مکالمہ

[فائضہ خان]

تم رات ہو۔۔۔۔۔

رات جو تاریکی کا وہ غلاف تان دیتی ہے جس میں مادے کی مصنوعی سرحدیں فنا ہو جاتی ہیں ۔۔۔۔ کئی بار میں نے رات کے دهاگے کو پکڑ کر خماری کے اس ماتم میں شرکت کی۔۔۔۔ اور اس ماتم میں موجود خوشی کے نغموں کو سنا ہے۔۔۔۔ کئی بار میں نے ہوا میں تحلیل ہو کر تمہارے بدن کے خلیوں میں موجود خلا کی وسعتوں کی سیریں کی ہیں ۔۔۔۔
وہ وسعتیں جن سے تم خود بهی آگاہ نہیں ہو۔۔۔۔ کئی بار خواہش بهی ہوئی کہ تمہیں بتاوں اس سب کے بارے میں، مگر تم خاموشی سے اتنی ڈری ہوئی ملی ہر بار کہ میں تمهارے لفظوں کی موسلا دهار بارش سے بچ کر دور سے ہی ہاں میں ہاں ملاتا رہا... مگر بهوگیوں کا ازل سے یہی طرز رہا ہے کہ وہ بدن کا۔۔۔۔ لفظ کا۔۔۔۔ مکان کا۔۔۔ زمان کا ۔۔۔ ہر ستم آب بقا سمجھ کر اس وقت تک پیتے رہتے ہیں جب تک وہ اس سے ماورا نہیں ہو جاتے۔۔۔۔۔

تم بهی وہی ہو مگر بهوگنے میں ہی عمر نہ گزارنا کہ بهوگ یوگ کی سرحد کو نہ لگے تو کرب بن جاتا ہے۔۔۔۔۔۔ میں پیدائش اور موت کے نامختتم سلسلہ میں بس ایک رسم نبها رہا ہوں یہ سب بتا کر ۔۔۔۔ جسے وجود جانتا ہے کہ وہ موجود نہیں ہے مگر بهرم بنائے رہتا ہے ۔۔۔۔۔
جیسے لفظ جانتے ہیں کہ وہ بس خاموشی کے بے انت فلک کے ناچیز سے تارے ہیں جو چمکنے کی پوری کوشش کر کے اپنے روشن ہونے کا بهرم بنائے رہتے ہیں ۔۔۔۔ میں بهی لفظوں کے یہ سارے منتر پهونک کر اپنے مرتے ہوئے سحر کو پهونکنے کی دنیاوی رسم کی جهوٹی لذت دے رہا ہوں۔۔۔۔
تم کو تم ۔۔۔ مجھ کو مجھ اور ہم کو سب ہونے میں جو رکاوٹیں ہیں آج وہ ختم ہو گئیں ۔۔۔۔۔ وجود کی کمین گاہ سے آخری ٹرانسمشن میں بس اتنا کہوں گا کہ اپنے زوال کو روکنے کی وہ کوشش تم نہ کرنا جو سب کرتے ہیں۔۔۔۔۔ اس برپا ہوتے زوال کو یوں دیکهنا جیسے بچے ساحل پر بنائے اپنے مکان کو لہروں سے ملیامیٹ ہوتے دیکهتے ہیں اور تالیاں بجاتے ہیں۔۔۔۔۔ تم مزاحمت کرو گی تو بہت دکھ دیکهو گی۔۔۔۔۔۔ اسے یوں قبولنا جیسے مٹنا خود چنا ہو۔۔۔۔ جو مٹنا خود چن لے اس کا ہونا ابد تک طے ہے۔۔۔۔ اور ہاں معدومیت کی منزلوں سے گزر کر جب بہم ہونا تو وہ ضرور کہنا.... "میرے رانجهن" ۔۔۔۔ شاید اس حالت وجود میں۔۔۔۔ "میری ہیر" ۔۔۔۔۔ کہنے پر مجهے کوئی اعتراض نہ ہو۔۔۔۔۔

تمہیں نہ کچھ کہنے کو یہ سب کہہ رہا ہوں... جو نہ کہا ہو وہی حقیقی کہنا ہوتا ہے۔۔۔۔۔ جیسے یوں جانو کہ جب دو ٹانگوں کی اس مخلوق نے لفظ نہیں تراشے تهے تو تب وہ کیسے کچھ کہتے ہوں گے۔۔۔۔ وہی کہا تها ہمارا کہا....اور ابهی میں وہی کہہ رہا ہوں... لفظ جادو نہیں ہیں لفظ فضیلت بهی نہیں ہیں۔۔۔۔۔ بس یہ ہماری ویسی ہی لا یعنی ایجاد ہیں جیسی ایٹم بم ۔۔۔۔ جیسی یہ ابلاغ کے جدید طرز جو شور زیادہ اور بامعنی رابطہ کم ہیں ۔۔۔۔۔

تم سے اب اس خاموشی کی لہروں کے ذریعے مکالمہ ہو گا ۔۔۔

(جاری)

 

[فائضہ خان]

