نبھانے کے لئے کوشاں نظر آتے ہیں جو شاید انہوں نے کئے بھی نہیں ہوتے، مگر اپنی قوم کے ساتھ وہ تحریری معاہدہ کرتے ہیں اور اس سے مکر جاتے ہیں۔آخر یہ کونسی نفسیات ہے؟ اس کو کیا نام دیں؟ جھوٹ تو بہت معصوم اور شرمیلا سا فعل ہے۔ بھلا جنرل پرویز جھوٹ کیوں بولیں گے؟ غلط بیانی سے کام کیوں لیں گے؟ کیا انہیں آج تک کسی نے جھوٹ بولتے اور غلط بیانی کرتے دیکھا ہے؟ جنرل صاحب جھوٹ سے اور جھوٹ جنرل صاحب سے پناہ منگتا ہے۔ کیونکہ جھوٹ کی بھی عزت نفس ہوتی ہے، لیکن جہاں مغلظات اور ہذیان کا معاملہ ہو تو جھوٹ بھی معصوم نظر آتا ہے۔

جنرل مشرف نے طالبان کو ترک کیا، پورا ملک امریکا کے حوالے کیا، ڈاکٹر عبدالقدیر خان جیسے قومی ہیرو کی تذلیل کی، داڑھی کا مذاق اڑایا، پردے کی تحقیر کی، اپنے ہاتھ مسلمانوں کے خون سے رنگے، امریکا کی آگ کو پاکستان میں بھڑکایا، امریکا کیلئے اپنی سرحدوں میں جنگ چھیڑی، جہاد کی تعریف بدلی، کشمیر کی تحریک آزادی کو سبوتاژ کیا، جن لوگوں نے ساری عمر پاکستان کے مفادات کی جنگ لڑی انہیں دیوار سے لگایا اور جن لوگوں نے ساری عمر بھارت کے جوتے چاٹے وہ قابل توقیر ٹھہرے، ملک کا نصاب تعلیم بدلا، سود سے متعلق سپریم کورٹ کے تاریخی فیصلے کو دفن کردیا، حدود سے متعلق قوانین کو سبوتاژ کرنے کی منصوبہ بندی کی۔ بلوچستان میں فوجی آپریشن کیا اور کراچی میں دہشت گرد تنظیم ایم کیو ایم کی سرپرستی کی،١٢ مئی کو کراچی میں خونی سیج سجائی، درندوں کو سرکاری سرپرستی فراہم کرکے اپنی ہی قوم کو خاک و خون میں نہلادیا اپنے ہی عوام کو فتح کرکے اس فتح کا جشن اسلام آباد میں منایا۔ دوقومی نظرئے پر اپنی گندی نظر ڈالی۔ قوم کو یو ٹرن کی عظیم تھیوری پیش کی، کہا ڈرو۔۔۔ ڈرنا بہت ضروری ہے۔ شریعت کا شوق چڑھا تو صلح حدیبیہ تک کرڈالی۔ ایک طرف کالاباغ ڈیم پر بے بسی کا اظہار اور دوسری طرف بلوچستان کی عوام سے کہتے ہیں ہم وہاں سے ہٹ کریں گے کہ پتہ ہی نہیں چلے گا۔ سب سے پہلے پاکستان کا نعرہ لگا کر پاکستان کی اساس پر حملہ کیا۔اسرائیل کے ساتھ تعلقات کی بھیک مانگی، ملت سے غداری کی۔ صرف پیسہ کمانے کی خواہش رکھنے والے جرنیلوں، بلیک مارکیٹ کے سرداروں، قارون کے انڈوں بچوں کو تحفظ فراہم کیا۔ سوال یہ ہے کہ آخر حالات اور کتنے نازک ہونگے کہ انہیں نازک کہا جائے گا؟
محترم قرل!
دلیل کیا دلیل کا سایہ بھی آپ کو چھو کر گذرا ہوتا تو پرویز مشرف کے جواز میں صلاح الدین ایوبی کو نہ پیش کرتے۔ نمک حلالی کریں لیکن اتنی بھی کیا کہ نیت کرتا ہوں میں امریکا کی دورکعت نماز، منہ میرا مشرف کی طرف والی کیفیت ہوجائے۔ امریکا کی مالا جپنے اور مشرف کی چاکری میں آپ لوگ یہ بھول گئے کہ رہنما وہ ہوتاہے جو خود ہار کر قوم کو فتح مند کردیتا ہے۔ آمر وہ ہوتا ہے جو خود جیتنے کے لئے قوم کو ہرادیتا ہے۔

