میری ایک تازہ غزل ... نویں غزل.کوئے بتاں میں تیرا نشاں ڈھونڈتے رہے

[سید عاطف علی]

عید الاضحی کے دن میری آٹھویں غزل کے بعد
کچھ اشعار ایک تازہ غزل کے پیش ہیں تمام احبابِ محفلین ،دوستوں اور اساتذہ کی تنقیدی نظر کے لیے۔کہیں کہیں کچھ کسر لگ رہی ہے۔

کوئے بتاں میں تیرا نشاں ڈھونڈتے رہے
ہم لامکاں میں ایک مکاں ڈھونڈتے رہے

مسحور اک طلسم ِ ندیدہ سے عمر بھر
تھامے چراغ تیرا نشاں ڈھونڈتے رہے

زیر ِزمین گھر کا نہ گزرا ہمیں خیال
ہم زیر ِآسمان اماں ڈھونڈتے رہے

افسانہ جوئے شیر کا سن کر تڑپ اٹھے
تیشہ بدست کوہ گراں ڈھونڈتے رہے

مستانہ وار جشن بہاراں کو چھوڑ کر
دیوانہ وار فصل ِخزاں ڈھونڈتے رہے

خاطر میں لائے خار مغیلاں کبھی نہ ہم
گم گشتہ وہ ہی محمل ِ جاں ڈھونڈتے رہے

دریا تھا ساتھ ساتھ مگر تشنگی نہ تھی
صحرا میں آکےآب رواں ڈھونڈتے رہے

تسلیم شیخ جی کی کرامت ہمیں مگر
بیعت کو دستِ پیر مغاں ڈھونڈتے رہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید عاطف علی​

 

[محمد خلیل الرحمٰن]

کوئے بتاں میں تیرا نشاں ڈھونڈتے رہے
ہم لامکاں میں ایک مکاں ڈھونڈتے رہے

مسحور اک طلسم ِ ندیدہ سے عمر بھر
تھامے چراغ تیرا نشاں ڈھونڈتے رہے

زیر زمین گھر کا گماں ہم کو نہ ہوا
ہم زیر ِآسمان اماں ڈھونڈتے رہے

افسانہ جوئے شیر کا سن کر تڑپ اٹھے
تیشہ بدست کوہ گراں ڈھونڈتے رہے

مستانہ وار جشن بہاراں کو چھوڑ کر
دیوانہ وار فصل ِخزاں ڈھونڈتے رہے

خاطر میں لائے خار مغیلاں کبھی نہ ہم
گم گشتہ وہ ہی محمل جاں ڈھونڈتے رہے

دریا تھا ساتھ ساتھ مگر تشنگی نہ تھی
صحرا میں آکےآب رواں ڈھونڈتے رہے

تسلیم شیخ جی کی کرامت ہمیں مگر
بیعت کو دستِ پیر مغاں ڈھونڈتے رہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید عاطف علی​

بہت خوبصورت غزل جناب۔ بہت داد قبول فرمائیے

 

[سید عاطف علی]

بہت بہت آداب و امتنان ۔ خلیل بھائی۔

 

[محمد وارث]

خوب غزل ہے سید صاحب محترم

 

[سید عاطف علی]

آداب وارث بھائی

 

[ابن رضا]

آداب وارث بھائی

شاہ جی یہ غزل کس کونے میں چھپا رکھی تھی نظر ہی نہیں پڑی۔ خوب ہے جناب۔ تاہم مطلع کی گتھی آپ کو سلجھانی پڑے گی۔ وہ یہ کی کوئے بتاں کا ربط مصرع ثانی میں مکاں سے ہے یا لامکاں سے؟

 

[آذان]

"تیشہ بدست کوہ گراں ڈھونڈتے رہے " ۔
واہ واہ ۔ ۔ ۔ ہماری طرف سے بھی داد قبول فرمائیے ۔ بہت خوب کلام۔

 

[سید عاطف علی]

شاہ جی یہ غزل کس کونے میں چھپا رکھی تھی نظر ہی نہیں پڑی۔ خوب ہے جناب۔ تاہم مطلع کی گتھی آپ کو سلجھانی پڑے گی۔ وہ یہ کی کوئے بتاں کا ربط مصرع ثانی میں مکاں سے ہے یا لامکاں سے؟

رضا بھائی دانستہ اس کا فیصلہ قاری پر چھوڑدیا تھا۔

 

[الف عین]

واہ، خوب غزل ہے

 

[سید عاطف علی]

بہت آداب اعجاز بھائی۔۔۔
بیعت کی بندش پہ کچھ شک سا محسوس ہو رہا تھا۔یا یوں کہوں کہ اطمینان نہیں ہو رہا تھا۔

 

[خالد محمود چوہدری]

بہت اچھی ہے

میرے خیال میں

کوئے بتاں میں تیرا نشاں ڈھونڈتے رہے
ہم لامکاں میں بھی مکاں ڈھونڈتے رہے

بہتر ہے

 

[سید عاطف علی]

شکریہ خالد محمود چوہدری صاحب۔ آداب

 

[ادب دوست]

واہ واہ واہ سید عاطف علی بھائی، مزہ آگیا
بہت بہت داد قبول ہو ۔ پوری غزل ہی اچھی ہے مگر خاص طور سے۔۔
کیا مطلع کہا ہے ۔۔
بھئی واہ۔ واہ ۔

کوئے بتاں میں تیرا نشاں ڈھونڈتے رہے
ہم لامکاں میں ایک مکاں ڈھونڈتے رہے