تم وہ نہیں ہو جو کسی کو مکمل کرو ۔۔۔ میں بهی وہ نہیں ہوں جو کسی کو مکمل کروں۔۔۔۔ وجہ یہ نہیں کہ تم میں یا مجھ میں یہ گن نہیں۔۔۔۔۔ بس اتنا ہے کہ وہ دو وجود جو خود مکمل ہوں۔۔۔ کیسے ایک دوسرے سے ملکر زیادہ مکمل ہو سکتے ہیں۔۔۔۔ میں بهوگ کر مکمل ہوں۔۔۔ اور تم جان کر۔۔۔۔۔ دونوں کاملیتیں کسی اضافہ وتفریق کی محتاج کہاں؟ ۔۔۔۔ ہاں روشن رستے کا سفر بهوگی کے لیے گمراہی کا امکان رکهتا ہے اس سے آگاہ رہنا۔۔۔۔ تمہیں پتہ ہے کتنی دفعہ میں نے تمھاری درد یوں محسوس کیا ہے جیسے مجھ میں کہیں ہو۔۔۔۔۔
کیونکہ میں خود کو جانتی ہوں۔۔۔۔۔ اور اس توسط سے ہر انسان کو۔
مجھے پتہ ہے کہ ہماری زندگیاں کیسے کام کرتی ہیں۔۔۔۔۔ اور کیسے ہم اذیتیں تراشتے ہیں۔۔۔۔۔ اور۔۔۔۔کبھی کبھی دل کرتا ہے کہ اس دنیا کے ہر انسان کے پاس جائوں اور اسے بتائوں کہ وہ کیا ہے۔۔
مگر دس از پراسیس آف نیچر۔۔۔۔۔ انسان خود بھوگ کر ہی اس تک پہنچنے کے لیے بنا ہے۔۔۔ ورنہ کتنے نبی صوفی یوگی آئے۔۔۔۔۔۔
زندگی زمین کی طرح نہیں کہ جس پر چلنے سے رستے بن جاتے ہیں۔۔۔۔۔ زندگی آسمان کی طرح ہے کہ سارا دن پرندے اڑتے ہیں۔۔۔۔ مگر رستے نہیں بنتے۔۔۔۔۔۔ اگر زمین کی طرح ہوتی تو جو بیدار لوگ آئے ان کی تراشی پگڈنڈیاں شاہراہیں بن جاتیں اور سب لوگ اس پر چل رہے ہوتے ۔۔۔اسی وجہ سے درد کی دهات کو سونا بننے دینا۔۔۔۔
تم جھیل ہو۔۔۔۔۔خود کو جھیل کی سطح مت سمجھو۔۔۔۔۔ جھیل جس پر لہروں کے نشیب و فراز ہیں۔۔۔۔۔ مگر جس کی تہہ میں سکون ہے۔۔۔ "ہونے" کا احساس ہے ۔۔۔۔ وسعت ہے۔۔۔۔۔۔ سٹل نیس ہے۔۔۔۔۔ سطح پر ابھار بھی ہوں گے۔۔۔۔ غم کے شاپر بھی۔۔۔۔۔ دکھ کا کوڑا بھی۔۔۔۔ وقتی خوشی کے کسی درخت سے گرے شاید کچھ پتے بھی۔۔۔۔۔کسی کیکر کی شاخ سے ٹوٹے کرائسس کے کچھ کانٹے بھی۔۔۔۔۔کسی کے چھن جانے۔۔۔۔ چھوڑ جانے۔۔۔۔ مرجانے ۔۔۔۔ بدل جانے۔۔۔۔۔ کے زرد رنگ پتے بھی۔۔۔۔۔ بہار میں درختوں سے گرے وقتی کامیابیوں۔۔۔۔۔نوکری میں ترقی۔۔۔۔۔کاروبار میں نفع کے کچھ پھول بھی۔۔۔۔۔ ہر رنگ ہر خوشبو ہر درد ہر کلفت۔۔۔ مگر یہ سب جھیل کی سطح ہیں۔۔۔۔۔جو جھیل کا حصہ ہونے کے باوجود بھی کل جھیل نہیں۔۔۔۔۔جھیل کی تہہ۔۔۔۔ اس کی گہرائی ۔۔۔۔ ہر اس موومنٹ سے پاک ہوتی ہے جو تہہ پر ہو رہی ہے۔۔۔۔۔ پیارے "رانجھن" تم وہ جھیل کی تہہ ہو۔۔۔۔۔ تم سکون ہو۔۔۔۔۔ سٹل نیس ہو۔۔۔۔۔۔ زندگی کی ہر کڑواہٹ سے ماورا ہو۔۔۔۔۔ تم عکس ہو۔۔۔۔ ابدیت کا عکس۔۔۔۔۔ تم واحد حقیقت ہو کائنات کی۔۔۔۔۔ سوچو ابھی آنکھ بند کرو تو یہ ساری دنیا فنا ہو جائے گی۔ ۔۔۔کان میں انگلی ڈال لو ہر آواز مر جائے گی۔۔۔۔ ناک بند کرلو دنیا کی ہر خوشبو بد بو مر جائے گی۔۔۔۔۔ چھونے کی حس بے حس کر لو ہر لمس مٹ جائے گا۔۔۔۔ تم وہ کتاب ہو جس پر زندگی کا حرف حرف لکھا ہے۔۔۔۔۔۔ بس جھیل پر اٹھ رہی لہروں کو یوں دیکھنا سیکھ لو جیسے جھیل کی تہہ۔۔۔۔ سطح کی ہلچل کو دیکھتی ہے اور ہنس دیتی ہے۔۔۔۔ جیسے والدین بچوں کو اودھم مچاتے دیکھتے ہیں اور ہنس دیتے ہیں۔۔۔۔
یہ ہو تم ۔۔۔۔۔ تم ہو اس کائنات کا برپا ہر واقعہ۔۔۔۔۔ ہاں مگر یہ احساس مقام عجز پر فائز کردے تو تم کائنات کی ہر چیز سے جڑ جائو گے۔۔۔۔ وہ کائنات جہاں کہیں " میں "بھی موجود ہوں گی۔۔۔
میں عدم کی سمٹی وسعتوں سے تمہیں دیکها کروں گی ۔۔۔۔

سنو رانجھن ۔۔۔

صحرا پهیل کر ذرہ ریگ بن گیا ہو تو مساواتیں بدل جاتی ہیں۔۔۔۔ مجھ سے سب پوچھتے ہیں سمندر کیا ہے۔۔۔۔۔کوئی یہ کیوں نہیں پوچهتا یہ قطرہ کیا ہے۔۔۔۔جو زمان کی ضمانتیں ضبط کیے بیٹها ہے جو مکاں کی وسعتوں کو تہس کر چکا ہے۔۔۔۔ سب یہی سوچتے ہیں میں جانتی ہوں۔۔۔۔ مگر کیسے؟ ۔۔۔۔ میں اب خاموشیوں کے حوالے ہونے کا ڈر بهی کهو رہی ہوں۔۔۔۔ شاید تم میرے اس سفر کا وہ مقام ہو جو ہمالیہ کی چوٹیوں پر خیمہ زن ہو۔۔۔۔ جس نے مجهے وہ دهکا دینا ہے جو میرے سرابوں کے ڈرامے کا انجام کر دے۔۔۔۔ تم وجود کے ڈوبتے لمحے کا آخری تنکا ہو۔۔۔۔۔ تمہیں پتہ ہے۔۔۔۔مجهے تم سے کبهی وہ محبت محسوس نہیں ہوئی جو سب جانتے ہیں۔۔۔۔ تم اصل میں میری جستجو کا وہ نقطہ ہو جہاں ادق اجل کر ایک دوسرے میں یوں فنا ہوتے ہیں کہ کائنات ہی نہیں خلا بهی معدوم ہو جاتے ہیں۔۔۔۔۔ اس کی وجہ تمهارا یا میرا خاص ہونا نہیں۔۔۔ بلکہ وجہ بس اتنی ہے کہ پھل جب پک گیا ہو تو ہلکی ہوائیں بهی اسے گرا دیتی ہے۔۔۔۔ اسے کہ جسے آندھیاں تک نہیں گرا سکی تهیں۔۔۔۔ تم وہ کانشیس احساس ہو جو شعور و لا شعور کے واہگہ پر متعین تهے ۔۔۔۔ میرے وجودی بلبلے کی وہ سوئی جو ہر سراب کے غبارے سے ہوا نکال دیتی ہے۔۔۔۔ شکریہ میرے "میں" کے خاتم ... اور اب میں " تمام" ہوتی ہوں۔۔۔۔
از قلم فائضہ خان
(جاری )

 

[فائضہ خان]

سنو ۔۔۔
ہاں ۔۔
مجھے تم سے محبت ہے ۔۔۔
مگر یہ لفظ کافی نہیں ۔۔۔ اس زیادہ کچھ ہونا چاہئے تھا ۔۔۔یہ تو میں روز سو بار کہتی ہوں ۔۔۔

