مکین دل نہ سمجھے ، پردہ دار لامکاں سمجھے ٭ حضرت بیدم شاہ وارثیؒ

[محمد عدنان اکبری نقیبی]

مکین ِ دل نہ سمجھے، پردہ دار ِ لامکاں سمجھے
کہاں تھے تم، مگر ہم کم نگاہی سے کہاں سمجھے
⁦
ہوئے خاموش جب فطرت کو اپنا ترجمہ سمجھے
ہر اک غنچے کو دل، ہر خار کو اپنی زباں سمجھے

فقط تھا امتحاں منظور جزب ِ شوق ِ کامل کا
اٹھے پردے تو راز ِ خنداں ہائے پاسباں سمجھے

نہ جس نے درسگاہ ِ عشق میں تعلیم پائی ہو
میری باتیں وہ کیا سمجھے.وہ کیا میری زباں سمجھے

تمہارے نام کو ہم نے دوائے درد ِ دل جانا
تمہارے ذکر ہم باعث ِ تسکین ِ جاں سمجھے

سنی ہے داستان ِ سرمد و منصور بھی تم نے
مگر اب تک نہ الفت کی حدیث ِ خونچکاں سمجھے

رگ ِ جاں سے صدا دی گوشہء دلمیں نظر آئے
کہاں وہ جلوہ گر تھے اور ان کو ہم.کہاں سمجھے

میں کہنے کو تو اس سے سر گزشت اپنی کہوں بیدم
مگر سن کر خدا ہی جانے کیا وہ بدگماں سمجھے

بیدم شاہ وارثیؒ
​