گزرا دو اس حوالے سے اچھا تھا کہ آزاد لوگ خود کو غلام اور غلام خود کو آزاد سمجھنے کی غلطی نہیں کرتے تھے۔ غلاموں کا تو مسئلہ ہی یہ ہے کہ وہ کنویں کے مینڈک بننے میں بھی فخر محسوس کرتے ہیں؟ جوتے کھاتے ہیں اور شکایت بھی نہیں کرتے بلکہ جوتے کھانے کا جواز بھی خود ہی پیدا کرلیتے ہیں۔

سیاسی قیادت اگر کرپٹ ہے تواس کا یہ مطلب ہے کہ انقلاب کی خواہش ترک کردی جائے؟ اور پاکستان کو دکان بنا کر پرویز مشرف کی نگرانی میں چھوڑ دیا جائے۔ تاریخ اسلام کے بدترین دور میں بھی ایسا نہیں ہوا کہ مسلمان عوام نے انقلاب اور اسلامی نظام کی خواہش ترک کردی ہو۔ اسلامی انقلاب کی خواہش ہی تھی جو علامہ اقبال کے حوصلوں کو مہمیز دیتی تھی اور غلامی کے بدترین دور میں بھی وہ کہتے تھے؛
نکل کے صحرا سے جس نے روماکی سلطنت کو الٹ دیا تھا
سنا ہے یہ قدسیوں سے میں نے وہ شیر پھر ہوشیار ہوگا

صاحب علام اقبال تو چلیں ملا عمر کے ساتھی اور القاعدہ کے دہشت گرد تھے لیکن قائد اعظم کو کیا کہیں گے۔۔۔۔۔؟

اگر گدھے دھاڑنےلگیں، کووے بھونکنے اور شیر رینگنے لگیں تو گمان کیا جاسکتا ہے کہ جنرل مشرف بہتر ہیں۔

 

[qaral]

بیٹا خاور لگتا ہے آپ نے پڑ ھا نہیں میں نے لکھا ہے کے جذباتی ہونا بری بات نہیں مگر‌آپ جذباتی نہیں چڑیا گھر سے چھوٹے ہوئے نومولود بندر لگتے ھیں جس کو گردو پیش کا پتہ نہیں مگر چھلانگیں مار کر اپنی انرجی ویسٹ کر رہا ہے اگر آپ مشرف سے بہتر کوئی لیڈر پیشں کر سکتے ہیں تو نام بتا ئیں باقی جولیس سیزر اور صلاح الدین ایوبی کی مثال اسلئے دی تھی کے ہر آمر برا نہیں ہوتا ناکہ جولیس سیزر ، صلاح الدین ایوبی اور مشرف ایک چیز ہیں آپ کی گفتگو سے ظاہر ہے کہ آپ مشرف پر کس قدر فدا ہیں تو آپ سے غیر جانبداری کی توقع رکھنا ہی فضول ہے مشرف بیشک بہت اچھا نہیں مگر زیادہ بروں میں کم برا ضرور ہے .(اونٹ نگلنے مچھر چھانٹنا گدھے دھاڑنےلگیں، کووے بھونکنے اور شیر رینگنے) اس بکواس سے یہ لازمی ثابت ہوتا ہے کہ آپ کس ٹا ئپ کی چیز ھیں

 

[ابوشامل]

بیٹا خاور لگتا ہے آپ نے پڑ ھا نہیں میں نے لکھا ہے کے جذباتی ہونا بری بات نہیں مگر‌آپ جذباتی نہیں چڑیا گھر سے چھوٹے ہوئے نومولود بندر لگتے ھیں جس کو گردو پیش کا پتہ نہیں مگر چھلانگیں مار کر اپنی انرجی ویسٹ کر رہا ہے اگر آپ مشرف سے بہتر کوئی لیڈر پیشں کر سکتے ہیں تو نام بتا ئیں باقی جولیس سیزر اور صلاح الدین ایوبی کی مثال اسلئے دی تھی کے ہر آمر برا نہیں ہوتا ناکہ جولیس سیزر ، صلاح الدین ایوبی اور مشرف ایک چیز ہیں آپ کی گفتگو سے ظاہر ہے کہ آپ مشرف پر کس قدر فدا ہیں تو آپ سے غیر جانبداری کی توقع رکھنا ہی فضول ہے مشرف بیشک بہت اچھا نہیں مگر زیادہ بروں میں کم برا ضرور ہے .(اونٹ نگلنے مچھر چھانٹنا گدھے دھاڑنےلگیں، کووے بھونکنے اور شیر رینگنے) اس بکواس سے یہ لازمی ثابت ہوتا ہے کہ آپ کس ٹا ئپ کی چیز ھیں