نہیں ۔۔۔ کچھ بھی نہیں ہونا چاہیے۔۔۔ بس "ہونا" ہونا چاہیے۔۔۔

سنو ۔۔۔
ہمم۔۔
چاند نظر آتا ہے اب بھی ؟۔۔

ہاں
لاکھ کوشش کے باوجود ۔۔۔۔۔ نہ کہہ سکوں گا کہ رات چاند اور بادلوں کا معرکہ دیکھتے دیکھتے بتائی۔۔۔۔۔۔ تم میرے فلک پر مثل مہتاب بہت بار ابھری۔۔۔۔ اور ۔۔۔۔۔ کئی بار چھپ گئی۔۔۔۔۔ مگر تمھہیں پتہ ہے کہ کبھی بھی ایسا نہیں ہوا کہ چاند غائب ہوا ہو بس بادلوں کے پیچھے چھپ گیا تھا۔۔۔
کوشش کر رہا تھا کچھ کہنے کی ۔۔۔ کہ تم یاد آرہی ہو ۔۔ ابھی بارش ہوئی، بھیگا ، لگا تم کوئی بارش کا قطرہ ہو جو کہیں روح کو بھگو رہا ہے ۔۔۔ کبھی یورپ کی سرد گوں رات میں جب کوئی ٹھنڈی سی جھرجھری جاگے
تو جاننا میں نے تمھیں چھوا ہے۔۔۔۔ کبھی سرد رات کے گرم بستر میں کسمسائو
تومیری سانس کی حدت ضرور محسوس کرو گی
دیکھنا ایک دن ایسا ہوگا
میں تمھارے پاس ہوں گا، نہ ہو کر بھی۔۔۔
بس اور نہیں ۔۔۔ میں خود بھی تحلیل ہونے کے قریب ہوں۔۔۔

بولو نہ خاموش کیوں ہو ۔۔۔ ؟
نہیں کچھ نہیں کہنا تھا ۔۔۔
۔۔۔۔۔۔۔۔۔۔۔۔

دیکھو میری روح جسم سے نکلنے کو تھی کہ تم نے روک دیا ۔۔۔ ایسے نہ کرو ۔۔۔ تم خاموش کیوں ہوجاتے ہو ؟ ۔۔۔
جبکہ مجھے تو تم سے بہت باتیں کرنی ہیں ۔۔۔
ہممم ۔۔۔ کرو سن رہا ہوں ۔۔۔
یہاں بارش ہوئی بہت شدید ۔۔۔ میں نے چند قطرے ہاتھ میں لیے انگلیوں کے پوروں سے محسوس کیا ۔۔۔
تم نے بھی وہاں یہی محسوس کیا تھا؟

ہاں ۔۔۔ ہاں چاند جیسے اندر موجود روشنی سے روشناس کراتا ہے ویسے ہی سیاہ رات اپنی تاریکی کے بے انت سایوں سے آشنا کرتی ہے۔۔۔ ویسے ہی میں نے تمہیں قطرے میں محسوس کیا ۔۔ اور تم نے اس قطرے کو ۔۔۔

اچھااا پر اس وقت تم میرے پاس تھے ۔۔۔ کیسا تعلق ہے ہمارا کہ 6،709 کلومیٹر کے فاصلے ہے اور میں57 دن پیدل چل کر بھی تم تک آسکتی ہوں مگر میں جس لمحے چاہوں تم تک آجاتی ہوں ۔۔۔
ہے نا مزے کا واقعہ ؟۔۔

ہاں واقعی یہ بڑا مزے کا واقعہ ہے۔۔۔۔ یہ واقعہ کیوں خوبصورت ہے معلوم ہے ؟
نہیں ۔۔
اس لیے کہ اس میں حاصل کی تمنا نہیں ۔۔۔ اس میں ہجر ایک اذیت ناک اژدھا نہیں ۔۔ جو ہر لمحے خوف میں مبتلا رکھے ۔۔۔
تمہیں حاصل کرلوں تو کیا ہوگا ؟ طلب ختم ہوجائے گی ۔۔۔۔ طلب بڑھتی رہے اور فخر بھی ۔۔۔ اسکے لئے یہ جملہ یہ احساس کافی ہے کہ تمہیں مجھ سے محبت ہے ۔۔۔

ہاں ہاں بالکل میں یہی چاہتی ہوں تم محبت نہ کرو مجھ سے کیوں کہ اس محبت میں فنا مجھے ہونا ہے ۔۔۔۔ اگر تم بھی شامل ہوگئے تو بتاو کون سنگھاسن پر بیٹھے گا اور کون فنا ہوگا ۔۔۔ ؟
مجھ سے سوالوں کے جواب نہیں دیے جاتے جانتی ہو تم ۔۔۔

از قلم فائضہ خان
(جاری)

 

[فائضہ خان]

تم سے سوالات کے جواب نہیں دیے جاتے ۔۔۔۔ مطالب کی وضاحت تم سے نہیں ہوتی ۔۔۔۔ لیکن حیرت ہے مجھ تک تمہارا ہر جواب ایسے پہنچ جاتا ہے جیسے سورج اپنی روشنی رمزے رمزے چاند تک پہنچاتا ہے ۔۔۔
دیکھو بارش کی بوندیں میری پلکوں پر ٹھہر گئی ہیں ۔۔۔ ان سے کہو نہ ۔۔۔۔ کہ یہ پلکیں تو روز تمہارا نام لیتے ہی بھیگ جاتی ہیں ۔۔۔
تم سن رہے ہو نا ؟۔۔۔
ہممم۔۔۔ سن رہا ہوں ۔۔۔۔۔

کبھی تم کھڑکی کے پاس بیٹھ کر بارش کے قطروں کو میری بانسری
کے سروں کی مانند سنتے ہو اور کبھی میں انہی بارش کے قطروں کو ایک ردھم سے برستا دیکھ کر یک دم تمہاری لکھی تحریروں میں چھپے موتیوں کو سیپیوں سے الگ کرنے میں مگن ہوجاتی ہوں ۔۔۔۔

مجھے وحشت ہوتی ہے اب باتوں سے ۔۔۔ مت کیا کرو ایسی باتیں ۔۔۔۔ دیکھو مجھے محبت بوجھ لگتی ہے ۔۔۔ میں اسکا بوجھ کیسے اٹھاوں گا ۔۔۔۔ ؟
میں جاتا ہوں اب ۔۔۔
ایسے جاو گے ؟ ۔۔۔
میں رکا ہی کب تھا؟

ہاں یہ بھی ہے ۔۔۔ مگر سنو ۔۔!!۔۔
ٹرین چلنے سے پہلے سٹی کی آواز سنی ہے تم نے ؟ بہت قریب سے؟؟؟۔۔۔۔

ہاں !! بہت بار ۔۔۔

وہی وقت ہے یہ ۔۔۔ بالکل وہی وقت ۔۔۔۔
جانے والے کو روکا نہیں جاسکتا بس دعا سلامتی ۔۔۔ ہاتھ ہلایا جاسکتا ہے۔۔۔ ہائے بڑی بےبسی ہے ۔۔۔۔ آہ۔۔

