میری آغوش میں‌آ کر وہ سلاتا آنکھیں

[Imran Niazi]

اسلام و علیکم اساتذہءِ محترم

میری آغوش میں‌آکر وہ سلاتا آنکھیں
کس نے بولا تھا کہ ایسے وہ جلاتا آنکھیں

وہ مگر اپنی انا میں‌رہا جلتا برسوں
کاش آکہ میری آنکھوں سے ملاتا آنکھیں

جھوٹ کہنے پہمیرے داد جو دیتا تھا مجھے
سچ میں‌کہتا تو بھلا کیوں نہ دکھاتا آنکھیں

اُس پہ الزام لگے جتنے میں‌ٹھکرا دیتا
گر مرے سامنے اِک باراُٹھاتا آنکھیں

سارے مصروف سوالوں میں‌جوابوں‌میں‌رہے
اور میں‌کاغذ پہ رہا اس کی بناتا آنکھیں

بات کرتا نہ بھلے سامنے آجانے پہ
دکھ نہ ہوتا اگر ایسے نہ چراتا آنکھیں

بات عمران یہ ممکن ہی نہیں‌ہے ورنہ
اپنے چہرے پہ میں‌اُس کی ہی سجاتا آنکھیں
​

​

 

[الف عین]

غزل درست تو ہے۔ مکمل۔ لیکن کچھ باتیں گوش گزار ضرور کروں گا۔
کاش آکہ میری آنکھوں سے ملاتا آنکھیں
یہاں ’کہ‘ نہیں ’کے‘ کا محل ہے، کہ ممکن ہے املا کی غلطی ہو۔
مطلع درست نہیں، کہ تفہیم بھی نہیں ہوتی، اور
میری آغوش میں‌آکر وہ سلاتا آنکھیں
کس نے بولا تھا کہ ایسے وہ جلاتا آنکھیں
’کس نے بولا تھا‘ فصیح نہیں ہے، یہاں کہا تھا‘ کا محل ہے۔

 

[Imran Niazi]

غزل درست تو ہے۔ مکمل۔ لیکن کچھ باتیں گوش گزار ضرور کروں گا۔
کاش آکہ میری آنکھوں سے ملاتا آنکھیں
یہاں ’کہ‘ نہیں ’کے‘ کا محل ہے، کہ ممکن ہے املا کی غلطی ہو۔
مطلع درست نہیں، کہ تفہیم بھی نہیں ہوتی، اور
میری آغوش میں‌آکر وہ سلاتا آنکھیں
کس نے بولا تھا کہ ایسے وہ جلاتا آنکھیں
’کس نے بولا تھا‘ فصیح نہیں ہے، یہاں کہا تھا‘ کا محل ہے۔

بہت شکریہ اعجاز صاحب
'کہ' اور 'کے' کی غلطی تو میرے پیچھے ہی پڑ گئی ہے
اس سے بھی جان چھڑانا مشکل ہو رہا ہے​

 

[ابن سعید]

اُس پہ الزام لگے جتنے میں‌ٹھکرا دیتا

مذاحاً یہ مصرع کوٹ کر رہا ہوں کسی قسم کا تبصرہ یا اصلاح مت سمجھیئے گا کہ اس کا اہل ہی نہیں ہوں۔ مجھے لگتا ہے یہاں جنس تبدیل کرانے کی ضرورت ہے۔ ویسے بھی اس تکنیکی دور میں یہ ممکن ہے۔ خیر ممکن تو اس ترقی یافتہ دور میں یوں بھی ہے کہ بعض ممالک میں اس کی مکمل اجازت ہے۔ ویسے پہلے کے دور میں ایسے خیالات کو صوفیانہ کہا جاتا تھا اور تب شاعر خدا سے ہم کلام مانا جاتا تھا۔

خیر یہ تو مذاق کی ذیل میں تھا۔ غزل بہت عمدہ ہے۔

 

[مغزل]

اچھی غزل ہے جناب واہ

 

[جیا راؤ]

اُس پہ الزام لگے جتنے میں‌ٹھکرا دیتا
گر مرے سامنے اِک باراُٹھاتا آنکھیں


بہت خوب۔۔۔۔ !!!

 

[Imran Niazi]

اُس پہ الزام لگے جتنے میں‌ٹھکرا دیتا
گر مرے سامنے اِک باراُٹھاتا آنکھیں


بہت خوب۔۔۔۔ !!!

بہت بہت شکریہ جی​

 

[Imran Niazi]

اچھی غزل ہے جناب واہ

بہت شکریہ سر !​

 

[خرم شہزاد خرم]

مبارک ہو مانی بہت خوب اچھے جا رہے ہو

 

[Imran Niazi]

مبارک ہو مانی بہت خوب اچھے جا رہے ہو

بہت شکریہ بھائی جان

آپکی دوستی کی مہربانی ہے جناب​