قرال بھائی جب تک بات میری ذات پر حملے کی تھی تو میں نے برداشت کیا اور آپ کی کسی بات کا برا نہیں منایا لیکن اب آپ حد سے باہر نکل رہے ہیں، خصوصاً آپ کی مندرجہ بالا تحریر نے ثابت کر دیا کہ آپ سنجیدہ بحث نہیں کرنا چاہتے۔ اس لیے میں آپ سے یہی التجا کروں گا کہ اپنے رویے پر نظر ثانی کریں۔ محفل کے دیگر ساتھی بھی اس جانب توجہ کریں۔

 

[محمد وارث]

ابو شامل بھائی اسی لیے شاید ہمارے مرشد نے فرمایا تھا

بک رہا ہوؓں‌ جنوں‌ میں‌ کیا کیا کچھ
کچھ نہ سمجھے خدا کرے کوئی

بھائی صاحبان، سب سے استدعا ہے کہ سیاسیات جیسے اعلٰی موضوع (تکنیکی لحاظ سے کہ یہ فلسفے کی ایک شاخ ہے) کو خرافات سے پاک ہی رکھیں تو بہتر ہے۔

 

[qaral]

دیکھوجس طرح کے لہجے میں کوئی بات کرتا ہے اس طرح کا ہی جواب پا تا ہے ان جناب نے مجھے ٹین ڈبا مشرف کا چاکر بےغیرت اور نہ جانے کیا الم پلم لکھا ہے اس وقت آپ کو کوئی بد تمیزی نظر نہیں آئی کیونکہ یہ آپ کے مطلب کی بات کر رہے تھے اب جب میں نے جواب دیا تو آپ بیچ میں آن کودے لگتا ہے سیاست سمیت ہر جگہ آپ نے ڈبل سٹینڈرڈ بنا رکھے ہیں

 

[qaral]

(شمولیت: 06 مارچ 2007
خطوط: 100
مقام: کراچی

مہوش،قرال صاحب!
‌‌‌‌ٹرین میں آپ خود تو سوار ہوگئے ہیں (ٹکٹ لیکر یا لئے بغیر، یہ تو آپ خود ہی بتائیں گے) لیکن مزید سواریاں چڑھانے پر آپ کو اعتراض ہے، اگر ٹرین پر بوجھ کا مسئلہ ہے تو کم از کم اپنے بوجھ سے تو ٹرین کو پاک کردیں تاکہ بہتر مثال قائم ہو) یہ آپ کے مہذب خاور صا حب نے لکھا ہے اور مو ضع ہے خاندانی منصوبہ بندی کی مخالفت کیوں(ٹکٹ لیکر یا لئے بغیر، یہ تو آپ خود ہی بتائیں گے) کی تشریح کرنا پسند کر یں گے آپ

 

[qaral]

جب کوئی شخص اس طرح کی بے ھودگی لکھتا ہے تو دل میں اس کے لئے عزت نہیں رہتی

 

[ابوشامل]

بھائی قرال! انتہائی معذرت اور احترام کے ساتھ کہ آپ میں چند بہت بڑی خامیاں ہیں، آپ دوسرے کے پیغام کو درست طریقے سے نہیں‌ پڑھتے اور کئی جملوں‌ کے اپنے مطالب نکالتے ہیں اس لیے اس سے پہلے کہ آپ اپنی توپوں‌ کا رخ میری طرف کریں، میں معذرت کرتا ہوں‌ کہ آئندہ میں‌ کہیں‌ بھی آپ کی کسی گفتگو یا سوال کا کوئی جواب نہیں دے پاؤں گا کیونکہ مجھے اپنی عزت پیاری ہے اور جب سامنے والا بات کو بالکل نہ سمجھے میرا ایک جواب ہوتا ہے السلام وعلیکم! خوش رہیں

 

[qaral]

خوش رہو