ہممممم ۔۔۔ پلیٹ فارم ساتھ ساتھ چل رہا ہے وہی پلیٹ فارم ساتھ ساتھ چلے گا۔۔۔۔ یہی ہوں کہیں بھی نہیں جا رہا۔۔۔۔ اچھا اداس نہ ہو۔۔۔۔
تم یہاں کب تھے؟
تم تو بس عدم کی وہ حالت تھے اور ہو ۔۔۔ جسے میں خدا کے وجود کی طرح بس محسوس کرتی ہوں ۔۔۔ مجھے رونا آتا ہے اب ۔۔۔ اور بہت آتا ہے ۔۔۔ تمہیں حاصل کی تمنا نہیں کی تھی کبھی ۔۔۔ نہ دعا ۔۔۔ نہ طلب ۔۔۔ مگر ۔۔۔
مگر سے آگے کچھ مت کہنا ۔۔۔ بس وہ لفظ یاد کرو اپنے جب تم نے کہا تھا کہ ۔۔۔۔ تم آزاد ہو ۔۔۔ میں نہیں چاہتی تم مجھ سے محبت کرو ۔۔۔

ہاں یاد ہے ۔۔

تو پھر آج اتنی اذیت کیوں ؟ تم نے تو مجھے آزاد رکھا ہوا تھا نہ؟

پھر درد اٹھا آہ ۔۔۔ ہاں آزاد ہی ہو تم لیکن مجھے دوسرا موقع ملتا تو نہ آزاد رکھتی ۔۔۔
سنو
اگر ہم بھی دوبارہ جنم لینے پر یقین کرتے تو ۔۔۔ اس جنم میں اگلے جنم کی تقدیر اپنی مرضی سے لکھوانے کی دعا کرتی ۔۔۔۔ پھر تو خدا ناموں کے جوڑ سے ناراض نہیں ہوتا نا؟ ۔۔
ہائے شدید درد ۔۔۔ کہ درد لہروں کی صورت لمحہ بھر میں مجھے نڈھال کیے دیتا ہیں ۔۔۔۔
سینہ کے جوف میں بائیں جانب جو مائل حالت میں ایک مضخت ہے نہ اسکی انبساط و انقباض آجکل شدت اختیار کر رہی ہے۔۔۔
ایسے لگتا ہے جیسے یہ الگ سا ایک وجود ہے جو مجھ سے الگ ہونا چاہتا ہے اسکا دم گھٹتا ہے میرے اندر ۔۔۔
سانس رکنے لگتی ہے ۔۔۔ حلق میں آنسوؤں کا پھندا ۔۔۔ جیسے کچھ اٹک سا گیا ہے ۔۔۔۔
ہاتھوں میں خون کی ترسیل ایسے رک جاتی ہے جیسے کلائی کو سختی سے پکڑ لیا ہے بالکل بےجان بدن ۔۔۔۔ کوئی شے نہیں پکڑی جاتی کہ گر جائے گی ۔۔۔ کانوں میں سئیں سئیں کی آوازیں ۔۔۔۔ جیسے دماغ سن ہورہا ہے ۔۔۔ سجھائی بھی نہیں دیتا کچھ سنائی تو دور کی بات ۔۔۔۔ پیدل چلتے جو بینچ ملتا ہے بیٹھ جاتی ہوں کہ لگتا ہے اب قدم بھی نہیں اٹھایا جانا۔۔۔۔
خدا کو کم از کم دو بار زندگی تو دینی چاہئے تھی۔۔۔

از قلم فائضہ خان

(جاری)

 

[فائضہ خان]

اپنی گفت گو سے ایک دنیا کو اپنے سحر میں جکڑے رکھنے والے جب تم بولنا شروع کرتے ہو تو تم پر گویا الفاظ وحی کی مانند اترنے لگتے ہیں ۔۔۔
تمہارے مُتَخاصِم تم سے کبھی متاثر نہ ہونے کے باوجود۔۔۔ تمہاری سحر انگیز طرزِ تخاطب کی فتنہ پردازی سے کبھی نہ بچ سکے۔۔۔۔ تمہاری جادو بیانی کو سنتے ہوئے مجھے اکثر خیال آتا ہے۔۔۔

عالم فنا ہے تو علم بقا ہے۔۔۔۔ ۔زخم فنا ہے تو درد بقا ہے ۔۔۔دوا فنا ہے تو اثر بقا ہے۔۔۔۔ جسم فنا ہے تو روح بقا ہے ۔۔۔۔۔ محبوب فنا ہے تو محبت بقا ہے ۔۔۔۔ تو عشق ؟۔۔۔
دیکھو مجھے کچھ تو بتاو کہ میلان رجحان محبت عشق ۔۔۔ میں کہاں ہوں؟۔۔۔

میں سوچنے سمجھنے کی صلاحیت کھو رہی ہوں۔۔۔۔ تم جو کہتے ہو اسی پر ایمان لے آتی ہوں۔۔۔
یہ جو تم لکھتے ہو نا ۔۔۔ یہ بشر تو نہیں لکھ سکتا یہ تو آیتیں لگ رہی ہیں ۔۔۔۔ کلام ۔۔۔۔ خدا کا کلام ۔۔۔۔۔ صیحفے ۔۔۔ تم لکھنا مت چھوڑنا اس کے بدلے تم میرے عمال ناموں سے ساری نیکیاں اپنے حصے لکھوا لو ۔۔۔
دیکھو میری ہتھیلیاں نم ہورہی ہیں ۔۔۔۔ احساس ندامت احساس گناہ ۔۔۔ ہائے میں گناہ کی مرتکب ٹھہری ۔۔۔ رانجھن ۔۔
کہ۔۔۔

رات کی چند گھڑیاں جب میری روح احساسات بدنِ فانی سے آزاد ہوتی ہے ۔۔۔۔۔ تو اگلی صبح تک مجھے تمہاری عبادت میں قَضا کا ملال رہتا ہے ۔۔۔۔
مجھے تو بس تمہارے قدموں میں رہنا چاہئے تھا نظریں جھکائے مگر وہ چند گھڑیاں ۔۔۔ آہ


(جاری)

از قلم فائضہ خان

 

[نور وجدان]

تم وہ نہیں ہو جو کسی کو مکمل کرو ۔۔۔ میں بهی وہ نہیں ہوں جو کسی کو مکمل کروں۔۔۔۔ وجہ یہ نہیں کہ تم میں یا مجھ میں یہ گن نہیں۔۔۔۔۔ بس اتنا ہے کہ وہ دو وجود جو خود مکمل ہوں۔۔۔ کیسے ایک دوسرے سے ملکر زیادہ مکمل ہو سکتے ہیں۔۔۔۔ میں بهوگ کر مکمل ہوں۔۔۔ اور تم جان کر۔۔۔۔۔ دونوں کاملیتیں کسی اضافہ وتفریق کی محتاج کہاں؟ ۔۔۔۔ ہاں روشن رستے کا سفر بهوگی کے لیے گمراہی کا امکان رکهتا ہے اس سے آگاہ رہنا۔۔۔۔ تمہیں پتہ ہے کتنی دفعہ میں نے تمھاری درد یوں محسوس کیا ہے جیسے مجھ میں کہیں ہو۔۔۔۔۔
کیونکہ میں خود کو جانتی ہوں۔۔۔۔۔ اور اس توسط سے ہر انسان کو۔
مجھے پتہ ہے کہ ہماری زندگیاں کیسے کام کرتی ہیں۔۔۔۔۔ اور کیسے ہم اذیتیں تراشتے ہیں۔۔۔۔۔ اور۔۔۔۔کبھی کبھی دل کرتا ہے کہ اس دنیا کے ہر انسان کے پاس جائوں اور اسے بتائوں کہ وہ کیا ہے۔۔
مگر دس از پراسیس آف نیچر۔۔۔۔۔ انسان خود بھوگ کر ہی اس تک پہنچنے کے لیے بنا ہے۔۔۔ ورنہ کتنے نبی صوفی یوگی آئے۔۔۔۔۔۔
زندگی زمین کی طرح نہیں کہ جس پر چلنے سے رستے بن جاتے ہیں۔۔۔۔۔ زندگی آسمان کی طرح ہے کہ سارا دن پرندے اڑتے ہیں۔۔۔۔ مگر رستے نہیں بنتے۔۔۔۔۔۔ اگر زمین کی طرح ہوتی تو جو بیدار لوگ آئے ان کی تراشی پگڈنڈیاں شاہراہیں بن جاتیں اور سب لوگ اس پر چل رہے ہوتے ۔۔۔اسی وجہ سے درد کی دهات کو سونا بننے دینا۔۔۔۔
تم جھیل ہو۔۔۔۔۔خود کو جھیل کی سطح مت سمجھو۔۔۔۔۔ جھیل جس پر لہروں کے نشیب و فراز ہیں۔۔۔۔۔ مگر جس کی تہہ میں سکون ہے۔۔۔ "ہونے" کا احساس ہے ۔۔۔۔ وسعت ہے۔۔۔۔۔۔ سٹل نیس ہے۔۔۔۔۔ سطح پر ابھار بھی ہوں گے۔۔۔۔ غم کے شاپر بھی۔۔۔۔۔ دکھ کا کوڑا بھی۔۔۔۔ وقتی خوشی کے کسی درخت سے گرے شاید کچھ پتے بھی۔۔۔۔۔کسی کیکر کی شاخ سے ٹوٹے کرائسس کے کچھ کانٹے بھی۔۔۔۔۔کسی کے چھن جانے۔۔۔۔ چھوڑ جانے۔۔۔۔ مرجانے ۔۔۔۔ بدل جانے۔۔۔۔۔ کے زرد رنگ پتے بھی۔۔۔۔۔ بہار میں درختوں سے گرے وقتی کامیابیوں۔۔۔۔۔نوکری میں ترقی۔۔۔۔۔کاروبار میں نفع کے کچھ پھول بھی۔۔۔۔۔ ہر رنگ ہر خوشبو ہر درد ہر کلفت۔۔۔ مگر یہ سب جھیل کی سطح ہیں۔۔۔۔۔جو جھیل کا حصہ ہونے کے باوجود بھی کل جھیل نہیں۔۔۔۔۔جھیل کی تہہ۔۔۔۔ اس کی گہرائی ۔۔۔۔ ہر اس موومنٹ سے پاک ہوتی ہے جو تہہ پر ہو رہی ہے۔۔۔۔۔ پیارے "رانجھن" تم وہ جھیل کی تہہ ہو۔۔۔۔۔ تم سکون ہو۔۔۔۔۔ سٹل نیس ہو۔۔۔۔۔۔ زندگی کی ہر کڑواہٹ سے ماورا ہو۔۔۔۔۔ تم عکس ہو۔۔۔۔ ابدیت کا عکس۔۔۔۔۔ تم واحد حقیقت ہو کائنات کی۔۔۔۔۔ سوچو ابھی آنکھ بند کرو تو یہ ساری دنیا فنا ہو جائے گی۔ ۔۔۔کان میں انگلی ڈال لو ہر آواز مر جائے گی۔۔۔۔ ناک بند کرلو دنیا کی ہر خوشبو بد بو مر جائے گی۔۔۔۔۔ چھونے کی حس بے حس کر لو ہر لمس مٹ جائے گا۔۔۔۔ تم وہ کتاب ہو جس پر زندگی کا حرف حرف لکھا ہے۔۔۔۔۔۔ بس جھیل پر اٹھ رہی لہروں کو یوں دیکھنا سیکھ لو جیسے جھیل کی تہہ۔۔۔۔ سطح کی ہلچل کو دیکھتی ہے اور ہنس دیتی ہے۔۔۔۔ جیسے والدین بچوں کو اودھم مچاتے دیکھتے ہیں اور ہنس دیتے ہیں۔۔۔۔
یہ ہو تم ۔۔۔۔۔ تم ہو اس کائنات کا برپا ہر واقعہ۔۔۔۔۔ ہاں مگر یہ احساس مقام عجز پر فائز کردے تو تم کائنات کی ہر چیز سے جڑ جائو گے۔۔۔۔ وہ کائنات جہاں کہیں " میں "بھی موجود ہوں گی۔۔۔
میں عدم کی سمٹی وسعتوں سے تمہیں دیکها کروں گی ۔۔۔۔

سنو رانجھن ۔۔۔

صحرا پهیل کر ذرہ ریگ بن گیا ہو تو مساواتیں بدل جاتی ہیں۔۔۔۔ مجھ سے سب پوچھتے ہیں سمندر کیا ہے۔۔۔۔۔کوئی یہ کیوں نہیں پوچهتا یہ قطرہ کیا ہے۔۔۔۔جو زمان کی ضمانتیں ضبط کیے بیٹها ہے جو مکاں کی وسعتوں کو تہس کر چکا ہے۔۔۔۔ سب یہی سوچتے ہیں میں جانتی ہوں۔۔۔۔ مگر کیسے؟ ۔۔۔۔ میں اب خاموشیوں کے حوالے ہونے کا ڈر بهی کهو رہی ہوں۔۔۔۔ شاید تم میرے اس سفر کا وہ مقام ہو جو ہمالیہ کی چوٹیوں پر خیمہ زن ہو۔۔۔۔ جس نے مجهے وہ دهکا دینا ہے جو میرے سرابوں کے ڈرامے کا انجام کر دے۔۔۔۔ تم وجود کے ڈوبتے لمحے کا آخری تنکا ہو۔۔۔۔۔ تمہیں پتہ ہے۔۔۔۔مجهے تم سے کبهی وہ محبت محسوس نہیں ہوئی جو سب جانتے ہیں۔۔۔۔ تم اصل میں میری جستجو کا وہ نقطہ ہو جہاں ادق اجل کر ایک دوسرے میں یوں فنا ہوتے ہیں کہ کائنات ہی نہیں خلا بهی معدوم ہو جاتے ہیں۔۔۔۔۔ اس کی وجہ تمهارا یا میرا خاص ہونا نہیں۔۔۔ بلکہ وجہ بس اتنی ہے کہ پھل جب پک گیا ہو تو ہلکی ہوائیں بهی اسے گرا دیتی ہے۔۔۔۔ اسے کہ جسے آندھیاں تک نہیں گرا سکی تهیں۔۔۔۔ تم وہ کانشیس احساس ہو جو شعور و لا شعور کے واہگہ پر متعین تهے ۔۔۔۔ میرے وجودی بلبلے کی وہ سوئی جو ہر سراب کے غبارے سے ہوا نکال دیتی ہے۔۔۔۔ شکریہ میرے "میں" کے خاتم ... اور اب میں " تمام" ہوتی ہوں۔۔۔۔
از قلم فائضہ خان
(جاری )

واہ! خوب

 

[نور وجدان]

تمہیں حاصل کرلوں تو کیا ہوگا ؟ طلب ختم ہوجائے گی ۔۔۔۔ طلب بڑھتی رہے اور فخر بھی

واہ

درد کی انتہا! انتہا پر درد!
لفظ نہیں انداز بیان مسحور کن،

تم سے سوالات کے جواب نہیں دیے جاتے ۔۔۔۔ مطالب کی وضاحت تم سے نہیں ہوتی ۔۔۔۔ لیکن حیرت ہے مجھ تک تمہارا ہر جواب ایسے پہنچ جاتا ہے جیسے سورج اپنی روشنی رمزے رمزے چاند تک پہنچاتا ہے ۔۔۔
دیکھو بارش کی بوندیں میری پلکوں پر ٹھہر گئی ہیں ۔۔۔ ان سے کہو نہ ۔۔۔۔ کہ یہ پلکیں تو روز تمہارا نام لیتے ہی بھیگ جاتی ہیں ۔۔۔
تم سن رہے ہو نا ؟۔۔۔
ہممم۔۔۔ سن رہا ہوں ۔۔۔۔۔

کبھی تم کھڑکی کے پاس بیٹھ کر بارش کے قطروں کو میری بانسری
کے سروں کی مانند سنتے ہو اور کبھی میں انہی بارش کے قطروں کو ایک ردھم سے برستا دیکھ کر یک دم تمہاری لکھی تحریروں میں چھپے موتیوں کو سیپیوں سے الگ کرنے میں مگن ہوجاتی ہوں ۔۔۔۔

مجھے وحشت ہوتی ہے اب باتوں سے ۔۔۔ مت کیا کرو ایسی باتیں ۔۔۔۔ دیکھو مجھے محبت بوجھ لگتی ہے ۔۔۔ میں اسکا بوجھ کیسے اٹھاوں گا ۔۔۔۔ ؟
میں جاتا ہوں اب ۔۔۔
ایسے جاو گے ؟ ۔۔۔
میں رکا ہی کب تھا؟

ہاں یہ بھی ہے ۔۔۔ مگر سنو ۔۔!!۔۔
ٹرین چلنے سے پہلے سٹی کی آواز سنی ہے تم نے ؟ بہت قریب سے؟؟؟۔۔۔۔

ہاں !! بہت بار ۔۔۔

وہی وقت ہے یہ ۔۔۔ بالکل وہی وقت ۔۔۔۔
جانے والے کو روکا نہیں جاسکتا بس دعا سلامتی ۔۔۔ ہاتھ ہلایا جاسکتا ہے۔۔۔ ہائے بڑی بےبسی ہے ۔۔۔۔ آہ۔۔

ہممممم ۔۔۔ پلیٹ فارم ساتھ ساتھ چل رہا ہے وہی پلیٹ فارم ساتھ ساتھ چلے گا۔۔۔۔ یہی ہوں کہیں بھی نہیں جا رہا۔۔۔۔ اچھا اداس نہ ہو۔۔۔۔
تم یہاں کب تھے؟
تم تو بس عدم کی وہ حالت تھے اور ہو ۔۔۔ جسے میں خدا کے وجود کی طرح بس محسوس کرتی ہوں ۔۔۔ مجھے رونا آتا ہے اب ۔۔۔ اور بہت آتا ہے ۔۔۔ تمہیں حاصل کی تمنا نہیں کی تھی کبھی ۔۔۔ نہ دعا ۔۔۔ نہ طلب ۔۔۔ مگر ۔۔۔
مگر سے آگے کچھ مت کہنا ۔۔۔ بس وہ لفظ یاد کرو اپنے جب تم نے کہا تھا کہ ۔۔۔۔ تم آزاد ہو ۔۔۔ میں نہیں چاہتی تم مجھ سے محبت کرو ۔۔۔

ہاں یاد ہے ۔۔

تو پھر آج اتنی اذیت کیوں ؟ تم نے تو مجھے آزاد رکھا ہوا تھا نہ؟

پھر درد اٹھا آہ ۔۔۔ ہاں آزاد ہی ہو تم لیکن مجھے دوسرا موقع ملتا تو نہ آزاد رکھتی ۔۔۔
سنو
اگر ہم بھی دوبارہ جنم لینے پر یقین کرتے تو ۔۔۔ اس جنم میں اگلے جنم کی تقدیر اپنی مرضی سے لکھوانے کی دعا کرتی ۔۔۔۔ پھر تو خدا ناموں کے جوڑ سے ناراض نہیں ہوتا نا؟ ۔۔
ہائے شدید درد ۔۔۔ کہ درد لہروں کی صورت لمحہ بھر میں مجھے نڈھال کیے دیتا ہیں ۔۔۔۔
سینہ کے جوف میں بائیں جانب جو مائل حالت میں ایک مضخت ہے نہ اسکی انبساط و انقباض آجکل شدت اختیار کر رہی ہے۔۔۔
ایسے لگتا ہے جیسے یہ الگ سا ایک وجود ہے جو مجھ سے الگ ہونا چاہتا ہے اسکا دم گھٹتا ہے میرے اندر ۔۔۔
سانس رکنے لگتی ہے ۔۔۔ حلق میں آنسوؤں کا پھندا ۔۔۔ جیسے کچھ اٹک سا گیا ہے ۔۔۔۔
ہاتھوں میں خون کی ترسیل ایسے رک جاتی ہے جیسے کلائی کو سختی سے پکڑ لیا ہے بالکل بےجان بدن ۔۔۔۔ کوئی شے نہیں پکڑی جاتی کہ گر جائے گی ۔۔۔ کانوں میں سئیں سئیں کی آوازیں ۔۔۔۔ جیسے دماغ سن ہورہا ہے ۔۔۔ سجھائی بھی نہیں دیتا کچھ سنائی تو دور کی بات ۔۔۔۔ پیدل چلتے جو بینچ ملتا ہے بیٹھ جاتی ہوں کہ لگتا ہے اب قدم بھی نہیں اٹھایا جانا۔۔۔۔
خدا کو کم از کم دو بار زندگی تو دینی چاہئے تھی۔۔۔

از قلم فائضہ خان

(جاری)

 

[شمشاد]

واہ واہ۔ بہت خوب۔
اردو محفل کو ایک اور لکھاری بہت مبارک ہو۔

 

[نور وجدان]

اس مکالمے نے رلا سا دیا ہے!

 

[نور وجدان]

واہ واہ۔ بہت خوب۔
اردو محفل کو ایک اور لکھاری بہت مبارک ہو۔

وہ بھی منجھا ہوا

 

[فائضہ خان]

واہ واہ۔ بہت خوب۔
اردو محفل کو ایک اور لکھاری بہت مبارک ہو۔

بہت شکریہ 🙏

 

[فائضہ خان]

اس مکالمے نے رلا سا دیا ہے!

ہم اپنا رونا ہی تو لکھ رہے ہیں ۔۔۔ آپکی حُوصلہ افزائی ہمیشہ میرے لئے دلی سکون کا باعث بنی ہے ۔۔۔ شکریہ ❤️

 

[سیما علی]

اپنی گفت گو سے ایک دنیا کو اپنے سحر میں جکڑے رکھنے والے جب تم بولنا شروع کرتے ہو تو تم پر گویا الفاظ وحی کی مانند اترنے لگتے ہیں ۔۔۔
تمہارے مُتَخاصِم تم سے کبھی متاثر نہ ہونے کے باوجود۔۔۔ تمہاری سحر انگیز طرزِ تخاطب کی فتنہ پردازی سے کبھی نہ بچ سکے۔۔۔۔ تمہاری جادو بیانی کو سنتے ہوئے مجھے اکثر خیال آتا ہے۔۔۔

عالم فنا ہے تو علم بقا ہے۔۔۔۔ ۔زخم فنا ہے تو درد بقا ہے ۔۔۔دوا فنا ہے تو اثر بقا ہے۔۔۔۔ جسم فنا ہے تو روح بقا ہے ۔۔۔۔۔ محبوب فنا ہے تو محبت بقا ہے ۔۔۔۔ تو عشق ؟۔۔۔
دیکھو مجھے کچھ تو بتاو کہ میلان رجحان محبت عشق ۔۔۔ میں کہاں ہوں؟۔۔۔

میں سوچنے سمجھنے کی صلاحیت کھو رہی ہوں۔۔۔۔ تم جو کہتے ہو اسی پر ایمان لے آتی ہوں۔۔۔
یہ جو تم لکھتے ہو نا ۔۔۔ یہ بشر تو نہیں لکھ سکتا یہ تو آیتیں لگ رہی ہیں ۔۔۔۔ کلام ۔۔۔۔ خدا کا کلام ۔۔۔۔۔ صیحفے ۔۔۔ تم لکھنا مت چھوڑنا اس کے بدلے تم میرے عمال ناموں سے ساری نیکیاں اپنے حصے لکھوا لو ۔۔۔
دیکھو میری ہتھیلیاں نم ہورہی ہیں ۔۔۔۔ احساس ندامت احساس گناہ ۔۔۔ ہائے میں گناہ کی مرتکب ٹھہری ۔۔۔ رانجھن ۔۔
کہ۔۔۔

رات کی چند گھڑیاں جب میری روح احساسات بدنِ فانی سے آزاد ہوتی ہے ۔۔۔۔۔ تو اگلی صبح تک مجھے تمہاری عبادت میں قَضا کا ملال رہتا ہے ۔۔۔۔
مجھے تو بس تمہارے قدموں میں رہنا چاہئے تھا نظریں جھکائے مگر وہ چند گھڑیاں ۔۔۔ آہ


(جاری)

از قلم فائضہ خان

بہت خوب
فائضہ خان

 

[سیما علی]

تم سے اب اس خاموشی کی لہروں کے ذریعے مکالمہ ہو گا ۔۔۔

واہ کیا خوبصورت مکالمہ ہے
خاموش لہروں میں

 

[نور وجدان]

ہم اپنا رونا ہی تو لکھ رہے ہیں ۔۔۔ آپکی حُوصلہ افزائی ہمیشہ میرے لئے دلی سکون کا باعث بنی ہے ۔۔۔ شکریہ ❤️

واپسی کا شکریہ

 

[سیما علی]

عالم فنا ہے تو علم بقا ہے۔۔۔۔ ۔زخم فنا ہے تو درد بقا ہے ۔۔۔دوا فنا ہے تو اثر بقا ہے۔۔۔۔ جسم فنا ہے تو روح بقا ہے ۔۔۔۔۔ محبوب فنا ہے تو محبت بقا ہے ۔۔۔۔ تو عشق ؟۔۔۔
دیکھو مجھے کچھ تو بتاو کہ میلان رجحان محبت عشق ۔۔۔ میں کہاں ہوں؟۔۔

اللہ رب العزت نے ارشاد فرمایا:
کُلُّ مَنْ عَلَیْهَا فَانٍ وَّیَبْقٰی وَجْهُ رَبِّکَ ذُو الْجَلٰلِ وَالْاِکْرَامِ.
(الرحمٰن، 55: 26-27)
’’ہر کوئی جو بھی زمین پر ہے فنا ہو جانے والا ہے۔ اور آپ کے رب ہی کی ذات باقی رہے گی جو صاحبِ عظمت و جلال اور صاحبِ انعام و اکرام ہے۔‘‘
’’فنا‘‘ عربی زبان کا لفظ ہے جس کا معنی ختم ہونا ہے۔ کسی شے کا زوال پذیر ہوجانا یا کسی شے کی نفی ہوجانا یا کسی شے کا غائب ہوجانا،’’فنا‘‘ کے مفہوم میں داخل ہے۔’’فنا‘‘ کا تصور اہلِ تصوف کے ہاں زیادہ پایا جاتا ہے۔ تصوف کے علاوہ بھی فنا کے معانی و مطالب پائے جاتے ہیں مگر تصور ِفنا کی سب سے بہتر تعریف کتبِ تصوف میں بیان کی گئی ہے۔
تصورِ فنا؛ انا پرستی، ذات کی نفی اور اپنی خودی سے ماوراء ہونے کا نام ہے۔ وہ خودی جس کے بارے میں علامہ اقبال نے فرمایا تھا کہ ؎خودی تیری مسلمان کیوں نہیں ہے۔ اسی خودی سے ماوراء ہوجانا فنا ہے۔

• حضرت داتا گنج بخش علی ہجویریؒ فنا اور بقاکے تصور کو بیان کرتے ہوئے فرماتے ہیں کہ فنا سے مراد بندے کااپنی بندگی کو دیکھنے سے فانی ہوجانا ہے اور بقا سے مراد بندے کا مشاہدۂ حق میں باقی رہنا ہے۔ یعنی مشاہدۂ حق کو دوام نصیب ہوجائے اور اپنے اعمالِ صالحہ کی انجام دہی پر جانے والی نگاہ فانی ہوجاتی ہے۔
• مولانا رومؒ فنا اور بقا سے متعلق فرماتے ہیں کہ فنا کی باتیں کرنے میں وہ لوگ کامل ہیں جو باقی ہیں۔ یعنی وہ لوگ فنا سے متعلق بہتر بتاسکتے ہیں جو باقی ہوچکے ہیں اور بقا کی راہ میں سیکھنے سمجھنے میں زندگی گزارتے ہیں۔

 

[سید رافع]

تم رات ہو۔۔۔۔۔

رات جو تاریکی کا وہ غلاف تان دیتی ہے جس میں مادے کی مصنوعی سرحدیں فنا ہو جاتی ہیں ۔۔۔۔

اسکی محبت کس قدر تاریک اور سطحی تھی۔ مادے کی طرح مصنوعی۔۔۔

تم سے اب اس خاموشی کی لہروں کے ذریعے مکالمہ ہو گا ۔۔۔

اسکا سینہ پہلے ہی قفل زدہ تھا۔۔۔ بول تو تم ہی رہیں تھیں۔۔۔

مجھے پتہ ہے کہ ہماری زندگیاں کیسے کام کرتی ہیں۔۔۔۔۔ اور کیسے ہم اذیتیں تراشتے ہیں۔۔۔۔۔ اور۔۔۔۔کبھی کبھی دل کرتا ہے کہ اس دنیا کے ہر انسان کے پاس جائوں اور اسے بتائوں کہ وہ کیا ہے۔۔
مگر دس از پراسیس آف نیچر۔۔۔۔۔ انسان خود بھوگ کر ہی اس تک پہنچنے کے لیے بنا ہے۔۔۔ ورنہ کتنے نبی صوفی یوگی آئے۔۔۔۔۔۔

اذیتیں تو ہر صاحب قلب کا مقدر ہے۔۔۔ اسے تراشہ کب کرتے ہیں۔۔۔ اذیت تو جاری ہی بند قلب کے صاحب قلب سے مکالمے سے شروع ہوتی ہیں۔۔۔ وہ مکالمہ جو شروع ہی نہیں ہونا چاہیے تھا۔۔۔ لیکن سورج کو ساری دنیا پر چمکنے سے کون روک سکتا ہے۔۔۔ کون گھنے درخت کو سایہ دینے سے روک سکتا ہے۔۔۔ دریا کو میٹھا پانی گندگی میں لتھڑے ہر متنفس کے لیے ہے۔۔۔ یہ صفت رحمانیت کا اظہار ہے۔۔۔

زندگی زمین کی طرح نہیں کہ جس پر چلنے سے رستے بن جاتے ہیں۔۔۔۔۔ زندگی آسمان کی طرح ہے کہ سارا دن پرندے اڑتے ہیں۔۔۔۔ مگر رستے نہیں بنتے۔۔۔۔۔۔ اگر زمین کی طرح ہوتی تو جو بیدار لوگ آئے ان کی تراشی پگڈنڈیاں شاہراہیں بن جاتیں اور سب لوگ اس پر چل رہے ہوتے ۔۔۔

زندگی زمین کی طرح ہی ہے۔۔۔ بعض لوگ بیدار ہوتے ہیں لیکن انکی محبتیں سوئی ہوئی ہوتی ہیں۔۔۔ زندگی کی طے شدہ پگڈنڈیاں اور وسیع شاہراہیں انکو چیخ چیخ کر اپنی طرف بلا رہی ہوتیں ہیں۔۔۔ لیکن رات کی مادہ شکن تاریکی کے غلاف میں اور ماحول کے شدید دباو میں وہ مسحور کن مکالمہ شروع ہوتا ہے تو طے ہر شدہ پگڈنڈی کا نشان مٹ جاتا ہے۔۔۔

تم سے سوالات کے جواب نہیں دیے جاتے ۔۔۔۔ مطالب کی وضاحت تم سے نہیں ہوتی ۔۔۔۔ لیکن حیرت ہے مجھ تک تمہارا ہر جواب ایسے پہنچ جاتا ہے جیسے سورج اپنی روشنی رمزے رمزے چاند تک پہنچاتا ہے ۔۔۔

اسکا کلام اس کے حلق سے نیچے نہیں اترتا تھا۔۔۔ جبکہ تمھارا مکالمہ قلب سے جاری ہو رہا ہے۔۔۔ وہ جادو تھا۔۔۔ تم مسحور تھیں۔۔۔ وہ بازیگر۔۔۔ تم بازی تھیں۔۔۔

اپنی گفت گو سے ایک دنیا کو اپنے سحر میں جکڑے رکھنے والے جب تم بولنا شروع کرتے ہو تو تم پر گویا الفاظ وحی کی مانند اترنے لگتے ہیں ۔۔۔

غم سینہ کھول بھی دیتا ہے لیکن کثرت غم سینہ بند کر دیتی ہے۔۔۔ مبارک ہو تمھیں کہ نشتر نے صرف پیپ زدہ پھوڑے کو کاٹ ڈالا۔۔۔ مندمل کر دیا۔۔۔ کوئی زخم نہیں دیا۔۔۔

عالم فنا ہے تو علم بقا ہے۔۔۔۔ ۔زخم فنا ہے تو درد بقا ہے ۔۔۔دوا فنا ہے تو اثر بقا ہے۔۔۔۔ جسم فنا ہے تو روح بقا ہے ۔۔۔۔۔ محبوب فنا ہے تو محبت بقا ہے ۔۔۔۔ تو عشق ؟۔۔۔
دیکھو مجھے کچھ تو بتاو کہ میلان رجحان محبت عشق ۔۔۔ میں کہاں ہوں؟۔۔۔

عشق فنا ہے تو ذکر بقا ہے۔۔۔ میلان رجحان محبت عشق میں تم ابھی مقام علم سے نہیں گزریں۔۔۔ غم علم بن جاتا ہے۔۔۔ علم عادت بن جاتی ہے۔۔۔ عادت ادب بن جاتی ہے۔۔۔ ادب اخلاص بن جاتا ہے۔۔۔ پھر ہر لمحہ غیر مخلص ہونے کا غم رہتا ہے۔۔۔ پھر غم علم بن جاتا ہے۔۔۔ علم عادت۔۔۔

میں سوچنے سمجھنے کی صلاحیت کھو رہی ہوں۔۔۔۔ تم جو کہتے ہو اسی پر ایمان لے آتی ہوں۔۔۔

ہر شراب ایمان شکن ہے۔۔۔

یہ جو تم لکھتے ہو نا ۔۔۔ یہ بشر تو نہیں لکھ سکتا یہ تو آیتیں لگ رہی ہیں ۔۔۔۔ کلام ۔۔۔۔ خدا کا کلام ۔۔۔۔۔ صیحفے ۔۔۔ تم لکھنا مت چھوڑنا اس کے بدلے تم میرے عمال ناموں سے ساری نیکیاں اپنے حصے لکھوا لو ۔۔۔

آیت ہے۔۔۔ آیت اللہ بن رہی ہے۔۔۔

 

[نور وجدان]

کافی مکالمے اکٹھے پوسٹ کردیے ہیں جن میں ممکن نہ ہوسکی قرأت کچھ کی ..... بہرحال ذات کا سفر ایسے مکالمہ جات سے ہوتا بتاتا ہے تم پر تمھاری ذات کی کتنی قرأت ہے اور کس قدر کٹھن ہے سینے کے گٹھل تہہ در تہہ کھولتے ہر ورق کی تشبیہ نکالنا ....افکار میں اظہار ہوجائے تو شمع رسالت بود ....